Josua 2:6 - mzwDBL

⁶ Dɛ o kpɔ ba sɔh saldoa yabi daa lɔɡa.

Josua 2:6 Referans Kwoze

Jems 2:25

Gɛ tentenee a do hanjwamane baa dɛ yerɔ Rahab la ɡba nɛ. Israel tena toroma bane aa bala dɛ́ fe ba sɔh hweli o bwɛɛ harɛ waane dɛ́ ka taa ba bwɛɛ tena be la, o lɛɛ ba sɔh dɛ baɡ ba ŋwɛnɛfale ba chwa kaa. Gɛ wedɛɛɡa nɔ taa a che Korowii ŋɔ o ɡe ɛ nɛndɛɛɡe o waa su o siwi.

Hibru 11:23

Mosis nya ne o mɛɛ aa lolɔ la, ba kpɔɔ sɔh korobie atoro, dɛkalkɛŋɔ ba nao kɛŋɔ o wer bonɔɔ o bwara do kpeɡri. Ba ta Ijipt kooro mmara waa doa la ɔmɛ. Baa dɛ yarada Korowii waa ba won ɛ ɡɛ.

Kolosi 3:3

dɛkalkɛŋɔ he do kɛŋɔ nɛra baa serewa a bɔr, he toole a ta kpa. He mkpa lɔ Yeesu Kristo be, o ɡe do Korowii be.

2 Samoɛl 17:19

Baa la haah paɡri kon bɔle kɔlɔŋ la nyoa, dɛ kpɔ boyu yaa o ta, nomɛlbwa ta jemɛ kɛ ba lɔ o bini.

Matiu 24:17

Nomɛlbwa waa soɡe saldoa ɡe, o bɛ berɛ koh o te ŋɔ o dɛ tu dɛ́ jo dea dɛ́ ka kpɔ komɛl kpa.

Jeremia 36:26

Ate, Kooro la do o bibaa Jeramiil, ne Asriel bibaa Seraya dɛ Abdeel bibaa Sɛlɛmia ŋɔ bá ba lawɛ Baruk ne men Korowii keame Jeremia ba tɛo. Kɛ Korowii lawɛ yaa sɔh.

2 Koranar 11:2

Kɛ Jehoseba waa ɛ Kooro Jehoram bihaah, dɛ berɛ ɛ Ahasia nimambie, lawɛ Ahasia bibaa Joas la le koodem bela. Dɛ ba fe dɛ nyin bá kpo o ne o bala. Anomanta, o nyaana la lawɛ o ne naate waa dɛ nyiŋi o nɛɛ la ka sɔh Korowii Dea, bobɛl baa dɛ chɔ o bini le Atalia nɔn ta, asɛ ba ta on kpoe.

1 Koranar 18:13

N dɔɔ, he ta noɛ ɡɛ maa ɛa ɡɛ saŋ Jɛsɛbɛl aa dɛ kpoo Korowii keamere la kɛɛ? N sɔh keamere lafa bwebɔɔne anɛ bini. N pere ba bini fifraanunue bɔɔ beŋkpoŋ bɛlbwa bini, dɛɛ tɛɛ ba nee ne kondikwa.

1 Koranar 18:4

Dɛ Kooro Ahab haah Jɛsɛbɛl ɡelɔ ba kpoo Korowii keamere. Asɛ Obadia kpɔ Korowii keamere lafa ka sɔh bwebɔɔne anɛ bini, dɛɛ tɛɛ ba nee ne kondikwa. O bɔne ba bini, fifraanunue ba do bɔɔ beŋkpoŋ bɛlbwa bini.

2 Samoɛl 11:2

Awola jɔmɔra bɛl, kooro iro le o chɔɔbɔr dɛ baa valɛ saldoa koodem bela. O cheɡɛ bela na haah bɛl waa dɛ sɔ ne. Dɛ o wer tolo taeh,

Josua 2:8

Mɔɔ Israel baala la ka chɔ jwaana la, Rahab teehnɔ la ba be dea la doa,

Mmarare 22:8

Dɛ he do dea aa, ɛ kon bar sal la nyoa, ásɛ a bɛ ba kɛŋɔ nomɛl teeh sal la, dɛ́ le nyundua bela dɛ́ ba le harɛ sewɛ, dɛ́ kpɔ waa do he nyoa.

Kaala 2:2

asɛ o haah la kpoŋe tea dɛ lolɛ bibaa. Haah la aa naa kɛ bie la wer kohona la, o kpɔɔ sɔh korobie atoro.

Josua 2:5

Wee aa dɛ ba joe baa ba bwɛjen doonyojen la tɔe la, ba leɔ kaa, n ta bela baa chaɡa nae. Amɔ aa do ɡɛ nɔ hé ti ba warane, he ken ɛɛ puu baa.”

Josua 2:7

Ate, kooro nɛra la le bwɛɛ la ta dɛ chiɡ leebɔɔ baa cheɡɛ o ta dɛɛ le Jɔɔdan Moo la, dɛ ti ba kaa ɡaaɡe ba bɔr. Ba den laa bwɛjen la doonyoa laa tɔ.

Josua 6:25

Hanjwamane Rahab ne o lolanar dɛ o dem tena te, Josua lɛ ba nyu, dɛkalkɛ o lɛ o nɛra baa kaa sɔh nyiŋi bwɛjen Jeriko la sɔh. O naanar ta lɔ Israel harɛ ta ba le fini.