Jona 1:9 - mzwDBL

⁹ Asɛ Jona ŋɔ, “Hibru tee men, Korowii Waa Dɛ Di Kora Nyundua waa ta nyundua ne harɛ ne mpo laanee mɛɛ tomɛ.”

Jona 1:9 Referans Kwoze

Nehemia 9:6

He ɡboo Korowii, henee ta nyundua ne weweela bwa. Henee ta harɛ ne mpo, dɛ kwaa aa lɔ a ta bwa, dɛ ɡel a bwa do le. Kwaa aa lɔ nyundua bwa dɛ ɡuŋi.

Yela 136:26

Hé kpɔ jam tɛ Korowii Waa Dɛ Di Kora Nyundua O nyina lole saŋ bɛlbwa dɛɛ la.

Nehemia 1:4

Maa no waa nɔ la, n soɡo dɛ wi. N wio la sie tɔpere bɛl tama dɛ vɔwɛ nyoa, dɛ soŋe Korowii Waa Dɛ Di Kora Nyundua ŋɔ,

Ɛsra 1:2

O ŋɔ, “Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta.

2 Koranar 17:28

Anomanta, Israel tena baa laɡ ba laa ta le Samaria la bini bɛl waa ɛ sɔfo baa so Bɛtel, dɛɛ baɡ ba ɡɛ baa tomɛ Korowii.

2 Koranar 17:25

Baa baa so bela loɡla la, dɛ baa Korowii tomɛ, anomanta, Korowii ɡelɔ nyujentena ba kpoo ba bini bane.

Mumpar 14:13

A habɔɔ la, nɛra baa chwaa la bini bɛl ba Abram waa ɛ Hibru te la be, dɛ ba bol ɡɛ waa la o be. Dɛ o soɡe Mamre dajena ane aa lɔ Amɔre te bɛl harɛ ta la mune. Dɛ Mamre ne o nimanar Ɛskɔl ne Aner bwa ja Abram nɛ baa cha dɔŋa laa ta.

Wepila 16:11

dɛɛ chɛɡre Korowii waa lɔ nyundua ba bonyɛɡa ne ŋwɛra aa lɔ ba nɛɛ la wa. Ba ta liire charɛ dɛ le ba tonchɔɡa ta.

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”

Wepila 11:13

Buɡ la ta, harɛ jiɡri kohona, asɛ bwɛjen la deene choɡli. Dɛ ba bɔne bwɛɛ la bini bɔre fi aa, deene aa choɡla la ɛɛ tel bɔr beŋkpoŋ deenee, nɛra kaɡboŋa banuanɛ serewɔ, asɛ ɔmee lawɛ banɔ la baa kaa la, asɛ ba kpɛɛ Korowii Waa Dɛ Di Kora Nyundua la.

Felepae 3:5

Israel tee men. Baa lol mɛ n dɔ yawanyoa la taa ba teŋe n pen. Bɛnjamen deaa n le. Israel te kaiih men, dɛkalkɛ n mɛɛ ne n nya bwa ɛ Hibru tena. Dɛ ba dɛ bol Mmara ta teŋa wa aa, nɛra baa dɛ teŋɛ Mmara ta kohona baa yer ba Farisii tena la bɛlee men.

We-ɛɛla 27:23

Waa aa ɡela n ŋɔ ɡɛ laanee kɛ, dɛ jwaana ne la, Korowii waa dɔɔ mɛ dɛ ɡel mɛɛ ɛ o toma la, o torome ba n be,

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Job Tɔn 1:9

Ate, Bɔnsam chaŋe ŋɔ, “He dɛ lii kɛŋɔ Job ɛɛ tomɛ pɛɛpɛɛ yaa?

Nehemia 2:4

Ate, Koojen Atasɛksɛs ŋɔ n be ŋɔ, “Bɔkwaa hɛɛ nyin kɛ n ɛ́ tɛɛ nɔ?” Asɛ n soŋe Korowii Waa Dɛ Di Kora Nyundua,

Ɛsra 5:11

Waa baa chaŋe yaa teŋa nɔ. ‘Ya ɛ Korowii Waa Dɛ Di Kora Nyundua ne harɛ bonɔɔna, asɛ ya berɛ kwaa dɛɛ ma Korowii Dea ba fa aa mao saŋ la bwa la. Israel kooro bɛl o fa aa dɛ di kpeɡri kohona laanee pa o mun dɛ tonɔ.

Mumpar 39:14

o yerɛ bonɔɔna baa lɔ dem bela la dɛ ŋɔ, “Hé no waa nɔ. Hibru te nɔ n jaa aa kaa lawɛ ba dem bonɔ nɔ dɛ ɛ yaa sisawa. O baa jo n be dea ŋɔ o fee paɡ mɛ, asɛ n do lɔŋɔ kohona.

Kaala 1:15

Dɛ haahna bane lole baa yer ba Sifra ne Pua baa dɛ lɛ Hibru haahna lol. Awola bɛl, Ijipt kooro la ŋɔ ba be ŋɔ,

Kaala 2:13

Tɔ aa pera la, o laŋɔ ŋɔ ó ka chɔɔ o bala la ja dɛ na Hibru tena baala banɛ aa dɛ yo. Belaa o bɔɔ onɔ la o kon aa wola maɡrɛ la ŋɔ, “Ɛrɛɛ hɛɛ lɔɔ he dɔŋ nɔɔ?”

Mumpar 1:10

Asɛ o pa harɛpɛɛ la sɔn , dɛ pa nee la aa chɔ bobeŋkpoŋ la ɡe sɔn , dɛ na kɛŋɔ a wer.

Mumpar 24:7

Dɛ berɛ ŋɔ, “Korowii Waa Dɛ Di Kora Nyundua laanee kpɔ mɛ le n mɛɛ dem ne harɛ baa lol mɛ o ta la ta, dɛ ŋwɛɛ baɡ mɛ kɛŋɔ n naanaree wɛɛ ba ɡɛ harɛ nɔ kpɔe tɛ. Wɛɛ ɡeloo o nyundua torome tɔ he sie, ásɛ he won ka dɔ haah ba tɛ n bie nɔ.