Josua 21:43 - mzwDBL

⁴³ Gɛɛ a do Korowii kpɔ harɛ waa baɡɛ Israel tena nyoa ŋɔ, wɛɛ kpɔɔ tɛ ba naawa la tɛɛ ba, asɛ ba ka kpɔ o ɛ ba kapɛrɛ kon dɛ so o ta.

Josua 21:43 Referans Kwoze

Mumpar 13:15

A ɡɛ harɛ nɔ bwaa mɛɛ ba kpɔe tɛ he ne he naanar ó den ɛ he kon saŋ bɛlbwa dɛɛ la.

Mumpar 28:4

Onee dɛ́ che he ne he naanar mun ta, ɡɛ waa cheɡɛ Abraham mun ta la, ásɛ harɛ nɔ yaa ɛ hɔɔhra o ta Korowii kpɔ tɛ Abraham nɔ ɛ he kon.”

Yela 44:3

Ba tokobie ne laa ba yo lɛ harɛ la, kɛɛ ba ɡbaɡba bokpeɡa ne laa, he ɡbabir kpeɡri nee, dɛkalkɛ he baɡ ba nyoa ŋɔ, he ja ba nɛ, dɛɛ nyin ba.

Mmarare 11:31

He dɛ ba Jɔɔdan Moo la lee dɛ́ ka kpɔ harɛ Korowii aa kpɔa dɛɛ ba heyaa tɛɛ he so o ta la ta. He kaa kpɔ dɛ so o ta naa,

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Mmarare 17:14

Anee Mosis berɛ ŋɔ, “Dɛ he baa tel harɛ Korowii haa dɛ tomɔ nɔ aa kpɔa dɛɛ ba heyaa tɛɛ he dɔ dɛ so o ta dɛ lii kɛŋɔ, he chiɡ kooro wɛɛ nyiŋi he nɛɛ kɛŋɔ harɛre aa bar heyaa nɔ naa,

Mumpar 12:7

Belaa Korowii ba Abram be dɛ ba ŋɔ, “Harɛ nɔɔ mɛɛ ba kpɔe tɛ he naanar.” Anomanta, Abram pa bwea dawɛ dɔŋa nɛ bobɛl, dɛ kwaa saraha kon dɛ kpoo kwaa dɛɛ tɛ Korowii bela, kpɔe Korowii aa kpɔ o te baɡlo la wa.

Mmarare 34:4

Dɛ ŋɔ Mosis be ŋɔ, “Harɛ nɔɔ n kpɔ baɡɛ Abraham ne Aesek dɛ Jekɔb nyoa, ŋɔ mɛɛ kpɔɔ tɛɛ ba naanar la. N ɡelɔ hɛɛ nao te, kɛ maa ɡel he tel o ta.”

Nɛra Kura 33:53

Hé kpɔ harɛ la ó ɛ he kon dɛ́ so o ta, n kpɔɔ tɛ heya.

Josua 21:42

A ɡɛ bwɛjena nɔ bɛlbwa dɔ kondɛɛra dibɔra a baro cheme, dɛ a ɛ kasinteŋ ɡe.

Nehemia 9:8

He nao kɛŋɔ o waa dɔ kasinteŋ tɛɛ, asɛ he ne o fɔwɛ fɔo. He baɡɔ nyoa kɛŋɔ hɛɛ kpɔ Keenan ne Hiti ne Amɔre, ne Pɛrɛs ne Jebus, dɛ Girɡasi tena harɛree tɛ o naanar ba so a ta. He teŋɛ he nyobaɡa ta, dɛkalkɛ he waa dɔ kasinteŋ.

Nehemia 9:24

Ba naanar laŋɔ ka yo dɛ kpɔ harɛ la, o ɛ ba kon. He tɔ ba sie dɛ sɔɔh nɛra baa soɡe harɛ la ta nyoa, dɛ tɛ he nɛra kpeɡri ba pɔ Keenan harɛ koranar ne nɛra baa lɔ bela nɛ, dɛ ɛɛ ba ɡɛ baa dɛ nyin.

Nɛra Kura 34:2

ó bol Israel tena la be ŋɔ, “Dɛ he tel Keenan harɛ baa dɛ ba bɔna ó ɛ he kon la ta naa, bá do jwɛhre nɔ.

Mmarare 12:29

Dɛ Korowii haa dɛ tomɔ nɔ chɔɡ harɛre haa dɛ la ka so a ta la nɛra dɛ ɡel he so a ta naa,

Josua 1:6

Kɛ che kiŋkiŋ, dɔ bambile, henee dɛɛ ba Israel tena sie tɔe ba ka so harɛ maa kpɔa baɡɛ ba naawa nyoa la ta.

Sitɔɔla 11:24

Kon he voɡ Kemɔs aa tɛɛ la, he dɛ lɛ. Gɛɛ a do, kon Korowii yaa dɛ tomɔ la aa tɛ yaa la, ya ɡe won lɛ.

1 Samoɛl 12:8

Jekɔb ne o bii aa kaa jo Ijipt harɛ ta asɛ baa fiɡ ba la, he naawa wio no Korowii ŋɔ ó cha ba. Asɛ o tomɛ Mosis ne Arɔn ba ba lawɛ he naawa le Ijipt harɛ ta, dɛ kpɔ ba ba so bonɔ.

2 Webena 20:8

Ba soɡe harɛ nɔ ta dɛ do Dea he sɔn ta dɛ ŋɔ,

Yela 78:55

O tɔ sie doŋi nɛra baa soɡe harɛ la ta, dɛ bɔne harɛ la denaa ta tɛ Israel tena, dɛ kpɔ ba ka so ba deene la ta.

Yela 105:8

Wɛɛ lii o fɔo la waa saŋ bɛlbwaa, o nyoa waa baɡɛ naanar kaɡboŋa baa ka ba la bwa.

Jeremia 32:23

Kɛ baa bala dɛ ba so o ta la, ba vɛh he Mmarare la, ba ta waa haa do ba a ta kɛɛ waa haa baɡ ba la ta teŋɛ. A waa he kpɔ wenaale nɔ bwa ba ta ba nɛɛ la.