Josua 22:28 - mzwDBL

²⁸ Asɛ ya ŋɔ, ‘Dɛ ba baa bɔɔ ya ne ya naanar aa, yaa ŋɔɔ, “Hé na kon baa dɛ ɛ saraha o ta dɛɛ tɛ Korowii ya naawa aa maa la siwi. Kwaa fuih kɛɛ kwaa kpoora o ta dɛɛ tɛ Korowii waa laa ba mao, kɛ o ɛ ya ne he baah danseɛ kon.” ’

Josua 22:28 Referans Kwoze

Hibru 8:5

Ba sɔfore toma baa dɛ ɛ la, chaaraa baa chaa ɡɛ baa dɛ ɛa Korowii doa la. A tenten laa. A waa Mosis fa aa dɛ ba Korowii Tɛnte Dea baa dɛ tomɔ o bini la ɛɛ la, Korowii ŋɔ o be ŋɔ, “Nyiŋi dɛ ɛ komɛlbwa kɛrɛdɛ kɛŋɔ maa baɡle bwe la doa la.”

Kaala 25:40

Nyiŋi kɛrɛdɛ dɛ́ ɛa ɡɛ tenten maa baɡle bwejen la doa la.”

2 Koranar 16:10

Asɛ Kooro Ahas la Damaskɔs, dɛ ka pu Asiiria koojen Tiɡlat Pilesa. Waa la bela la, o na kon baa kpoo kwaa dɛɛ ɛ saraha o ta bela, dɛ nyiŋi o mar, dɛ ma o dɔŋ dɛ tomɛ torome o kpɔ ka baɡle sɔfo Uria.

Josua 22:27

Akai! Ya mao kɛŋɔ ó ɛ ya ne heya ne ya naanar baa ka ba la danseɛ kɛŋɔ yaa tomɛ Korowii o Dea la ta, dɛ́ kpɔ saraha kwaa baa fuah ne kwaa baa kpoora ne sarahare dɛɛ ba o sie. Gɛ aa ɛ kerekere he naanar bɛ ba ŋɔ ya naanar ne Korowii toole wobɛlbwa bini.

Josua 22:29

Korowii ɛɛ la ane bojaŋ kɛ ya ɛo deŋnekpeɡ dɛ́ vɛh o nɛɛ teŋa, dɛ́ ma saraha kon baa dɛ fuh kwaa dɛɛ tɛo ta, kɛɛ dɛ́ ɛ mea saraha kɛɛ dɛɛ kpoo kwaa o ta, dɛ́ le onɔ la baa mao o che Korowii Tɛnte Dea sie la.”

Mumpar 31:48

Belaa Laban ŋɔ Jekɔb be ŋɔ, “Bwea nɔ aa darawe dɔŋa nɛɛ nɔɔ dɛ́ lii ya nɛra banɛ nɔ fɔo la.” A waa ba pa bela sɔn Galiid, o munii danseɛ bwea la.

Josua 24:27

Dɛ ŋɔ ba be ŋɔ, “Hé na, bwe nɔɔ ɛ ya bwa danseɛ, o no wobɛlbwa Korowii aa bol ya be. Wɛɛ ɛ danseɛɛ, dɛ he baa le habɔɔ ŋɔ haa Korowii tomɛ kpa aa, o le heyaa tɛ.”

Aesaya 19:19

Baa ɛ saraha kon Ijipt harɛ baah taa tɛ Korowii, ásɛ dɛ kpɔ bwe ka pa o jwɛh ta tɛ Korowii, dɛ́ kpɔ dɛɛ lii, awola tɔpere.