Josua 5:1 - mzwDBL

¹ Amɔre tena baa lɔ Jɔɔdan Moo la wee cholibɔr koranar, ne Keenan tena baa lɔ Mɛdetereenea Mpo nyoa koranar aa noa kɛŋɔ Korowii ɡelɔ Jɔɔdan Moo la teŋe, asɛ Israel tena won ɛɡɛ le o baŋ la, ba jum jaoh, ba hwɛɡa bwa tonɛ kɛŋɔ ba ne Israel tena aa won yo.

Josua 5:1 Referans Kwoze

Nɛra Kura 13:29

Amalɛk tena soɡe Nɛɡɛv pua hɛŋle ɡbo harɛ, Hiti ne Jebus dɛ Amɔre tena so deŋɡarere harɛ ta, asɛ Keenan tena ɡe so bɛne Mɛdetereenea Mpo ne Jɔɔdan Moo nyoa.”

1 Koranar 10:5

ne kondikwaa aa cheɡɛ o kondikondibɔr, ne o nomonome sobɔr, ne o bonɔɔna baa dɛ tomɔ, ne ba laala baa doa, ne bonɔɔna baa do batakaani dɛɛ doo sen, dɛ kwaa waa kpoora dɛ fuah dɛɛ ɛ sarahare Korowii Dea la, a ɛo nyokpoa.

Wepila 18:10

Baa che bojaŋee, dɛkalkɛŋɔ baa ɔmɛ o hɔhɔrɔwa waa dɛ na laanee dɛ́ɛ ŋɔ, “Akwe! Akwe! Bwɛjen Babelɔn la o tena fa aa dɛ di kpeɡri ɡa la, waa puu kerabeŋkpoŋ o paɡre.”

Emɔs 2:9

Israel tena siwi taa n chɔɡ Amɔre tena kwaraa, dɛ ba kpekpeɡo ba bwara do kpeɡri, kɛŋɔ peleme daa ne dajena ken, asɛ n chɔɡ a nɔna ne a lune.

Daneɛl 5:6

O siebɔr ɡwaŋɔ, o liire chɔɡ, asɛ ɔmee lawɔ kohona o natuune ɛɛ sa dɛɛ lɔ dɔŋa.

Ɛsekeɛl 21:7

Dɛ ba bɔɔre ŋɔ, ‘Ɛrɛɛ he bambile chɔɡ hɛɛ hime kohona naa’, ŋɔ ba be ŋɔ, ‘Waa a taa lɔ sie dɛɛ ba bala waa. Ɔmee ɛɛ lawɛ nomɛlbwa kohonaa ba bwara ɛɛ sa, ba bambile chɔɡ, ba bwara yɔr.’ A dɛ ba bala. Aa bao ɡe. Men Nemenɛ Korowiirii bola.”

Ɛsekeɛl 16:3

Ŋɔ waa men Nemenɛ Korowii aa dɛ bol Jerusalam tena be laanee nɔ, ‘Keenan harɛ taa ba lolɛ he naawa. Amɔre tee he nabaa, asɛ Hiti tee he nya.

Yela 135:11

Banee, Amɔre tena Kooro Sihon ne Basan Kooro Ɔɡ, dɛ Keenan harɛ koranar bwa,

Ɛsra 9:1

Baa ɛ anɔ bwa tonɛ la, nomonome la ba men sɔfo Ɛsra be ŋɔ, “Israel tena ne sɔfore, dɛ Lewi dea tena la ta ba te pere le Keenan ne Hiti ne Pɛrɛs, ne Jebus ne Amɔn ne Moab ne Ijipt, dɛ Amɔre tena we-ɛɛla Korowii aa kia aa wola were la ta.

2 Samoɛl 21:2

Kooro yerɛ Gebeɔn tena baa kaa la, dɛ bol waa baɡ ba. Dɛ Gebeɔn tena la ta Israel tena ɛɛ. Ba ɛ Amɔre tena bane Israel tena aa baɡ ba nyoa ŋɔ baa ban kpoo. Kɛ Kooro Sɔɔl siwi beɡrɔ wɛɛ nyin ba dɛ́ kpo, Israel ne Juda tena wa.

