Josua 2:2 - mzwDBL

² Dɛ Jeriko kooro noɔ kɛŋɔ Israel tena bane sɔɔh ba jo bwɛɛ la ta awola jwaana la ne, dɛ́ ba sɔh nyiŋi harɛ la.

Josua 2:2 Referans Kwoze

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Aesaya 43:13

Kpelaa, n ɡboo Korowii saŋ bɛlbwa. Nomɛlbwa aa won lɛ o te n nɔn ta. Anɔ la maa ɛ la, nomɛlbwa aa won bera.”

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Yela 127:1

Dɛ Korowii ta chae ba ma dea aa, mamaala koeh bwa ɛ pɛɛ. O ɡbabir ta bwɛɛ daahnɛ aa, nɛra baa dɛ daah la dɛ koh pɛɛ.

Josua 2:1

Dɛ Israel tena la bwa cheme bobɛl baa dɛ yerɔ Sitim dɛ so bela. Asɛ Josua sɔh dɛ le ba bini baala banɛ dɛ tom ba ŋɔ, “Hé ka sɔh nyiŋi Keenan harɛ dɛ́ na ɡɛ waa doa, bwɛjen Jeriko te fanfa.” Asɛ ba sɔh dɛ la bela, dɛ ka choɡ hanjwamane Rahab.

Josua 2:3

Kooro la tomɛ nɛn haah la be kɛŋɔ ó ka ŋɔ o be Israel baala baa baa choɡ o dem la, ó lee ba tɛɛ ba. Ba balɔ dɛ́ ba sɔh nyiŋi ɡɛ harɛ la bwa aa doa.

Sitɔɔla 18:2

Anomanta, Dan dea tena tomɛ laa tena banue le bwɛɛre Sora ne Ɛstaol ŋɔ bá ka sɔh ɡaaɡe harɛ la ta dɛ́ na ɡɛ waa doa. A ɡɛ laa tena nɔ cheɡɔ tɛ Dan dea tena bwa. Ba ŋɔ ba be ŋɔ, “Hé ka ɡaaɡe harɛ la dɛ́ na ɡɛ waa doa.” Ba jo Efrem dea tena deŋɡarere harɛ ta, dɛ ka le Maeka dem dɛ chɔ bela.