Josua 23:10 - mzwDBL

¹⁰ He bini beŋkpoŋ ɛɛ won doŋi kɛɛ dɛ́ pɔ laa tena kaɡboŋ nɛ, dɛkalkɛŋɔ Korowii haa dɛ tomɔ laanee yoa dɛɛ tɛ heya, ɡɛ waa baɡɛ heyaa nyoa la.

Josua 23:10 Referans Kwoze

Mmarare 32:30

Dɛ Korowii waa ɛ he Bwetal dɛɛ lɛ heyaa la laa le he habɔɔ aa, ɛrɛɛ nɛmbeŋkpoŋ fe ɛɛ ba wona doŋi nɛra kaɡboŋ, kɛɛ nɛra banɛ won doŋi nɛra kaɡboŋa fiɔ?

Lewi Dea Tena 26:8

ásɛ he nɛra banue yo nɛra lafa dɛ́ won pɔ ba nɛ, he nɛra lafa ɡe won yo nɛra kaɡboŋa fi dɛ́ pɔ ba nɛ.

Mmarare 3:22

He bɛ ban ɔmɛ, Korowii haa dɛ tomɔ nɔ ɡbaɡba ɛɛ yoo tɛ heya.’

Kaala 14:14

Korowiirii dɛ́ yo tɛ heya, hé te hel.”

Yela 35:1

N Naa Korowii, kpɔ nɛra baa ɛ n dɔma la ɛ he dɔma, ka yo nɛra baa dɛ yoo mɛ la.

Mmarare 20:4

Dɛkalkɛŋɔ he ne Korowii haa dɛ tomɔ nɔɔ dɛɛ kaa dɛ́ ka yoo ba, hɛɛ yoo le.’

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Yela 46:7

Korowii waa ɛ Koranar Bwa Kooro ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Josua 23:3

Hé ɡbabir na ɡɛ Korowii haa dɛ tomɔ la aa koh he waa dɛ ɛ harɛre nɛra ba fa aa soɡe bonɔ. Dɛ on Korowiirii yoa dɛɛ tɛ heya.

1 Samoɛl 14:6

Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”

Josua 10:42

Josua ne o laa tena kaa yo a ɡɛ koranar nɔ ne ba nɛra, dɛ ba harɛre la teŋɛ dɔŋa nɛ, dɛ pɔ ba nɛ. Korowii Israel tena aa dɛ tomɔ laanee yoa tɛɛ ba.

Sitɔɔla 15:15

O na keeɡo kaŋe hoɡfale harɛ, asɛ o laa kee dɛ kpɔ kpoo baala kaɡboŋ.

2 Samoɛl 23:8

Kooro Devid banyoola baa yoa tɛo la sɔnaa teŋa nɔ. Joseb Basebɛt, onee tɔ sie dɛ ɛ Hakmoni bibaa. Dɛ ba lɔ banyoola batoro, dɛ onee chɔ ba nyoa. O wono kpɔ o lampea yo baala lafraanuatoro dɛ kpoo ba laa bɛl ta.

Sitɔɔla 3:31

Ehud aa bala habɔɔ la, Anat bibaa Samɡa ɡe kpoo Filisti tena lafraanumɛl daa waa seɡre o nyoa, dɛ kpɔ dɛɛ teɡɛ o nae la ne. O ɡe jao dɛ lɛ Israel tena.

Mmarare 20:3

‘Israel tena, fini he ne he dɔma dɛ ba yoi, anomanta, he bɛ ɡel he bwara yɔr, he bɛ ɡel he bwara ɛɛ sa, he bɛ ban ɔmɛ.

Mmarare 28:7

Korowii ɛɛ pɔ he dɔma nɛɛ tɛ heya. Baa kpɔ ŋwɛnɛ beŋkpoŋ taa dɛ́ ba yo heya, kɛ wɛɛ ɡeloo ba chwa peɡre.

Mmarare 32:20

dɛ ŋɔ, ‘N laa sie kpɔ ba nɛ, maa ban chaŋe. Mɛɛ nao ɡɛ aa chiɡ heya, lwɛmkpeɡ tena haa wola kasinteŋ bol.

Josua 23:11

Anomanta, hé nyiŋi kɛrɛdɛ dɛ́ɛ nyin Korowii haa dɛ tomɔ la wa.

1 Webena 5:22

asɛ dɛ kpoo nɛra baa wara keri ne, dɛkalkɛ dɛ Korowiirii yoa dɛɛ tɛɛ ba. Ate, ba so harɛ la ta ka tel kɛŋɔ baa laɡ ba kaa harɛfale ta.

Aesaya 30:17

He nɛra kaɡboŋ ɛɛ na he dɔm beŋkpoŋii dɛ ɔmɔ dɛ́ chwa, he dɔma banue ɛɛ ɡeloo he bwa chwa, a ka he laa fraŋkaa ɡbo pa deŋɡare ta.”

Sekaria 12:8

Awola tɔpere la, Korowii ɛɛ tɔ nɛra baa soɡe Jerusalam ɡbemɡbee, hale ɡwɛɡre kwaraa waa lɔ ba bini kpeɡri do kɛŋɔ ɡɛ Kooro Devid fa aa doa la. Ásɛ Kooro Devid naanar tɔ ba sie kɛŋɔ Korowii nyundua torome kɛɛ Korowii ɡbaɡba.

Lewi Dea Tena 26:7

Mɛɛ ɡeloo hé ti he dɔma dɛ́ pɔ ba nɛ,

1 Webena 5:20

Korowii cha ba dɛ ɡel ba pɔ ba nɛ, dɛ kpɔ Haɡri tena ne nɛra baa ja ba nɛɛ bwa do ba nɔn ta, dɛkalkɛ laa la ta la, ba wio no Korowii.