Joel 2:26 - mzwDBL

²⁶ Hɛɛ dɔ kondikwa kohonaa di dɛ́ vaɡre, ásɛ dɛ kpɛɛ Korowii haa dɛ tomɔ la, o ɛ nyokpowaa tɛ heya, sihiih aa n nɛraa kpo kpa.

Joel 2:26 Referans Kwoze

Tɔn Pɔɔl Aa Chwerɛ Rom Tena 10:11

Korowii Tɔn baɡlɔ ŋɔ, “Nomɛlbwa waa yaradao la, sihiih aa o kpoe ba.”

Yela 22:26

Nyaara ɛɛ di kwaa vaɡɛ ɡɛ baa dɛ nyin, nɛra baa dɛ tomɛ Korowii ɛɛ kpɛɛroo. Kórowii ɡel bá dɔ silɛɛ saŋ bɛlbwa dɛɛ la!

Tɔn Pɔɔl Aa Chwerɛ Rom Tena 5:5

Hwɛɡa yaa dɔa nɔ, aa pɛɛ ɛ, dɛkalkɛŋɔ Korowii tɛ yaa o Domadɛɛɡe la ásɛ ya jemɛ o nyina waa dɛ nyin yaa kohona.

Mmarare 12:7

Korowii sie belaa he ne he dem tena ɛɛ ba kwaa dii, dɛ́ɛ lɛ sie toma haa dɛ tomɔ nɔ wa.

Aesaya 49:23

Koranar ɛɛ kpɔ heyaa berɛ ba bii, ásɛ ba haŋkoranar ɡe berɛ he nyare. Baa dɛɛ ɡuŋi heyaa harɛɛ, dɛ́ kpɔ duure tɛ he ya. Belaa hɛɛ ba jema kɛŋɔ menee Korowii. Nɛra baa kpɔ hwɛɡa dawɛ n nɛɛ la, sihiih aa ban kpo bwa.”

Aesaya 45:17

Kɛ Israel tena te, Korowii ɛɛ lɛɛ baa saŋ bɛlbwa. Baa sihiih di, saŋ bɛlbwa bwa.

Lewi Dea Tena 26:5

Kondikwaa bala aa ba kohona nomanta, hɛɛ do mea lɔɔra taa dɛ daa nɔna chaara joɔ, ásɛ haa ba chaa daa nɔna ɡe la, dɛ mea ɡe dui saŋ telo. Hɛɛ dɔ kondikwaa bɛlbwa haa dɛ nyinii dɛ́ di, dɛ́ so deŋnesɔɔhna ta he harɛ ta.

1 Jɔn 2:28

N bidɛɛɡa, hé ɡel he ne Yeesu Kristo pɛ, ásɛ o baa forɛ le awola aa, ya bɛ ɔmɛ, ásɛ sihiih bɛ yaa kpo o sie awola waa ba la.

Tɔn Pɔɔl Aa Chwerɛ Rom Tena 9:33

O waa ba chwerɛ Korowii Tɔn bini la. Ba chwerɔ ŋɔ, “Mɛɛ kpɔ Bwee cheɡ Saayɔn, ásɛ nɛra ɛɛ lɔ naa o ta dɛɛ choɡli. Kɛ nomɛlbwa waa yaradao la, sihiih aa o kpoe ba.”

Aesaya 54:4

Bɛ ɔmɛ, sihiih aa he kpoe ba kpa, nɛra aa ɡel he fɛɡre. Hɛɛ soh he toli saŋ sihiih waa bwaa, haa ɡɛ saŋ haa do kɛŋɔ luhaah laanee lii kpa.

Aesaya 25:1

N Naa Korowii, henee mɛɛ tomɛ, mɛɛ tɛɛ sɔnee dɛ́ kpɛɛre. He ɛ nyokpowa, waa haa maɡla bil saŋ la, he ɛa kasinteŋ ne.

Sekaria 9:17

Na ɡɛ harɛ la aa dɛ ba wer doe dɛ́ dɔ pɛla! Kondikwaa ne sen aa lɔ harɛ la ta la ɛɛ ɡeloo bonɔɔna ne toli kpeɡ, dɛ́ dɔ bokpeɡa.

Sekaria 9:15

Koranar Bwa Kooro ɛɛ tɔ o nɛra ɡbemɡbee. Baa chɔɡ ba dɔma vamtor bwea nee, dɛɛ moo laa ta kɛŋɔ sennyɔdɛɛra ken. Baa kpoo ba dɔmaa, ásɛ ba chal ɛɛ palɛ kɛŋɔ baa kpoo kwaa ɛ saraha, dɛ kpɔ a chale dɛɛ merɛ saraha kwaa loŋkoni ta la ken.

Sefania 3:11

Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Aesaya 29:22

Anomanta, Korowii waa lɛ Abraham bol waa nɔ dɛɛ baɡle Israel tena ŋɔ, “Sihiih aa heyaa kpo kpa bwa, haa he dɔma ɔma waa koh ɡwaŋɛ kpa.

