Joel 2:17 - mzwDBL

¹⁷ Hé sɔfore haa dɛ tomɛ Korowii o Dea doonyoa ne saraha kon baah ta la, hé wi dɛ́ soŋo ŋɔ, “Ya Naa Korowii, sune yan yaa ɛ he nɛra nɛ, bɛ ɡel harɛ nɛra bane mamɛ yaa dɛ́ ŋɔ, ‘Leperaa Korowii haa dɛ tomɔ la dɔɔ?’ ”

Joel 2:17 Referans Kwoze

Ɛsekeɛl 8:16

O berɔ kpɔ mɛ ba o Dea la dembaah bela, doonyoa bela pato la ne kon baa dɛ ɛ saraha o ta la baah ta, dɛ baala fifraanɛ dɛ banue lɔ bela. Ba habɔɔ chaɡɛ Korowii Dea la, asɛ ba sie chaɡɛ wee leebɔr pera baa tomɛ wee.

Yela 115:2

Ɛrɛɛ harɛre nɛra ɛɛ bɔɔ yaa ŋɔ, “Leperaa Korowii haa dɛ tomɔ la dɔɔ nɔɔ?”

Yela 79:10

Ɛrɛɛ harɛre nɛra ɛɛ bɔɔ yaa ŋɔ, “Leperaa Korowii haa dɛ tomɔ dɔɔ nɔɔ?” Tɛr nɛra baa kpoo he bonɔɔna deŋne, ya siwi ta bonɔ.

Matiu 23:35

Anomanta, nɛndɛɛɡa baa nya ba nɛɛ dɛ kpoo ba la, dɛ́ le kpoe baa kpo Ebel waa wola wechɔɡa bɛlbwa ɛɛ la, ka tel kpoe baa kpo Bɛrekea bie Sekaria Korowii Dea la, ne bela baa kpoo kwaa dɛɛ tɛo la baah ta bela la, ba bwa waa ɛɛ ɡure he nɛɛ.

Emɔs 7:2

Tontombɛ la balɔ, dɛ ba chɔɡ konlwɛɛ te bɛlbwa harɛ la ta, asɛ n ŋɔ, “Nemenɛ Korowii, ɡel kɛ he nɛra! Ɛrɛɛ he nɛra ɛɛ ba wona so nɔ? Ba nɔn ta kao!”

Joel 1:9

Mea ne sen sarahare toole Korowii Dea kpa. Sɔfore baa dɛ ɛ toma Korowii Dea la bwa dɛ wi a wa.

Hosia 14:2

Hé ɡel ɡɛ waa nɔ ɛ he wesoŋa, dɛ́ berɛ ba Korowii be. Hé soŋo ŋɔ, “Kpɔ ya wechɔɡa bwa kɛ yaa, dɛ́ sune ya nɛɛ dɛ́ lɛ yaa, ásɛ ya kpɛɛre, ɡɛ yaa baɡɛ nyoa la.

1 Koranar 6:3

Pato lɔ Dea la sie, o paɡri lɔ naɡale fi dɛ anue, asɛ o jaŋne dɛ le Dea la ta kaa sie ɡe ɛ naɡale fi dɛ anue, o ne Dea la sie bwa paɡri kɛrɛdɛ.

Kaala 34:9

Dɛ ŋɔ, “N Naa Korowii, dɛ he sie lɛ n nɛ aa, n dɛ soŋe he ja ya nɛɛ kaa. A lole kɛ ba deŋne kpeɡri, kɛ kpɔ ya wechɔɡa kɛ yaa, ásɛ dɛ kpɔ yaa ɛ he nɛra.”

Maeka 7:10

Belaa ya dɔma ɛɛ ba a nae ásɛ sihiih kpo ba. Banee fa muɡli ya baah ŋɔ, “Leperaa Korowii haa dɛ tomɔ la dɔɔ tenɔ?” Yaa soo dɛ́ na ba chola, baa tiɡri ba nɛɛ kɛŋɔ baa dɛ tiɡri kpechɛɡre ta ken fɔɡbaahna.

Emɔs 7:5

Belaa n ŋɔ, “Nemenɛ Korowii, n dɛ soŋe, ɡel! Ɛrɛɛ he nɛra ɛɛ ba wona so nɔ? Ba nɔn ta kao!”

Ɛsekeɛl 20:9

Gɛ aa ɛ ásɛ harɛre baa soɡe a ta nɛra bɛ n sɔnchɔɡe yerɛ ŋɔ n bolɔ ŋɔ, mɛɛ lawɛ Israel tenaa le Ijipt harɛ ta nomanta, n ta ɡɛ ɛɛ.

Aesaya 37:20

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Yela 89:51

He dɔma dɛ chɛɡre kooro haa leo cheɡ la. Bela waa kpɔ bwa, ba dɛ chɛɡro.

Yela 89:41

Nɛra baa vala baa kaa bwa dɛ ŋwɛ o laala, o bala bwa dɛ mamɔ.

Yela 79:4

Harɛre aa bar yaa cheme nɛra dɛ chɛɡre yaa, ba kpɔ yaa berɛ akwekwe nɛra.

