Josua 1:2 - mzwDBL

² “Josua, n bonɔɔ Mosis sewɔ, anomanta, he ne Israel tena kpɔ he te dɛ́ ir ɡale kaa Jɔɔdan Moo baŋ harɛ maa kpɔa dɛɛ ba heyaa tɛɛ la ta.

Josua 1:2 Referans Kwoze

Mmarare 3:28

Kpɔ waa la do Josua nɔn ta dɛ́ doo ɡbemba ó dɔ bokpeɡa, dɛkalkɛ onee dɛ́ tɔ nɛra nɔ sie dɛ́ kpɔ ba le nee la baŋ, bá ka lɛ harɛ la haa dɛ ba o nae la dɛ́ so o ta.’

Mmarare 31:7

Ate, Mosis yerɛ Josua dɛ bol o be Israel tena la bwa siwi ta ŋɔ, “Che kiŋkiŋ, bɛ ɔmɛ, dɛkalkɛŋɔ henee dɛɛ ba nɛra nɔ sie tɔe, dɛ́ kpɔ ba ka so harɛ Korowii aa kpɔa baɡɛ ba naawa nyoa la ta.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Josua 1:11

“Hé valɛ Israel tena be bela bwa baa soɡa, dɛ́ ɡel ba no kɛŋɔ kerele ɡbosoo yaa le Jɔɔdan Moo baŋee, dɛ́ ka lɛ harɛ Korowii haa dɛ tomɔ la aa kpɔa dɛɛ tɛ heyaa ŋɔ he kpɔ la. Anomanta, he nyin kondikwaa cheɡ.”

Josua 1:1

Korowii bonɔɔ Mosis seo habɔɔ la, Korowii ŋɔ Nun bibaa Josua, o fa aa dɛ cha Mosis la be ŋɔ,

Nɛra Kura 12:7

Gɛ laa n ne n bonɔɔ Mosis waa do. O waa dɔ kasinteŋ, n kpɔ n nɛra bwa do o nɔn ta.

Mmarare 34:5

Anomanta, Korowii bonɔɔ Mosis sewɛ Moab harɛ ta bela ɡɛ Korowii aa ŋɔa waa ɡel o la harɛ la ta la.

Job Tɔn 1:8

Korowii ŋɔ o be ŋɔ, “Ɛrɛɛ he na n bonɔɔ Job waɔ? Nomɛlbwa toole o waa toɡre kɛ on harɛ nɔ ta, wechɔɡe bɛlbwa toole o nɛ, o dɛ tom mɛ, o laa o te dɛɛ kpɔ wechɔɡa ta.”

Mumpar 17:8

Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”

Nehemia 9:23

He tɛɛ ba bii ba warɛ kɛŋɔ weweela ken, dɛ ɡel ba yo nɛra dɛ pɔ ba nɛ, dɛ so harɛ haa baɡɛ ba naawa ŋɔ hɛɛ kpɔɔ tɛɛ ba la ta.