Josua 10:12 - mzwDBL

¹² Awola tɔpere Korowii aa kpɔ Amɔre tena do Israel tena nɔn ta la, Josua soŋe Korowii kohona Israel tena la bwa siwi ta ŋɔ, “N Naa Korowii, ɡel wee che bobeŋkpoŋ Gebeɔn harɛ ta, ɡel korobie ɡe che bobeŋkpoŋ Aejalɔn fɛlembɔjen ta kiŋkiŋ ken!”

Josua 10:12 Referans Kwoze

Habakuk 3:11

Wee ne korobie cheɡɛ bobeŋkpoŋ nyundua, dɛkalkɛ he dɛ ta he hɛma ne he lampea, aa nyɛɡle al-al ken dɛ baa kaa.

Aesaya 38:8

Wɛɛ ɡeloo wee chunchule kaa mun ta, ásɛ chunchule ka dawɛ kon Kooro Ahas aa mao dɛ che o ta teeh dɛɛ jo dea la naɡale fi kon la ta.” Waa bol ɡɛ la, wee berɔ kaa mun ta, chunchule la ka dawɛ naɡale fi kon la ta.

Aesaya 60:20

Wahala haa dɛ na bwa ɛɛ ba a jaɡaa. Men Korowiirii dɛɛ ba he nɛɛ chaahna kɛŋɔ wee ne korobie saŋ bɛlbwa.

Aesaya 28:21

Korowii ɛɛ iruu, dɛ́ ɛ ɡɛ o fa aa ɛa Pɛrasem Bwejen ta la, dɛ ɛ ɡɛ tenten Gebeɔn Fɛlembɔjen ta, ásɛ dɛ ɛ o toma aa ɛ wefala yaa wola a dɔŋa nae bwa, dɛ́ ɛ nyokpowa.

Yela 19:4

Kɛ a webaɡla do kɛŋɔ wobol, dɛɛ tel harɛre bwa ta, asɛ a waa ɛɛ tel harɛ jaɡa bwa. Korowii kwaa bɔr nyundua bela tɛ wee,

Josua 10:13

Anee wee che bobeŋkpoŋ, korobie ɡe ta che bobeŋkpoŋ, dɛ ka tel kɛŋɔ Israel tena aa kpoo ba dɔma la tonɛ. Gɛɛ a do ba chwerɛ a ɡɛ waa nɔ do tɔn baa dɛ yerɔ Jashar Tɔn bini ŋɔ, “Wee cheɡɛ nyufala o ta harɛ lee tɔpebir bwa la.”

Yela 148:3

Wee ne korobie bwa, hé kpɛɛro, weweela aa dɛ chaah bwa, hé kpɛɛro.

Job Tɔn 9:7

Wɛɛ won ŋɔ wee bɛ le, jwaana ɡe weweela bɛ won chaah.

Mmarare 4:19

He bɛ ɡel he pɛla ba lawɛ kwaa aa lɔ nyundua kɛŋɔ wee ne korobie ne weweela, ásɛ he ba duura dɛ́ toma. Harɛre ane nɛraa Korowii ŋɔ baa toma, he te laa.

Sekaria 2:13

Nɛwɛnyina bwa hel Korowii sie, dɛkalkɛ o iro le o boɡoroŋ bela waa lole.

Habakuk 2:20

Korowii lɔ o Dea waa do ɡoroŋ bini. Nɛra haa lɔ harɛ nɔ ta, hé bwa hel o sie.”

Yela 74:16

Henee ta bɔchaah ne biro, dɛ kpɔ wee ne korobie cheɡ a chebɔra,

Josua 19:42

ne Saalabim ne Aejalɔn dɛ Itla,

Mmarare 17:3

dɛ berɛ dɛɛ tomɛ voɡare ane, kɛɛ wee ne korobie dɛ weweela aa, amɔ o vɛh Korowii waa la ta teŋa.

Emɔs 8:9

Nemenɛ Korowii ŋɔ, “Awola tɔpere la, mɛɛ ɡeloo bɔr jo webaŋa ásɛ bobɛlbwa bir.

Sitɔɔla 12:12

Waa baa sewa la, ba huɡo Aejalɔn Sebulon dea harɛ ta.

Sitɔɔla 5:20

Hale weweela kwara aa lɔ nyundua, iro dɛɛ yo Sisera.

1 Samoɛl 14:31

Awola tɔpere la, Israel tena kpoo Filisti tena le Mikmas ka tel bwɛjen Aejalɔn, dɛ ba bwa koɔh, lɔr ɡe kpo ba ba ɡwɛɡre.

2 Samoɛl 2:12

Awola bɛl, Nɛr bibaa Abna ne Esbɔsɛt nomonome iro le Mahanaim dɛ ba bwɛjen Gebeɔn ta.

2 Koranar 20:11

Ate, Korowii keame Aesaya soŋe Korowii, asɛ o ɡel chunchule la kaa habɔɔ, dɛ ka dawɛ Kooro Ahas kwaa waa cheɡɛ a ta teeh dɛɛ jo dea la ta.

Jeremia 28:1

A ɡɛ waa aa teŋa nɔ chiɡo ɡɛ saŋ Juda Kooro Sedekia aa di kora bene anaarɛ korobinue te la ta. Belaa Korowii keame bɛl baa dɛ yerɔ Hanania, o mɛɛ sɔne Asuur o le Gebeɔn, o bol waa men Jeremia be Korowii Dea, nɛra la ne sɔfore bwa sie dɛ ŋɔ,

Emɔs 2:9

Israel tena siwi taa n chɔɡ Amɔre tena kwaraa, dɛ ba kpekpeɡo ba bwara do kpeɡri, kɛŋɔ peleme daa ne dajena ken, asɛ n chɔɡ a nɔna ne a lune.

Josua 21:24

ne Aejalɔn ne Gat Remɔn, dɛ ba kondɛɛra dibɔra.

1 Samoɛl 12:18

Anee Samoɛl soŋe Korowii awola, asɛ bwaala nɛ dɛ kɔr kohona. Asɛ ɔmee kohona lawɛ nɛra la bwa Korowii ne Samoɛl wa.

2 Koranar 20:9

Anee Aesaya chaŋe ŋɔ, “Waa Korowii aa dɛ ba ɛɛ he jemɛ laanee kɛŋɔ, wɛɛ ɛ waa waa baɡɛ nyoa laanee. He dɛ nyin wee chunchule kaa sie ka dawɛ kwaa baa cheɡɛ a ta teeh dɛɛ jo dea la fite ta, kɛɛ o kaa habɔɔ ka dawɛ kwaa baa cheɡɛ a ta teeh dɛɛ jo la fite ta nɔ?”

2 Koranar 20:10

Kooro Hɛsɛkea ŋɔ, “A pwɛre kɛŋɔ chunchule kaa sie, ka dawɛ kwaa baa cheɡɛ a ta teeh dɛɛ jo dea la ta. Gel chunchule la kaa habɔɔ, ka dawɛ kwaa baa cheɡɛ a ta dɛɛ jo dea la fite ta.”

1 Webena 8:13

Bɛrea ne Sema ba ɡe aa ɛ nomonnyuune, dɛ chɔ nɛra bane baa soɡe bwɛjen Aejalɔn nyoa, dɛ berɛ doŋi Gat tena baa soɡe bela la.

2 Webena 11:10

ne Sora ne Aejalɔn dɛ Hɛbrɔn. Dɛ anɔɔ bwɛjena baa ma danjwɛkpeɡa bara Juda ne Bɛnjamen deene harɛre ta.