Josua 14:3 - mzwDBL

³ Dɛ Mosis dɔɔ kpɔ harɛ waa lɔ Jɔɔdan Moo wee leebɔr la tɛ deene anɛ ne beŋkpoŋ pera tena, a ɛ ba kapɛrɛ kwa. Kɛ Lewi dea tena te, o ta ban harɛ la bɛl tɛɛ.

Josua 14:3 Referans Kwoze

Josua 13:14

Mosis ta Lewi dea tena la te harɛ tɛɛ, kwaa nɛra aa kpɔ ba fuh ɛ saraha tɛ Korowii Israel tena aa dɛ tomɔ laanee chɛ kɛŋɔ bá dɔ. Gɛ Korowii aa ŋɔ Mosis be la.

Josua 13:8

Dɛ Korowii bonɔɔ Mosis tɔ sie kpɔ Jɔɔdan Moo wee leebɔr harɛ tɛ Rubin ne Gad dɛ Manasɛ dea pera tena la bane, ásɛ o ɛ ba kapɛrɛ kon.

Ɛsekeɛl 45:1

Korowii ŋɔ, “He dɛ ba harɛ la bɔna tɛ Israel dea bɛlbwa ó ɛ o kapɛrɛ kon aa, a chɛ kɛ he le o pera cheɡ tɛ men Korowii, ó ɛ bɔr waa do ɡoroŋ. O jaŋne ɛ naɡale kaɡboŋa fifraatoro dɛ anuanɛ lafraanue, asɛ o paɡri ɡe ɛ naɡale kaɡboŋa fifraatoro. Bela bɔr la bwa ɛɛ do ɡoroŋee.

Josua 12:6

Mosis ne Israel tena la kpoo ba, asɛ dɛ kpɔ ɡɛ harɛ la tɛ Israel deene atoro ŋɔ bá kpɔ. Banee Rubin ne Gad deene dɛ Manasɛ dea pera bane.

Josua 13:16

Ba harɛ nyoa le Arowa, o lɔ Aanɔn Fɛlembɔjen la nyoa dɛ kaa bwɛjen waa lɔ fɛlembɔjen la baah ta, dɛ kpɔ harɛpɛɛ waa chɔa kaa dɛ ka ɡarɛ bwɛjen Medeba,

Josua 13:17

ne Hɛsbɔn ne bwɛjena bwa aa lɔ harɛpɛɛ waa chɔa kaa la ta, Debɔn ne Bamɔt Baal dɛ Bɛt Baal Meɔn,