Josua 10:13 - mzwDBL

¹³ Anee wee che bobeŋkpoŋ, korobie ɡe ta che bobeŋkpoŋ, dɛ ka tel kɛŋɔ Israel tena aa kpoo ba dɔma la tonɛ. Gɛɛ a do ba chwerɛ a ɡɛ waa nɔ do tɔn baa dɛ yerɔ Jashar Tɔn bini ŋɔ, “Wee cheɡɛ nyufala o ta harɛ lee tɔpebir bwa la.”

Josua 10:13 Referans Kwoze

Habakuk 3:11

Wee ne korobie cheɡɛ bobeŋkpoŋ nyundua, dɛkalkɛ he dɛ ta he hɛma ne he lampea, aa nyɛɡle al-al ken dɛ baa kaa.

Aesaya 38:8

Wɛɛ ɡeloo wee chunchule kaa mun ta, ásɛ chunchule ka dawɛ kon Kooro Ahas aa mao dɛ che o ta teeh dɛɛ jo dea la naɡale fi kon la ta.” Waa bol ɡɛ la, wee berɔ kaa mun ta, chunchule la ka dawɛ naɡale fi kon la ta.

Josua 10:14

Waa nɔ dɔŋa ta chiɡe saŋ bɛlbwa bwa, kɛɛ Korowii no nɛwɛnyini wesoŋa ken bwa. Kasinteŋ, dɛ Korowiirii fa yoa dɛɛ tɛ Israel tena.

Sitɔɔla 16:28

Belaa Samsen soŋe Korowii ŋɔ, “Nemenɛ Korowii, n dɛ soŋe, dɛɛ lii n wa. N Naa Korowii, n poori, ɡel n bokpeɡa berɛ ba kerabeŋkpoŋ ja, ásɛ n ɛ we-ɛɛle beŋkpoŋ dɛ́ kpɔ tɔ n wel Filisti tena baa foromi n sibie nɔ nɛ.”

Amanesoma Luk Aa Chwera Tɔn 18:7

Dɛ nɛn waa do ken wono lɛ nɛn aa, ɛrɛɛ Korowii aa wola won cha o nɛra baa wia dɛɛ noo chɔɔ ne jwaana la dɛ́ lɛɛ ba le ba dɔma nɔn ta nɔ? Aa biɡruu mɔɔ o cha ba aa?

Joel 3:15

Korobie ne wee aa lɔ, ásɛ bɔr bir, weweela ɡe aa chaah kpa.

Joel 2:10

A dɛ ba naa, dɛ harɛ dɛ jiɡri, nyundua ɡe ɛɛ yiiɡi. Biro dɛ tɔ wee ne korobie ta, weweela ɡe aa won chaah kpa.

Yela 148:3

Wee ne korobie bwa, hé kpɛɛro, weweela aa dɛ chaah bwa, hé kpɛɛro.

Yela 19:4

Kɛ a webaɡla do kɛŋɔ wobol, dɛɛ tel harɛre bwa ta, asɛ a waa ɛɛ tel harɛ jaɡa bwa. Korowii kwaa bɔr nyundua bela tɛ wee,

Ɛsta 8:13

A chɛ kɛ tɔne la mmarafale la aa lɔ a ta la tel wobol te bɛlbwa tena baa lɔ Kooro Sɛksɛs harɛre la bwa ta la be, ásɛ ba jemɛ a wa, ɡɛ aa ɛ ásɛ Juu tena la won kpɔ ba te kɛrɛdɛ, dɛ́ won yo ba dɔma bɔ kem.

2 Samoɛl 1:18

dɛ ŋɔ bá kpɔ baɡle Juda baala bá hweli. Ba chwera do tɔn bɛl baa dɛ yerɔ Jasar Tɔn bini ŋɔ,

Aesaya 24:23

Dɛ Koranar Bwa Kooro baa di o kora Saayɔn Bwejen ta Jerusalam aa, o kora dii jirima ɛɛ ɡwaa korobie chaahna ne wee lɔe, ásɛ bwɛjen la nomonome na dɛ́ jemɛ ɡɛ waa kana.

