Josua 14:14 - mzwDBL

¹⁴ Kaleb yarada Korowii Israel tena aa dɛ tomɔ o bambile bwa ne kɛrɛdɛ, anomanta, Korowii kpɔ bwɛjen Hɛbrɔn tɛo. O naanar ta soɡe bela ba le fini.

Josua 14:14 Referans Kwoze

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

Mumpar 37:14

O mɛɛ ŋɔ o be ŋɔ, “La dɛ́ ka na he dɔɔranar ne ɡɛ kondɛɛra la aa doa, ásɛ dɛ ba bol n be.” O tomɔ le Hɛbrɔn Fɛlembɔjen bɔr pera dɛ kaa Sɛkem.

Nɛra Kura 13:6

Juda dea, Jefune bibaa Kaleb.

Josua 14:13

Ate, Josua swee andɛɛɡa tɛ Jefune bibaa Kaleb, dɛ kpɔ bwɛjen Hɛbrɔn tɛo ŋɔ ó ɛ o kapɛrɛ kon.

Josua 14:15

Ba fa dɛ yerɛ Hɛbrɔn, bwɛjen Aaba. Dɛ Aaba ɛ nɛnjen tenten Anak tena la bini. Ate, deŋnesɔɔhna berɛ ba harɛ la ta.

Josua 11:23

Josua yoo lɛ ɡɛ harɛ la bwa, ɡɛ Korowii aa ŋɔ o bonɔɔ Mosis be la. O bɔna tɛ Israel deene fi dɛ anɛ la, asɛ bɛlbwa dɔ o bɔr. A habɔɔ deŋnesɔɔhna ba harɛ la ta, bɛlbwa ta yoi kpa.

1 Webena 6:41

ne Ɛtini bibaa Malkija, ne Sɛra bibaa Ɛtini, dɛ Adaya bibaa Sɛra,

2 Webena 15:7

Kɛ he Juda tena te, hé che kiŋkiŋ, dɛ bɛ ɡel he bwara hwah, hɛɛ dɔ he kembɔree le teŋa haa dɛ teŋɛ Korowii nɛɛ la ta.”