Mumpar 33:11

N poori, sɛh dɛ́ lɛ kwaa maa kpɔa dɛɛ tɛɛ nɔ. Korowii cha mɛ kohona dɛ sune n nɛɛ asɛ dɛ tɛ mɛ komɛlbwa.” Ba bolɔ la sie kɛrɛdɛ mɔɔ Esɔ ta ba lɛ.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

Aesaya 55:2

Bɔkwa waa hɛɛ chɔɡ suuɡa kwaa aa wola kondikwaa ɛɛ ta, dɛɛ koh kwaa aa wola vaɡɛ ta nɔɔ? Hé cheɡ deŋne kɛrɛdɛ dɛɛ no waa maa dɛ baɡle heya, ásɛ dɛ dɔ kondikondɛɛɡa di.

Yelsom 5:1

N sɛnodɛɛɡe ne n hanfale, n ba bodɛɛɡe maa du daa. N boa n konsɔɔhsoma ne korobo bwa nyoa. N di n tohvaahna ne n tohno, dɛ nyɔ n sen ne na-elne. N daamanar, hé di kondikwa dɛ nyɔ sen. Hé nyɔ ɡɛ bɛlbwa ɡɛ haa won.

Sɛɡla 13:25

Nɛn o wa aa toɡra di kwaa o baah ɛɛ sɔɔhno, kɛ nɛnchɔɡe te dɛ chɔ lɔr saŋ bɛlbwa.

Yela 116:7

Anomanta, n liiro ŋɔ, N wee, ɡel he baah sɔɔh name, nyiŋa Korowii aa nyiŋi n nɛɛ la wa.

Yela 103:5

O dɛ tɛ mɛ n konnyina n soɡa bini bwa, a ɡel n berɛ bonɔɔ dɛ do kpeɡri kɛŋɔ kee ken.

Yela 72:18

Hé kpɛɛ Korowii Israel tena aa dɛ tomɔ! O ɡboo dɛɛ ɛ nyokpowe-ɛɛla.

Yela 37:19

Baa wahalaa na sibeɡra saŋ, lɔr saŋ kwaraa yaa, dɛ ba te dɔ kondikwa.

Yela 13:6

N Naa Korowii, mɛɛ ɡo yelaa kpɛɛre, kɛ haa ɛɛ mɛ wedɛɛɡa ɡa la.

Nehemia 9:25

He nɛra yoo dɛ pɔ bwɛjena baa ma danjwɛkpeɡa bara nɛ, ne harɛpare ondɛɛɡe, ne deremi kondɛɛɡa bwa soo siwi aa lɔ a ta, ne bɔɔne baa kwia a won nee lɛɛ, ne ɡrepo daa kooni ne ɔleve daa kooni, dɛ daa baa dɛ di a nɔna bwa soo siwi aa wara. Ba diu vaɡre dɛ je, ba sie lɛ kondɛɛɡa kohona haa tɛɛ ba la wa.

Mmarare 12:18

He ne he bibaala ne bihaahna ne bonɔɔna ne toli, dɛ Lewi dea tena baa lɔ he bwɛɛre ta bwa chɛ kɛŋɔ hɛ́ɛ di a ɡɛ saraha kwaa nɔ Korowii haa dɛ tomɔ sie, bobeŋkpoŋ waa le tɛ heyaa la, dɛ́ ɡel he sie lɛ wobɛlbwa haa ɛa ta.

Mmarare 12:12

Belaa he ne he bibaala ne bihaahna ne bonɔɔna, dɛ he toli sie ɛɛ ba lɛɛ Korowii haa dɛ tomɔ nɔ sie, ne Lewi dea tena baa soɡe he bwɛɛre ta ba ɡbaɡba aa wola harɛ dɔe la.

Mmarare 8:10

Dɛ he baa di kwaa dɛ vaɡre aa, hé kpɛɛ Korowii haa dɛ tomɔ nɔ, harɛpare ondɛɛɡe waa kpɔa tɛ heyaa la wa.

Lewi Dea Tena 26:26

Mɛɛ ɡeloo kondikwaa waa do kpeɡri, ásɛ haahna fi pɛ wɔɔ he paanoo bwa kombeŋkpoŋ baa kpɔa dɛɛ wɔɔ paanoo bini. Baa maɡa tɛ heya he di haa vaɡre.

Maeka 6:14

Hɛɛ di kwaa kɛ haa vaɡɛ, a do kɛ he ta komɛlbwa dii. Hɛɛ dɛɛ cheɡ kwaa, kɛ aa le he nɔn taa, dɛkalkɛ men Korowii ɛɛ ɡeloo ba chea laa ta kaa.

Mmarare 11:15

dɛ́ berɛ ɡel he kondɛɛra dɔ kpɔɡa di, he ɡe dɔ kondikwaa di dɛɛ vaɡɛ.

Yela 67:5

N Naa Korowii, ɡel harɛre nɛra bwa kpɛɛre, kasinteŋ, a chɛ kɛ bá bwa kpɛɛre.

Lewi Dea Tena 25:19

Harɛ la ɛɛ ɛ kondikwaa tɛ heyaa he di ɡɛ haa dɛ nyin, dɛ́ so bosɔɔhna ta.