Josua 18:10 - mzwDBL

¹⁰ Ate, o bil daa Korowii sie Silo bela tɛɛ ba, asɛ dɛ bɔne harɛ la tɛ Israel deene aa kaa la.

Josua 18:10 Referans Kwoze

Kolosi 1:12

dɛ́ won kpɔ silɛɛ dɛ́ɛ jaamo waa ɛ ya Mɛɛ la wa. Onee ɡela ya chɛ kɛ ya ne o nɛra ba wa aa toɡra bwa won dɔ kondɛɛɡa waa dɔa tɛ o bii baa ja o Kora waa ɛ Bochaah Kora la ta.

We-ɛɛla 13:19

Harɛre bele anuanɛ bwa nɛraa o doŋi ba harɛre ta Keenan harɛ ta, dɛ ɡel a ɡɛ harɛre la ɛ ba kwaa bene lafraanaarɛ fifraanue.

Josua 18:6

Hé chwerɛ harɛ la bɔre anuanɛ la bɛlbwa waa tonaa, hé kpɔ ba tɛ mɛ. Ásɛ n bil daa Korowii yaa dɛ tomɔ la sie tɛ heya.

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

Amanesoma Jɔn Aa Chwera Tɔn 17:2

He tɛ mɛ kpeɡri nɛra bwa nɛ, asɛ n won kpɔ mkpa aa wola jaɡa dɔe tɛ nɛra haa kpɔ ba tɛ mɛ la.

Matiu 27:35

Ba foo o laala, dɛ kpaa o nɔɔra ne o nakpale pɛl daɡaɡre ta. Dɛ soojare la dɛ nyin Yeesu laala bɔna, dɛ ta chacha mɔɔ dɛ́ won jemɛ laala ba bɛlbwa aa di.

Ɛsekeɛl 48:29

Gɛɛ harɛ baa dɛ ba bɔna tɛ Israel deene á ɛ ba kapɛrɛ kwaa la waa do, ásɛ bɛlbwa dɔ o kon. Men Nemenɛ Korowiirii bola.”

Ɛsekeɛl 47:22

Hé bɔna á ɛ kapɛrɛ tɛ he ne nɛŋhɔɔhra baa soɡe he bini dɛ dɔ bii la. Hé kpɔ ba kɛŋɔ bwɛɛlembii baa lol ba Israel harɛ ta, he ne ba bwaa dɛ́ pɛ dɔ kapɛrɛ Israel harɛ deene bini.

Sɛɡla 18:18

Waa lɔ nɛra banɛ ba waa aa kpeɡa baah ta naa, Korowii siee ba kpɔ dɛɛ bil wɛɛ baɡle a kasinteŋ.

Yela 61:5

N Naa Korowii, he no nyoa maa baɡɛ la, dɛ tɛ mɛ kwaa haa kpɔa dɛɛ tɛ nɛra baa dɛ tomɛ.

Yela 47:4

Onee le ya harɛ yaa soɡe o ta nɔ cheɡ tɛ yaa, o ɡbabir nɛra Israel tena waa dɛ nyin yaa, dɛ kpɔ tɛ yaa o ɛ ya kapɛrɛ kon la.

Josua 19:51

Gɛɛ sɔfo Eliasa ne Nun bibaa Josua, dɛ Israel deene nomonome la bil daa bela baa soɡa bwɛjen Silo, Korowii Dea Cheremibɔr la sie, dɛ bɔne harɛ la tonɛ.

Josua 18:8

Ate, nɛra la chiɡ ŋwɛnɛ ta dɛ kaa harɛ la ta ɡɛ Josua aa do ba la. Mɔɔ baa kaa la, o dalawe waa la ta ja ŋɔ, “Hé ka ɡaaɡe harɛ la ta, dɛ́ chwerɛ ɡɛ o waa aa doa ba tɛ mɛ, ásɛ n bil daa Korowii sie Silo bonɔ tɛ heya.”

Nɛra Kura 34:16

Korowii ŋɔ Mosis be ŋɔ,

Josua 18:9

Asɛ nɛra la kaa, dɛ ka ɡaaɡe harɛ la bwa ta, dɛ chwerɛ wobɛlbwa ɡɛ báa bɔne bwɛɛ bɛlbwa waa lɔ o ta bele anuanɛ, dɛ berɛ ba Josua be Silo bela baa baŋre ba tɛnte deene la.

Josua 18:11

Bɛnjamen dea lolanaree tɔ sie dɔ ba harɛ. O chɔ Juda dea tena harɛ ne Josef naanar harɛ baah ta.

Jeremia 7:12

Hé la Silo bela n fa aa tɔ sie le cheɡ ŋɔ hɛɛ tom mɛ la, dɛ́ ka na waa maa ɛa bela, n nɛra Israel tena wechɔɡa baa ɛa la wa.

Maeka 2:5

Anomanta, bɛlbwa toole Korowii nɛra bini dɛ́ dɔ harɛ la le bie tae bini.

Josua 14:2

Dɛ Korowii ŋɔ Mosis be wubwa kɛŋɔ, Jɔɔdan Moo wee cholibɔr harɛ waa dɛ ba bɔna tɛ deene anuanaarɛ ne dea beŋkpoŋ pera la, bá bil daa ásɛ bɛlbwa dɔ o kon.

Josua 14:5

Gɛ Korowii aa do Mosis la taa Israel tena che dɛ bɔne harɛ la.

Josua 23:4

Hé na kɛŋɔ, n kpɔ harɛ aa kaa maa wola yoi lɛ la, ne anɔ la maa yoa lɛ la bwa tɛ he Israel deene kɛ á ɛ he kapɛrɛ kwa. Harɛ la le Jɔɔdan Moo wee leebɔr, dɛ kaa Mɛdetereenea Mpo ta wee cholibɔr.

1 Webena 24:5

Ba ta bɛl nyine dɛ ɡwaa o dɔŋ dɛ bil daa, dɛ nomonome baa nyiŋi Korowii Dea bela lole, asɛ sɔfore ɡe do le, bane ɛ Eliasa naanar bane ɡe ɛ Itama naanar.

Nehemia 11:1

Aa ba dɛ la sie tama la, harɛ la ta nomonome baa so Jerusalam, asɛ nɛra la kabora bil daa, dɛ le dembeŋkpoŋ nɛra le deremi fi bɛlbwa bini, ba ba so Jerusalam bwɛjen waa do ɡoroŋ la ta, asɛ banuanaarɛ kar la ɡe ka so ba bwɛɛre ta.