Josua 23:7 - mzwDBL

⁷ Hé laa he te kpɔ harɛre nɛra baa kaa he ne ba so nɔ nɛ, he bɛ ba voɡare sɔna dɛɛ yerɛ kɛɛ dɛɛ ŋwɛɛra. He bɛ an tomɛ, he bɛ an ɡuŋi ɡe.

Josua 23:7 Referans Kwoze

Kaala 23:13

Hé do sie dɛ́ ɛ wobɛlbwa maa bol he be nɔ. He bɛ voɡare dɛɛ tomɛ. He bɛ ɡel ba no a sɔna kwaraa he nyoo.

Jeremia 5:7

Korowii ŋɔ, “Juda tena, ɛrɛ waa a chɛ kɛ ń kpɔ he wechɔɡa kɛ heya ɔ? He vɛɛh mɛ dɛɛ tomɛ voɡare a wa aa wola kasinteŋ dɔe. N tɛ heyaa komɛlbwa haa dɛ nyin, kɛ he ɡarɛ kaa bɔ jwamane, he ne hanjwamanere ɛɛ valɛ.

Yela 16:4

Nɛra baa dɛ tomɛ voɡa la nyin waa dɛɛ dawɛ ba nɛ. Maa ba nɛɛ ja kpoo kwaa tɛ ba voɡare bwa, maa ba voɡaree tomɛ bwa!

Kaala 23:33

He bɛ ɡel ba so he harɛ la ta, ásɛ a che ba nɛɛ he ba ɛɛ mɛ wechɔɡa, dɛkalkɛ ba voɡare toma la ɛɛ lawɛ heyaa kɛŋɔ baa harɛ heyaa bela ken.”

Ɛfesos 5:11

ásɛ dɛ ɡel biro bini waa ɛɛ. A ta tɔnɔ dɔe. Hé le a ne baŋ, ásɛ nɛra jemɛ ɡɛ aa doa.

1 Kɔrent 15:33

He bɛ ɡel nɛra ɛɛ neɡre heya. Danchɔɡe kpɔe dɛ chɔɡ dadɛɛɡe.

Sefania 1:5

Mɛɛ chɔɡ nɛra baa teehna kaa deene dor kaa tomɛ wee, ne korobie dɛ weweela, ne banɔ la baa ŋwɛɛra ŋɔ ba dɛ tom mɛ kɛ dɛ berɛ kaa tomɛ voɡ Molɛk ɡe ja laanee.

Sɛɡla 4:14

Bɛ bela nɛnchɔɡa aa dɛ la la, bɛ ba waa dɔŋa ɛ.

Josua 23:12

Kɛ dɛ he kpɔ he te ka pɛ ɡɛ nɛra baa kaa he ne ba so nɔ nɛ, dɛ mo ba bihaahna asɛ ba ɡe mo he kwa aa,

Hosia 2:17

Maa ɡel ó yerɛ voɡa Baalre sɔna, waa a waa bol kpa.

Nɛra Kura 32:38

ne Nɛbo dɛ Baal Meɔn, ba berɔ beɡre ɡɛ sɔna nɔ. Ba kwaarɔ vɔrɔwe Sibma ɡe, dɛ berɛ kwaa pa bwɛjena baa kwaara vɔrɔwe la ɡe sɔna.

Kaala 20:5

He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.

Mmarare 6:13

Hɛ́ɛ duu Korowii dɛ́ɛ tomɛ o ɡbo, dɛɛ baɡɛ nyoa o sɔn ta.

Mmarare 10:20

Hɛ́ɛ duu Korowii haa dɛ tomɔ nɔ, hé tomɔ. Hé kpɔ he te pɛlo, o ɡbo sɔn taa chɛ kɛŋɔ hɛ́ɛ ŋwɛɛ.

Josua 23:8

Hé kpɔ he te pɛl Korowii haa dɛ tomɔ la kiŋkiŋ, ɡɛ haa ɛa dɛ ba le fini nɔ.

Jeremia 12:16

Kɛ dɛ ba wono charɛ ba liire dɛ hweli n nɛra we-ɛɛla, dɛ won dɛɛ ŋwɛɛ n sɔn ta ŋɔ, ‘N ta aa lole saŋ bɛlbwa’ nɔ ɡɛ ba fa aa baɡle n nɛra ba yon ŋwɛɛ voɡ Baal la aa, amɔ ba ɡee ja n nɛra nɛɛ, ásɛ ba wobɛlbwa do wer tɛɛ ba.

Nɛra Kura 33:55

Dɛ he ta bela tena la doŋe le aa, banɔ la haa ɡel ba ba so la ɛɛ ɛo kɛŋɔ daa waa dɛ ba he siwi tɔɡa, kɛɛ sɔɔh waa tɔɡɛ he kuɡri la ken. Baa tɛ heyaa waa, harɛ haa dɛ ba o ta soɡa la ta.

Mmarare 6:14

He bɛ komɛlbwa nɛɛ teŋɛ dɛ tomɔ, he bɛ harɛre aa bar heyaa nɔ voɡare tomɛ.

2 Koranar 5:18

Kɛ kombeŋkpoŋ maa dɛ soŋe Korowii kɛŋɔ, dɛ n ne n dɔɔ kooro kaa jo Siiria harɛ voɡ Remɔn dea dɛ ɡuŋu harɛ naa, ó kpɔ kɛ mɛ.”

2 Koranar 17:12

Korowii do Israel tena la ŋɔ ba bɛ voɡa tomɛ, kɛ ba ɡe ɡarɔ toma.

2 Webena 7:19

Kɛ dɛ he ne he nɛra berɛ habɔɔ kpo mɛ, dɛ vɛh me Mmarare ta teŋa, dɛ kaa tomɛ voɡa ane dɛɛ ɡuŋa aa,