Joel 2:15 - mzwDBL

¹⁵ Hé hoh bɛla Saayɔn Bwejen ta, dɛ́ boa nɛra nyoa, bá vɔwɛ nyoa á baɡle kɛ ba dɛ di suna.

Joel 2:15 Referans Kwoze

Joel 1:14

Hé yerɛ nɛra bwa ba cheme, bá vɔwɛ nyoa. Hé yerɛ harɛ la nomonome bwa ba Korowii haa dɛ tomɔ Dea, dɛ́ ba wi noo bela.

Joel 2:1

Hé hoh bɛla kohona Saayɔn, Korowii bwe waa do ɡoroŋ la ta. Hé nɛra haa lɔ harɛ ta bwa hé ɡel he bwara ɛɛ chel, Tɔpere Korowii aa lea cheɡ la dɛ ba, o telo tonɛ.

1 Koranar 21:12

Ba le tɔpebeŋkpoŋ cheɡ dɛ cheme vɔwɛ nyoa, dɛ yerɛ nɛra cheme dɛ tɛ Nabɔt nomonsobɔr.

Nɛra Kura 10:3

Dɛ ba hoh bɛle anɛ la bwa naa, nɛra la bwa chɛ kɛ bá cheme he sie n Dea Cheremibɔr la doonyoa bela.

Jeremia 36:9

Juda Kooro Josia bibaa Jehoiakim aa di kora Juda harɛ bene anue, korobie anuanaarɛ ta la, nɛra baa lɔ Jerusalam ne Juda bwɛɛre ta nɛra bwa vɔwɛ nyoa ba waa dɔ nyɛl Korowii be.

2 Koranar 10:20

Kooro Jehu ŋɔ, “Hé bol dɛ ɡel nomɛlbwa jemɛ kɛ ya le tɔpere yaa cheme cheɡ dɛ́ tomɛ voɡ Baal.” Asɛ ba bol.

1 Koranar 21:9

Tɔne la bini waa nɔ. “Hé bol nɛra be bá le tɔpebeŋkpoŋ cheɡ, dɛ́ cheme vɔwɛ nyoa, dɛ́ ɡel Nabɔt so nomonsobɔr.

Aesaya 1:13

He saraha kwaa bɛlbwa ta tɔnɔ dɔe n be kpa. Hé ɡel a ne bala. N kii konsɔɔhsoma haa dɛ fuah. He wechɔɡa bɔle he korobifala, ne Ona Tɔpera, ne he chema haa chema dɛɛ tom mɛ bwa ta.