Yela 74:10

N Naa Korowii, saŋ besoo ya dɔma mamɛ ka tel ɔ? Bá na dɛ́ bol waa dɛɛ yaɡɛ he sɔn saŋ bɛlbwa ɡɛ kɛɛ?

Yela 42:10

N hoɡa bwa dɛ wee mɛ, n dɔma aa dɛ muɡli n baah la wa, dɛɛ bɔɔ mɛ tɔpere bɛlbwa ŋɔ, “Leperaa Korowii haa dɛ tomɔ la dɔɔ?”

2 Webena 8:12

Kooro Solomɔn kpoo kwaa dɛ fuah ɛ sarahare tɛ Korowii, saraha kon baa mao cheɡ Korowii Dea pato la sie,

Mmarare 32:27

Dɛ berɛ lii kɛŋɔ he dɔma bɛ ba te ba maŋkura dɛ́ ŋɔ banee pɔ n nɛra nɛ, kɛ dɛ menee wona ɛ ɡɛ.’

Matiu 27:43

O ŋɔ Korowii nɛɛ o sie dawɛ, dɛ ŋɔ Korowii Biee on. Dɛ o waa dɛ lɛ Korowii sie te naa, amɔ Kórowii ba lɛo taraken.”

Malakae 1:9

Taraken, dɛ he sɔfore dɛ soŋ mɛ ŋɔ ń kpɔ kɛ heya aa, mɛɛ no he wesoŋaa yaa? Maa he wesoŋaa no. Men Koranar Bwa Kooroo bola.”

Nehemia 9:36

Taraken, ya berɛ yoma harɛ haa kpɔa tɛ yaa ta, harɛ o fe aa wera kohona ya dɔ kondikwaa dɛɛ di o ta la ta.

Joel 1:13

Sɔfore, hé kpɔ lweyale tɔ dɛɛ wi, heyaa dɛɛ ɛ toma saraha kon la ta. Hé la Korowii Dea ka so jwaana bwa dɛɛ wi, dɛkalkɛ mea kɛɛ sen sarahare aa Korowii Dea ba kpa.

Yela 42:3

Sinii ber mɛ kondikwa, chɔɔ ne jwaana bwa. Saŋ bɛlbwaa n dɔma ɛɛ pɛɛ mɛ ŋɔ, “Leperaa Korowii haa dɛ tomɔ la dɔɔ?”

2 Webena 7:20

ate mɛɛ le Israel tenaa le harɛ maa kpɔa tɛɛ ba nɔ ta, dɛ vɛh n Dea maa lea cheɡ dɛ ɡel o do ɡoroŋ ŋɔ ó ɛ bela baa dɛɛ tom mɛ nɔ ta. Ásɛ Israel tena berɛ wesoma nɛra, harɛ nɔ ta bwa.

1 Koranar 9:7

ate, mɛɛ le Israel tenaa le harɛ maa kpɔa tɛɛ ba nɔ ta, dɛ́ vɛh n Dea maa lea cheɡ dɛ ɡel o do ɡoroŋ ŋɔ ó ɛ bela baa dɛɛ tom mɛ nɔ ta. Ásɛ Israel tena berɛ wesoma nɛra, harɛ nɔ ta bwa.

Mmarare 28:37

Harɛre Korowii aa lɔ heyaa peɡre a ta la, bela tena nyoa ɛɛ kpo he waa, hé berɛ wesoma tena baa di he loro.

Nɛra Kura 25:6

Mosis ne Israel tena la bwa aa cheme Korowii Dea Cheremibɔr la doonyoa dɛɛ wi ba te la, ba bwa siwi ta, Israel tena baala la bɛl lawɛ Midian haah ba jo o tɛnte dea, o ne o chɔ.

Aesaya 22:12

Korowii, Koranar Bwa Kooro ŋɔ, hé dooɡe lɔŋɔre dɛ́ wi, dɛ́ fonɛ he nyuune dɛ́ kpɔ lweyale tɔ awola tɔpere, á baɡle kɛŋɔ he ɛ wechɔɡa.

Josua 7:9

Keenan tena ne nɛra baa lɔ harɛ la ta bwa ɛɛ no waa nɔɔ, dɛ́ ba bar yaa, dɛ́ kpoo yaa, dɛ́ ɡel ya sɔn nyoɡre harɛ nɔ ta. Ɛrɛɛ nɛra ɛɛ ba ɛɛ dɛ́ jemɛ kɛŋɔ he sɔn kan ɔ?”

Yela 42:4

N lii n saŋ la aa, dɛ n bambile chɔɡɔ, n ne nɛnlaa bwa fa yon la hen Korowii Dea, ásɛ n tɔ ba sie ba teŋɛ, ba sie lɛ ba ɡo yela, dɛɛ hɛɡre dɛɛ kpɛɛre.

Yela 42:11

Ɛrɛɛ tebinichɔɡ su n bwa ken? Ɛrɛɛ n bambile chɔɡ ken nɔɔ? N kpɔ n hwɛɡa bwa dawɛ hen Korowii nɛ, dɛ berɛ kwaa dɛɛ kpɛɛre ja, henee Korowii maa dɛ tomɛ, henee n Lɛɛ.