Josua 1:15 - mzwDBL

¹⁵ dɛ́ ka tel kɛŋɔ Korowii aa ɡela ba bwara sɔɔh ba ɡɛ waa ɛa tɛ heyaa la, ka tel kɛŋɔ ba ɡe aa kaa dɔ harɛ Korowii haa dɛ tomɔ aa kpɔa tɛɛ baa la. Mɔɔ he berɛ kaa he ɡbaɡba harɛ Korowii bonɔɔ Mosis aa kpɔa tɛ heyaa o do Jɔɔdan Moo wee leebɔr la ta.”

Josua 1:15 Referans Kwoze

Felepae 2:4

He bɛ ɡel he ɡbo waa hiah heya. Hé ɡel he dɔŋa ɡe waa hiah heya.

Galaasia 5:13

Yabala, Korowiirii le heyaa tɛ o te, dɛ lɛ heyaa asɛ Mmara la bɛ heyaa vɔrɔwe kpa. Kɛ haa dɔ he te nɔ, he bɛ ɡel a do he som kohona, asɛ hɛɛ ɛ wechɔɡa la bwa he bwadabii aa dɛ nyin kɛŋɔ hɛɛ ɛ. Hé kpɔ dɔŋa nyina dɛɛ tomɛ dɔŋa.

1 Kɔrent 13:5

Waa waa saɡasaɡa ɛ o bala be. Waa o ɡbo nyin, o dɛ nyin nomɛlbwa. O baah aa nɛra nɛɛ di warawara. Waa nɛn waa lɛɛ dɛɛ do o bini.

1 Kɔrent 12:26

Dɛ bwadabii bobɛl dɔ weela aa, dɛ bwadabii bwaa weela lawɛ la. Dɛ ba kpɛɛ bwadabii bobɛl aa, a dɛ do bwadabii la bwa som.

Galaasia 6:2

Waa pu he dɔŋ dɛ ɛ bone tɛo waa, hé chao. He dɛ ɛ ɡɛ naa, dɛ Yeesu Kristo mmara la taa hɛɛ teŋɛ la.

Mmarare 3:20

Hé cha he bala la ka tel kɛŋɔ Korowii aa tɛɛ ba bɔr bá so dɛ́ onɛ, ɡɛ waa tɛ heyaa nɔ, ba ɡe dɔ harɛ Korowii aa kpɔa tɛɛ ba o do Jɔɔdan Moo baŋ le. A habɔɔ la, bɛlbwa ɛɛ won kaa harɛ maa kpɔa tɛ heyaa la ta ja.’

Josua 1:1

Korowii bonɔɔ Mosis seo habɔɔ la, Korowii ŋɔ Nun bibaa Josua, o fa aa dɛ cha Mosis la be ŋɔ,

Josua 1:14

Anomanta, hé ɡel he haahna ne bii ne he kondɛɛra te ka harɛ Mosis aa bɔna tɛ heyaa Jɔɔdan Moo wee leebɔr la ta bela, ásɛ he laa tena kpɔ ba te dɛ́ tɔ sie ɛɡɛ Moo la le he bala Israel tena la nɛ, dɛ́ ka cha ba,

Josua 1:16

Anee ba ŋɔ Josua be ŋɔ, “Yaa ɛ wobɛlbwa haa bol ya be nɔɔ, dɛ́ la bobɛlbwa ɡe haa tomɛ yaa.

Mmarare 3:18

N ŋɔ ba be ɡɛ saŋ ŋɔ, ‘Korowii haa dɛ tomɔ laanee tɛ heyaa harɛ nɔ ŋɔ hé so o ta. Kɛ he laa tena la vɔwɛ ntoa dɛ́ le Jɔɔdan Moo baŋ, dɛ́ tɔ he bala Israel tena sie dɛ́ ka cha ba ba ɡe dɔ ba harɛ.

Mmarare 9:1

Mosis berɔ ŋɔ, “Israel tena hɛ́ɛ no, fini hɛ́ɛ le Jɔɔdan Moo la baŋ harɛ taa dɛ́ ka doŋi harɛre nɛra baa kana dɛ do kpeɡri ɡwaa heya. Ba dɔ bwɛjena dɛ ma danjwɛkpeɡa a kaa nyundua bara.

Josua 22:1

Josua yerɛ Rubin ne Gad deene, dɛ Manasɛ dea pera nɛra cheme,