Josua 3:17 - mzwDBL

¹⁷ Sɔfore baa cheɡɛ Korowii Ne Nɛwɛnyina Fɔo Daka la valɛ harɛpɛɛ ta, Jɔɔdan Moo nenabɔɔ la bini dɛ ka jaɡɛ che, asɛ nɛra la bwa sekwaraa kpɔ harɛpɛɛ la ta ba bɛɡ ba dɛ le o baŋ.

Josua 3:17 Referans Kwoze

Kaala 14:29

Kɛ Israel tena la te valɛ harɛpɛɛ waa hola ta mpo la bini, nee la pere kɛŋɔ danjwɛ dɛ do ba diɡ ne ɡal ta ba le o baŋ.

Kaala 14:22

asɛ Israel tena valɛ harɛpɛɛ waa hola ta dɛ le o baŋ. Nee la pero che kɛŋɔ danjwɛ dɛ do ba diɡ ne ɡal,

Yela 66:6

Onee ɡela mpo hweeh, harɛpɛɛ hol chɔ, ya naawa valɛ kpɔ o ta le. Belaa ya sie lɛ, waa Korowii aa ɛa wa.

Aesaya 25:8

Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

2 Koranar 2:8

Asɛ Elaeja foo o batakaare, dɛ laa kpɛwɛ dɛ kpɔ lɔ nee la, asɛ nee la bini pere anɛ, asɛ ba valɛ kpɔ harɛpɛɛ ta le nee la baŋ.

Josua 4:3

dɛ́ ŋɔ bá la bela tenten sɔfore la aa cheɡɛ Korowii Fɔo Daka la nenabɔɔ la baah ta, ásɛ bɛlbwa ka kpɔ bwe beŋkpoŋ ka bil bela baa dɛ ba chɔe jwaana nɔ ne.”

Hibru 11:29

Korowiirii Israel tena yarada waa Mposwɛm la teŋe anɛ, ásɛ o nenabɔɔ sie hol kɛŋɔ harɛpɛɛ, ba won jo le. Ijipt tena aa ŋɔa ba ɡe le la, mpo la kaa ba ne.

Kaala 14:21

Mosis tɛr daŋɡbala waa lɔ o nɔn ta la pa mpo la ta, asɛ awola jwaana la bwa Korowii ɡel peujen bɛl ta le wee leebɔr, dɛ taɡɛ nee la kaa habɔɔ o berɛ harɛpɛɛ dɛ hol chɔ. Mpo la bini pero,

Nɛra Kura 33:51

ó bol Israel tena la be ŋɔ, “He ɛɡɛ Jɔɔdan Moo la le dɛ jo Keenan harɛ ta naa,

Josua 4:1

Israel tena la bwa sekwaraa aa ɛɡɛ Jɔɔdan Moo le la, Korowii ŋɔ Josua be ŋɔ,

Josua 4:22

hé ŋɔ ba be ŋɔ, ‘Harɛpɛɛ taa Israel tena kpɔ ɛɡɛ Jɔɔdan Moo le.’

Josua 4:10

Sɔfore baa cheɡɛ Korowii Ne Nɛwɛnyina Fɔo Daka la cheɡɛ Jɔɔdan Moo nenabɔɔ la baah ta ka tel kɛŋɔ, waa Korowii aa do Josua ŋɔ ó ŋɔ Israel tena la be ŋɔ ba ɛ la aa tona, ɡɛ tenten Mosis aa bol Josua be la. Dɛ nɛra la ɛɡɛ Jɔɔdan Moo la le kaa warane.

Josua 4:11

Nɛra la bwa aa lea tonɛ la, sɔfore la ɡe kpɔ Korowii Ne Nɛwɛnyina Fɔo Daka la le ba ka tɔ ba sie ba bwa siwi ta.

Josua 5:1

Amɔre tena baa lɔ Jɔɔdan Moo la wee cholibɔr koranar, ne Keenan tena baa lɔ Mɛdetereenea Mpo nyoa koranar aa noa kɛŋɔ Korowii ɡelɔ Jɔɔdan Moo la teŋe, asɛ Israel tena won ɛɡɛ le o baŋ la, ba jum jaoh, ba hwɛɡa bwa tonɛ kɛŋɔ ba ne Israel tena aa won yo.