1 Samoɛl 25:37

Tɔ aa pera chɔɔ sen la le o sie la, o haah la bol waa aa chiɡa la bwa o be. O bambile teŋo kohona, asɛ o beŋri chɔ.

Sitɔɔla 11:23

Korowii Israel tena aa dɛ tomɔ la aa doŋi Amɔre tena le ba harɛ ta dɛ kpɔ tɛ Israel tena la, ŋwɛnɛ besoo he dɔ dɛ lɛo wɔ?

Sitɔɔla 4:2

Anomanta, Korowii kpɔ ba do Keenan Kooro Jabin waa di kora bwɛjen Hasɔ nɔn ta. Kooro Jabin laa nomoa sɔne Sisera, dɛ so bwɛɛ Harɔsɛt Haɡoyim ta.

Sitɔɔla 3:3

Nɛra waa ɡel ba laanee Filisti tena koranar banue, ne Keenan tena bwa, ne Sidon ne Hivi tena baa soɡe Lɛbanɔn bwejena ta, dɛ kpoŋe le Baal Hɛmɔn ka tel Lebo Hamat.

Sitɔɔla 1:1

Josua seo habɔɔ la, Israel tena soŋe Korowii ŋɔ, “Ya deene nɔ, bamewaa dɛ́ tɔ ya sie yá ka yo Keenan tena ba harɛ ta nɔ?”

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”

Josua 17:18

dɛ́ kpɔ deŋɡarere harɛ waa ɛ kɔr la ɡe ja. Hé teŋni kɔr la daa la, dɛ́ parɔ kaa sie. A lole kɛŋɔ Keenan tena dɔ kwaa aa do kɛŋɔ torɔɡore ba vɔwa pɛl jaɡre dɛ do kpeɡri te, kɛ hɛɛ won doŋ ba le.”

Josua 17:12

Manasɛ dea tena la ta wone doŋi nɛra baa soɡe bwɛjena la ta, anomanta, Keenan tena la kwaarɔ so bela.

Kaala 23:28

Mɛɛ ɡeloo jeŋibotoola tɔ he sie, dɛ́ doŋi Hivi ne Keenan dɛ Hiti tena le he ŋwɛnɛre ta.

Mumpar 48:22

N kpɔ Sɛkem harɛ waa wera la dɛɛ tɛɛ, he dɔɔranar laa n kpɔ dɛɛ tɛ. N dɔmkwaa nee n yo dɛ lɛ le Amɔre tena be.”

Mumpar 12:6

Baa tel Keenan la, Abram ɡaaɡe harɛ la ta dɛ ka tel dajen bɛl mun More, o lɔ bwɛjen Sɛkem, dɛɛ nyin wɛɛ tomɛ Korowii bela. A ɡɛ saŋ baa tel bela la, dɛ Keenan tena soɡe harɛ la ta.

Aesaya 41:5

Nɛra baa lɔ ekwie harɛre ta naa dɛ ɔmɛ, hale banɔ la baa lɔ harɛ jaɡa bwara ɛɛ sa ba suuh tel dɛ ba,

Josua 3:16

o nyunduabɔr la tenɛ chɔ kaa kɛŋɔ baa teŋo bio ken. O chɔɔ kaa bojaŋ bwɛjen bɛl baa dɛ yerɔ Adam, o bɛne Saretan. O harɛbɔr pera waa kaa su Yar Mpo ta la hweehrɔ kwaraa, asɛ ba den kpɔ bela ɛɡɛ le, bela ne bwɛjen Jeriko sie chaɡɛ dɔŋa.

Josua 3:17

Sɔfore baa cheɡɛ Korowii Ne Nɛwɛnyina Fɔo Daka la valɛ harɛpɛɛ ta, Jɔɔdan Moo nenabɔɔ la bini dɛ ka jaɡɛ che, asɛ nɛra la bwa sekwaraa kpɔ harɛpɛɛ la ta ba bɛɡ ba dɛ le o baŋ.