Josua 2:18 - mzwDBL

¹⁸ Waa yaa dɛ nyin he ɛ laanee kɛŋɔ, awola ya laa tena la aa ba jo harɛ nɔ ta la, kpɔ ŋwɛnswɛm nɔ vɔwɛ he tokoro nɔ ta. Ásɛ dɛ yerɛ he nya ne hɛɛh, ne he nimambii ne he nimanar dɛ he lolanar bwa, ba jo he dem bonɔ.

Josua 2:18 Referans Kwoze

Josua 6:23

Anee ɡɛ baala la baa sɔah ka nyiŋi harɛ la la hanjwamane la dem, dɛ kpɔ o ne o nya ne o mɛɛ, ne o dɔɔranar ne o nimanar, ne o nɛra baa ja o nɛɛ bwa, dɛ kpɔ ba ka so bela Israel tena aa baŋre ba tɛnte deene la dahara.

Josua 2:21

Ate, haah la sɛh dɛ ta ba ŋwɛnɛ ba kaa. Baa kaala tonɛ la, o kpɔ ŋwɛnswɛm la vɔwɛ tokoro la ta.

Hibru 9:19

Mosis tɔ sie baɡle waa bwa Korowii aa ŋɔa ó nɛra la ɛ dɛ le Korowii Mmara Tɔn bini, mɔɔ dɛ kpɔ nabie ne boohna chale koo nee ta, dɛ kpɔ pee pona aa swɛɛra ne hesɔp ɛ chal ne nee la merɛ Korowii Mmara Tɔn la ne nɛra la bwa nɛ.

We-ɛɛla 10:33

A waa n tomɛ nɛra he be warane la. He ɡe ɛ waa kɛŋɔ haa bala nɔ. A waa ya bwa cheme Korowii sie bonɔ la. Ya dɛ nyin waa Korowii aa ŋɔa hé ba bol ya be la dɛ́ no.”

Lewi Dea Tena 14:4

ó ŋɔ ba nyin jumbii anɛ aa wera ne dii, ne peleme daa ne jiseswɛm, dɛ hesɔp daa ba tɛ weela te baa dɛ ba o doŋa laa dɛ kpɔ o nɛɛ la.

2 Timoti 1:16

N Naa Korowiirii dɛ na Oniseforɔs ne o dem tena sum, dɛkalkɛ dɛ on dɛɛ cha mɛ. Dɛ sihiih aa on kpo kɛ baa do mɛ dea la.

We-ɛɛla 11:14

Wɛɛ bol waa he bee ásɛ he ne he dem tena bwa che a ta dɛ́ dɔ he nyu.’

We-ɛɛla 10:27

Pita ne o bol waa ka jo dem bela. Belaa Pita na kɛŋɔ nɛra cheme bela pirim,

Amanesoma Luk Aa Chwera Tɔn 19:9

Anee Yeesu ŋɔ o be ŋɔ, “Fini tɔpere nɔ, Korowii lɛ dem nɔ tena, dɛkalkɛŋɔ Abraham naa Sakeos ɡba.

Nɛra Kura 19:6

Sɔfo Eliasa chɛ kɛ ó kpɔ peleme daa ane, ne hesɔp ne pee pona baa doa konswɛɛma ta nao waa dɛ fuh la nɛ.

Nɛra Kura 4:8

Bá kpɔ yaswɛm bɔle ɡɛ laala la ta, dɛ́ berɛ kpɔ mpo nae tɔne bɔle a ta ja, ásɛ mɔɔ dɛ́ kpɔ daa baa kpɔa dɛɛ che teebur la suuɡi o nɔnloɡa aa lɔ o loŋkoni la ta.

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Mumpar 7:1

Korowii ŋɔ Nowa be ŋɔ, “He ne he bii ne he bii haahna bwa ka jo daka la bini. N nao kɛŋɔ harɛ nɔ ta, he ɡboo ɛ nɛn he wa aa toɡra.

Ɛsta 8:6

Ɛrɛɛ mɛɛ ba wona so nyiŋi, ásɛ wechɔɡa nɔ bwa dɔŋa chiɡ n nɛra Juu tena nɛɔ? Maa won so nyiŋi bá kpoo n dem nɛra.”

Yelsom 4:3

He nyotɔne swɛɛrɔ kɛŋɔ ŋwɛnswɛm, a ne wobol do wer kohona. He faɡra dɛ nyɛɡle yal bini.

Kaala 12:13

Chal haa kpɔ ɛ he doonyoo laanee dɛ́ baɡle deene haa soɡe a bini. N teŋo baa kaa dɛ na chal laa, maa heyaa wobɛlbwaa ɛ, mɛɛ ɡale heyaa ta, ásɛ dɛ jo Ijipt tena la deremi dɛ́ tɛr ba deŋne.

Josua 6:25

Hanjwamane Rahab ne o lolanar dɛ o dem tena te, Josua lɛ ba nyu, dɛkalkɛ o lɛ o nɛra baa kaa sɔh nyiŋi bwɛjen Jeriko la sɔh. O naanar ta lɔ Israel harɛ ta ba le fini.