Sitɔɔla 5:2

“Hé kpɛɛ Korowii! Israel sitɔɔla tɔ sie dɛɛ la laa, ásɛ ba nɛra ɡe kpɔ ba te tɛ silɛɛ ne.

Josua 10:11

Amɔre tena la aa chwaa tɔ Israel tena laa tena sie dɛ ka tel Bɛt Hɔrɔn dɛɛ kaa Aseka la, Korowii ɡelɔ dombwea lee ba nɛɛ kohona asɛ ba ɡalɡa bwa serewe ɡwaa ɡɛ Israel tena la aa kpoo ba la kwara.

Nɛra Kura 31:2

“Tɛr Midian tena deŋne waa baa kpɔa ɛ Israel tena la wa. Ásɛ mɔɔ dɛ́ chɔ he banɔn ta.”

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.

Wepila 8:12

Nyundua torome waa teŋa naarɛ la ɡe hoɔh. Waa hoah la, wee ne korobie ne weweela bwa ɛo kɛŋɔ baa lɔa, a pera biri. Dɛ ba bɔne a bɛlbwa kpeɡri bini bɔre atoro naa, a bɛlbwa bɔr beŋkpoŋ aa won chaah kpa. Webaŋa ne jwaana ɡba, ɡɛɛ a do. Ba bɔne a bini atotoro naa, wee aa lɔ bɔr beŋkpoŋ ta webaŋa. Korobie ne weweela ɡe ɡɛɛ jwaana.

Wepila 6:12

N berɔ na Pebie la swe kwaa baa kpɔa marɛ tɔn numɛlte la. Waa sweo la, harɛ jiɡro kohona, asɛ wee bir kɛŋɔ birisie ken, asɛ korobie swɛɛ kɛŋɔ chal.

Wepila 6:10

Ba kpɔ takpeɡ ŋɔ, “Nemenɛ Korowii haa do ɡoroŋ dɛ dɔ kasinteŋ, saŋ besoo hɛɛ ba nɛra baa lɔ harɛ ta nɔ waa bola dɛ́ pa bole, dɛ́ bɔ ba ya kpoora nɔ kem ɔ?”

We-ɛɛla 2:20

Wee dɛ ba bira, ásɛ korobie swɛɛ kɛŋɔ chal ken mɔɔ Korowii jirima Tɔpejen la ba.

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Nɛra Kura 21:14

A waa ɡela Korowii Laa Waa Yoa Tɔn ɛɛ baɡle ŋɔ, ‘Wahab bwɛɛ ne o nenabɔɔne aa lɔ Sufa harɛ ta. Dɛ berɛ baɡle Aanɔn Moo la

Matiu 24:29

Wahala ne sibeɡra la aa chiɡ dɛ den dɛɛ tonɛ la, buɡ la ta ‘wee aa bɔr chaahna ba kpa, korobie ɡe aa bɔr chaahna ba kpa, weweela dɛ ba nyundua lee dɛ́ lee harɛ, ásɛ Korowii doa bwa yiiɡi dɛ́ chɔɡ.’

Joel 2:31

Wee dɛ ba bira, ásɛ korobie swɛɛ kɛŋɔ chal ken, mɔɔ Korowii Tɔpejen waa do ɔma la ba.

2 Koranar 20:10

Kooro Hɛsɛkea ŋɔ, “A pwɛre kɛŋɔ chunchule kaa sie, ka dawɛ kwaa baa cheɡɛ a ta teeh dɛɛ jo dea la ta. Gel chunchule la kaa habɔɔ, ka dawɛ kwaa baa cheɡɛ a ta dɛɛ jo dea la fite ta.”

Job Tɔn 9:7

Wɛɛ won ŋɔ wee bɛ le, jwaana ɡe weweela bɛ won chaah.