Josua 7:21 - mzwDBL

²¹ Laa la ta la, n na batakaaredɛɛɡe bɛl Babelɔn tena aa sɔɔh, suuɡapoŋa lafraanɛ ne suuɡaswɛm bwe o tɔɡre aa ɛ suuɡapoŋa fifraanue del, asɛ n pɛla lawa kohona n kpɔ. N kpɔ suuɡaswɛm la ne batakaare la ka huɡe harɛ n tɛnte dea bini, asɛ suuɡapoŋa la do mun ta.”

Josua 7:21 Referans Kwoze

Jems 1:15

Pɛla waa wola were la dɛ́ lolɛ wechɔɡa, ásɛ wechɔɡa ɡe baa waraa, a yon lolɛ seo.

Amanesoma Luk Aa Chwera Tɔn 12:15

O ŋɔ ba be ŋɔ, “Hé ɡel he sie chɔ harɛ he nyiŋi kɛrɛdɛ dɛ bɛ kwaa dɛɛ kam, dɛkalkɛŋɔ nɛwɛnyini kondɔɔh kohona laa o mkpa.”

Yela 119:37

Bɛ ɡel n pɛla do kwaa aa wola tɔnɔ dɔe ta. Tɛ mɛ mkpa ɡɛ he waa la aa baɡla la.

2 Pita 2:15

Ba ɡel ŋwɛnɛtoɡre la, dɛ nyoɡre. Ba kpɔ Beɔ bie Balam o fa aa ɛ Korowii keame la ŋwɛnɛ la. O sie aa beɡre suuɡa kohona nomanta, o kpɔ ŋwɛnɛchɔɡe ta dɛ nyin suuɡa.

Mmarare 7:25

Hé fuh ba voɡare, he bɛ ɡel he pɛla lawɛ suuɡapoŋa ne suuɡaswɛm aa lɔ a ta la ásɛ dɛ ba kpɔa, dɛkalkɛŋɔ a do kɛŋɔ bela, dɛ́ won lawɛ heya. Korowii haa dɛ tomɔ nɔ kii.

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”

Sɛɡla 28:22

Nɛn o siwi aa dɛ beɡre kwaa dɔe ta la, waa saŋ nyae aa ba o nɛɛ la te lii.

2 Samoɛl 11:2

Awola jɔmɔra bɛl, kooro iro le o chɔɔbɔr dɛ baa valɛ saldoa koodem bela. O cheɡɛ bela na haah bɛl waa dɛ sɔ ne. Dɛ o wer tolo taeh,

Mumpar 6:2

belaa nyundua nɛra la aa naa kɛŋɔ harɛ nɛra la bihaahna la wer la, ba kpɔ ba bini bane mo, asɛ ba ne ba so.

Mumpar 3:6

Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di.

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

Ɛfesos 5:5

Hé jemɛ kɛrɛdɛ kɛŋɔ nɛra baa dɛ bɔ jwamane, dɛɛ ɛ wedoŋa, ba sie ɛɛ beɡre kwaa ta la aa bɔr dɔe ba Yeesu Kristo ne Korowii Kora la bini. Sie beɡra kwaa ta do kɛŋɔ voɡ toma ken.

Ɛfesos 5:3

Kɛ jwamane ne wedoŋa ne sibeɡra dɔe dɔŋa kwaa ta te, he bɛ a waa dɛɛ bol á ba ɛ kɛŋɔ hɛɛ ɛa, dɛkalkɛŋɔ aa were tɛ Korowii nɛra.

Amanesoma Luk Aa Chwera Tɔn 12:2

Wobɛlbwa nɛra aa tɔ a ta la ɛɛ le baŋee, ásɛ waa aa sɔah bwa ɡe le nɛra jemɛ.

Habakuk 2:9

Nomɛlbwa waa cheɡɛ ŋwɛnɛchɔɡe ta dɛɛ nyin kondɔɔh dɛ́ tɛ o nɛra, dɛɛ nyin bodɛɛɡe dɛ́ so, ásɛ nomɛlbwa bɛ won tel o be dɛ́ chɔɡo la, ó bwɛɛlɛ.

Aesaya 29:15

Nɛra baa swɛɛ siwi kpɔ ba waa dɛɛ sɔh Korowii la, ba bwɛɛlɛ! Ba dɛ ɛ ba waa biro ta dɛɛ lii ŋɔ, “Umee na mɛ nɔ? Umee dɛɛ ba jema ɔ?”

Aesaya 28:15

He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”

Sɛɡla 23:31

Bɛ ɡel sen a nyɔe aa soma, a sie swɛɛ dɛɛ wure numol bini neɡre.

Sɛɡla 4:23

He dɛ lii wa aa, dɛɛ nyiŋa kɛrɛdɛ, waa haa dɛ lii la, anee hɛɛ ɛ.

Job Tɔn 31:1

Job berɔ ŋɔ, “N ŋwɛɛrɔ kɛŋɔ maa bitoloo nyiŋi n pɛla dɔɔ.

Kaala 20:17

He bɛ ɡel he sie beɡre he dɔŋa deremi. He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.”

Mumpar 10:10

Bwɛjena waa tɔ sie di o kora a ta laanee, Babelɔn ne Ɛrɛk ne Akad dɛ Kalne aa lɔ Sina harɛ ta.

Josua 7:20

Asɛ Akan ŋɔ, “Kpelaa, n ɛ wechɔɡa dɛ jo Korowii Israel tena aa dɛ tomɔ la nɛ. Waa maa ɛa laanee nɔ.

Josua 7:22

Ate, Josua tomɛ toroma Akan tɛnte dea bini, ba kpɔ chwae la dɛ ka na kɛŋɔ o kpɔ kwaa la sɔh o tɛnte dea la bini, asɛ suuɡapoŋa la do a mun ta.

2 Koranar 7:8

Baala weechɔɡa aa lɔ ba nɛɛ la aa dɛ tel bela Siiria laa tena la fa aa soɡa la, ba kaa jo tɛnte deene la bɛl bini, dɛ ka di kwaa dɛ nyɔ sen, dɛ pa suuɡapoŋa ne suuɡaswɛm ne yale dɛ kpɔ ka sɔh. Dɛ berɛ ka jo tɛnte denɛɛte bini, dɛ pa o ɡe bini laala ka sɔh.

Mumpar 34:27

Baa kpoo ba tonɛ la, Jekɔb bibaala baa kaa la jo bwɛɛ la bini dɛ pa ba komɛlbwa dɛ kpɔ tɔ ɡuɡra baa ɡuɡri ba nimambie dɛ lawɔ chɔ la wel.

Sɛɡla 1:19

Gɛɛ nɛn waa dɛ nyin kafo waa do, o dɛ sewɛ ɡɛ yoi we-ɛɛla la ta.