Josua 18:16 - mzwDBL

¹⁶ Harɛ la jwɛh berɔ le bela dɛ kpɔ bwejen bɛl lɔɡa o sie aa chaɡɛ Bɛn Henɔm Fɛlembɔjen ta, o lɔ Refaim Fɛlembɔjen weekaŋle nyunduabɔr. Dɛ kpoŋe kaa Henɔm Fɛlembɔjen ta dɛ kaa Jebus tena bwɛjen Jerusalam harɛbɔr, weekaŋle harɛbɔr dɛ kaa Ɛn Roɡel nee nyoa.

Josua 18:16 Referans Kwoze

2 Koranar 23:10

Kooro Josia ɡelɔ nɛra la Henɔm Fɛlembɔjen ta, dɛ ka paɡre kon baa dɛ ɛ saraha o ta baa yerɔ Tɔfɛt la. Gɛ aa ɛ ásɛ nɛra bɛ won kpɔ ba bibaala kɛɛ ba bihaahna ɛ sarahare dɛ́ fuuh ba dɛɛ tɛ voɡ Molɛk kpa.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Jeremia 32:35

Ba ma kwaa baa ɛ sarahare a ta tɛ voɡ Baal deŋɡarere dor. Ba kpoo ba bibaala ne bihaahna ɡe dɛɛ tɛ voɡ Molɛk Henɔm Fɛlembɔjen ta. N ta ban doe ŋɔ ba ɛ ɡɛ waa nɔ, a toole n liire ta kwaraa ŋɔ baa ɛ ɡɛ waa nɔɔ, a che a ta Juda tena ɛ wechɔɡa.”

Jeremia 19:11

asɛ n ŋɔ Koranar Bwa Kooro ŋɔ, “N dɛ ba bwɛjen nɔ ne o nɛra chɔɡa, ó do kɛŋɔ leo waa paɡra baa wola won kwaa mao kpa. Baa huɡe nɛra Tɔfɛt belaa, ka tel kɛŋɔ bɔr aa wola lee do baa huɡ ba kpa.

Jeremia 19:6

Anomanta, tɔpere bɛl dɛ ba bala, ásɛ nɛra aa bonɔ Tɔfɛt kɛɛ Bɛn Henɔm Fɛlembɔjenii yerɛ kpa. Baa dɛɛ yerɔ Nɛŋkpoa Fɛlembɔjenii.

Jeremia 19:2

ásɛ he la Jerusalam Bɛn Henɔm Fɛlembɔjen waa bɛne Kaŋli Doonyoa la ta. He tel bela aa, hé bol waa maa bol he be la.

2 Webena 33:6

O kpoo o bibaala, dɛ fuuh ba ɛ saraha Henɔm Fɛlembɔjen bini. O ɛ sɔm we-ɛɛla, dɛ voɡɛ dɛ yerɛ lala, dɛ la tɛɡre tena be. O ɛ wechɔɡa taeh, dɛ jo Korowii nɛɛ dɛ ir o bandia kohona.

2 Webena 28:3

O kpoo kwaa dɛ fuah ɛ saraha Bɛn Henɔm Fɛlembɔjen bini. O kpo o bibaala, dɛ fuuh ba ɛ saraha, dɛ teŋɛ harɛre ane nawee waa Korowii aa kia, dɛ koh a wa doŋ ba le ba Israel tena sie la ta.

1 Webena 14:9

Dɛ Filisti tena la balɔ ba lɔ tɔ Refaim Fɛlembɔjen bini dɛɛ kah kwa.

1 Koranar 1:9

Awola bɛl, Adonija laŋɔ dɛ ka kpo peera ne nae dɛ nabiiri aa jea kohona ɛ saraha Sohelɛt Bwe ta, o bɛne Ɛn Roɡel bule ta. O yerɛ o mɛɛ Kooro Devid bibaala baa ɛ o nimanar dɛ Juda baala ba ɡe aa ɛ kooro nomonome bwa.

2 Samoɛl 17:17

Dɛ sɔfo Abiata bibaa Jonatan ne sɔfo Sadɔk bibaa Ahimas lɔ Jerusalam dahare, bule waa chɔ bobɛl baa dɛ yerɔ Ɛn Roɡel ta, dɛkalkɛ dɛ baa nyin kɛ nomɛl na ba báa jo bwɛjen la bini. Dɛ bitolo bɛlee lɔ bela dɛ yon la ba be dɛ kaa bol waa aa dɛ chiɡ, ásɛ ba ɡe berɛ ka bol kooro be.

Sitɔɔla 19:10

Kɛ dɛ baa la aa nyin kɛ o chɔ bela jwaana kpa, dɛ pa kwaa baa paa dawɛ keeɡo ta dɛɛ so o ta la dawɛ keeɡore anɛ la ta, asɛ o ne o sɛno la kpɔ sie chaɡɛ Jebus waa ɛ Jerusalam.

Sitɔɔla 1:21

Bɛnjamen dea tena ɡe ta wone doŋi Jebus tena baa soɡe bwɛjen Jerusalam, anomanta, ba bwa pɛo so le ɡɛ saŋ bwa ba le fini.

Sitɔɔla 1:8

Juda dea tena kaa yo Jerusalam tena ɡe, dɛ pɔ ba nɛ. Ba kpoo nɛra baa lɔ o ta dɛ fuuh.

Josua 18:28

ne Sɛla ne Haelef ne Jebus, ne Gebea dɛ Kiriat Jearim. A bwa lɔ bwɛjena fi dɛ anaarɛ, a ne a bwɛjeɡre. Harɛ Bɛnjamen dea tena lolanar aa dɔa o ɛ ba kapɛrɛ kon laanee la.

Josua 15:63

Juda dea tena la ta wone doŋi Jebus tena baa soɡe Jerusalam la, ba ne ba bwa ta soɡe bela ba le fini.

2 Samoɛl 5:18

Filisti tena la balɔ dɛ ba su Refaim Fɛlembɔjen bini bwa.