Josua 1:7 - mzwDBL

⁷ Che kiŋkiŋ, dɔ bambile kohona. Gel he sie chɔ harɛ hɛɛ teŋɛ mmarare la bwa n bonɔɔ Mosis aa kpɔa tɛɛ la ta. Bɛ sie laa kpɔ a ta dɛ́ dɔ kɛrɛdɛ bela bwa haa kaa.

Josua 1:7 Referans Kwoze

1 Webena 22:13

He do sie dɛɛ teŋɛ mmarare Korowii aa cheɡɛ Mosis nɛɛ, dɛ kpɔ tɛ Israel tena la ta naa, anee dɛ́ ɡel he wobɛlbwa do wer. Bɛ ɔmɛ, dɛ́ ɡel he sie beɡre waa maa doe nɔ ta kɛrɛdɛ.

Mmarare 5:32

Asɛ Mosis ŋɔ ba be ŋɔ, “Hé nyiŋi kɛrɛdɛ dɛɛ ɛ waa Korowii yaa dɛ tomɔ aa dɛ bol he be nɔ. He bɛ sie laa kpɔ a ta.

Josua 1:8

Nyiŋi kɛrɛdɛ dɛ bɛ ɡel waa aa lɔ mmarare tɔn la bini paŋɛ saŋ te bɛlbwa. Dɛɛ kuro chɔɔ ne jwaana dɛ́ nyiŋi kɛŋɔ hɛɛ dɛɛ teŋɛ wobɛlbwa aa lɔ o bini taa. Anee dɛ́ ɡel wobɛlbwa do wer tɛ heya, he won ka so harɛ la ta.

Sɛɡla 4:27

Laa he te kpɔ wechɔɡa ta, dɛ́ ɡel he ŋwɛnɛ toɡre. Bɛ ŋwɛnɛdɛɛɡe la ta le.

Josua 11:15

Gɛ Korowii aa do o bonɔɔ Mosis la, ɡɛɛ Mosis ɡe do Josua, asɛ o teŋɛ a ta. O ɛ waa Korowii aa do Mosis la bwa.

Mmarare 12:32

Hé do sie dɛ́ ɛ waa maa do heyaa a ta nɔ, he bɛ waane kpɔ ja a ta, he bɛ ane ɡe laa kpɔ le a ta.”

Mmarare 31:7

Ate, Mosis yerɛ Josua dɛ bol o be Israel tena la bwa siwi ta ŋɔ, “Che kiŋkiŋ, bɛ ɔmɛ, dɛkalkɛŋɔ henee dɛɛ ba nɛra nɔ sie tɔe, dɛ́ kpɔ ba ka so harɛ Korowii aa kpɔa baɡɛ ba naawa nyoa la ta.

Mmarare 29:9

Anomanta, hé do sie fɔo nɔ ta ásɛ wobɛlbwa haa ɛ la chiɡ heyaa kɛrɛdɛ.”

Mmarare 28:14

He bɛ he te laa kpɔ le waa maa dɛ do heyaa a ta fini nɔ bɛlbwa ta. He bɛ a ta le dɛ́ ka teŋɛ voɡa nɛɛ dɛɛ toma.

Sɛɡla 8:20

Waa aa toɡraa mɛɛ ɛ, dɛɛ teŋɛ kasinteŋ ta,

1 Koranar 2:3

dɛɛ nyiŋi Korowii haa dɛ tomɔ la waa waa doe a ta la ta kɛrɛdɛ, dɛɛ teŋɛ o Mmarare ne waa aa dɛ baɡle ɡɛ baa chwera do Mosis Tɔn la bini la ta, ásɛ kerekere wobɛlbwa haa dɛ ɛ, ne bobɛlbwa haa la la, a do wer tɛɛ.

Nɛra Kura 27:23

Mosis ɡbabir kpɔ nɔɔra dawɛ o nɛɛ dɛ kpɔ toma la do o nɔn ta, ɡɛ Korowii aa ŋɔ o be la.

Josua 1:1

Korowii bonɔɔ Mosis seo habɔɔ la, Korowii ŋɔ Nun bibaa Josua, o fa aa dɛ cha Mosis la be ŋɔ,

Mmarare 11:8

Anomanta, hɛ́ɛ teŋɛ Mmarare nɔ bwa maa dɛ do heyaa fini nɔ ta, ásɛ dɛ won ɡale Jɔɔdan Moo la, dɛ́ ka kpɔ harɛ la so,

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Josua 23:6

Anomanta, hé nyiŋi kɛrɛdɛ dɛ́ɛ teŋɛ waa Mosis aa chwera do Korowii Mmara tɔn la bini la, dɛ bɛ ba koni.

1 Koranar 2:2

“Saŋ telo kɛŋɔ n sewɛ name, anomanta, lawɛ he te dɛ che kiŋkiŋ

2 Koranar 22:2

O ɛ waa aa too Korowii tea, o teŋɛ waa o nabaa Kooro Devid aa ɛa ta. O teŋɛ Korowii waa ta kɛrɛdɛ.

2 Webena 15:7

Kɛ he Juda tena te, hé che kiŋkiŋ, dɛ bɛ ɡel he bwara hwah, hɛɛ dɔ he kembɔree le teŋa haa dɛ teŋɛ Korowii nɛɛ la ta.”

Job Tɔn 1:8

Korowii ŋɔ o be ŋɔ, “Ɛrɛɛ he na n bonɔɔ Job waɔ? Nomɛlbwa toole o waa toɡre kɛ on harɛ nɔ ta, wechɔɡe bɛlbwa toole o nɛ, o dɛ tom mɛ, o laa o te dɛɛ kpɔ wechɔɡa ta.”

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Mmarare 4:2

He bɛ wobɛlbwa kpɔ ja waa maa do heyaa a ta la ta, he bɛ ane ɡe laa kpɔ. Hé lawɛ Korowii haa dɛ tomɔ waa maa kpɔa dɛɛ tɛ heyaa nɔ bini.

Mmarare 29:8

dɛ lɛ ba harɛre dɛ bɔne tɛ Rubin ne Gad deene tena, dɛ Manasɛ dea la pera nɛra.

2 Webena 26:5

O tomɛ Korowii o bambile bwa ne ɡɛ saŋ Korowii keame Sekaria, waa dɛ jao Korowii waa ta taa soɡe le, asɛ Korowii sweero andɛɛɡa.

Yela 80:19

Korowii Waa Ɛ Koranar Bwa Kooro, berɛ ba lɛ yaa, sune ya nɛ, ásɛ dɛ lɛ yaa.