Joel 2:5 - mzwDBL

⁵ A ɡbɔɡa do kɛŋɔ torɔɡore sii ken, dɛ ɡah dɛɛ ɡale bwejena, a kena ɛɛ si kɛŋɔ nii aa dɛ fuh kpɔɡ ɛɛ parame la. A do kɛŋɔ laa tena baa kpeɡa kohona, dɛ kpɔ ba te dɛɛ la ka yo laa ken.

Joel 2:5 Referans Kwoze

Wepila 9:9

Kwaa tɔ a bambili kɛŋɔ laa batakaare bune aa dɛ bɔle bambile la, asɛ a kena ɛɛ ɡbɔɡre kɛŋɔ torɔɡore aa wara ba vɔwa pɛl jaɡre dɛ chwa dɛɛ kaa laa la.

Aesaya 5:24

Anomanta, ɡɛ ninlao yon piɡri lawɛ jaaɡesɛɛh dɛ́ fuah, kɛɛ dɛ yon fuh kpɔɡhola la, ɡɛɛ he ɡe ɛɛ ba tona kɛŋɔ kpɔɡa lune yon pɔh a fee ɡe hol, peu kpɔa kaa kɛŋɔ tutuɡ ken, dɛkalkɛ he vɛh Nemenɛ Korowii Mmara la, dɛ lii Israel Nɛŋɡoroŋ waa waa kpɔa baɡle heyaa la wepuu.

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Matiu 3:12

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Job Tɔn 39:20

He ɡelɔ o won jaeh kɛŋɔ hɔɔhre dɛɛ aah nɛra hweera kohona ne naa?

Jeremia 50:42

Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.

Kaala 5:12

Asɛ ba lɔ jo Ijipt harɛ ta bwa dɛ ka nyin kpɔɡa la.