Joel 1:2 - mzwDBL

² Nomonome, hé cheɡ deŋne no, hé no, he nɛra haa lɔ harɛ ta bwa. Waa nɔ dɔŋa chiɡ he bere saŋ kɛɛ he naawa bere saŋ ta ka aa?

Joel 1:2 Referans Kwoze

Joel 2:2

Bɔr dɛ ba bira a ɡɛ saŋ, ásɛ baama tɔ bobɛlbwa. Tontombɛ ɛɛ wuruu ba tɔ bwejena ta, kɛŋɔ laa tena baa kpeɡa kohona ken. A dɔŋa ta chiɡe bwa, aa chiɡ saŋ bɛlbwa ɡe bwa.

Hosia 5:1

Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.

Jeremia 30:7

Tɔpechɔɡe bɛl dɛ ba, baa won kpɔ tɔpere bɛlbwa maɡɔ. Wɛɛ ɛ suna dii tɔperee tɛ Jekɔb naanar, kɛ ane a bwa, baa le a nyoaa.”

Job Tɔn 8:8

Ta sie nyiŋi, saŋ la tena waa bini, dɛ na waa ya naawa aa hwela.

Matiu 24:21

dɛkalkɛ, dɛ le harɛ nɔ mumpar bwa ba le fini, wahala aa dɛ we dɛ do ɔma ɡɛ dɔŋ ta chiɡe bwa. Asɛ wahala aa do ɔma ɡɛ dɔŋ ɡe aa chiɡ kpa bwa.

Matiu 13:9

Yeesu aa bol a ɡɛ waa nɔ tonɛ la, anee o ŋɔ, “Nomɛlbwa waa dɛ nyin dɛ́ no la, ó no.”

Maeka 3:9

Hé no, Israel sitɔɔla, he hah waa aa toɡra, dɛɛ berɛ waa aa ɛ kasinteŋ sie.

Maeka 3:1

Asɛ men Maeka berɛ ŋɔ, “Israel nomonome, ne sitɔɔla haa lɔ Israel, hé no. Heyaa chɛ kɛ hé jemɛ waa aa toɡra dɛ do wer,

Maeka 1:2

Hé no, nɛra haa lɔ harɛ nɔ ta bwa, ne komɛlbwa waa lɔ harɛ nɔ ta. Nemenɛ Korowii le o Dea waa do ɡoroŋ nyundua dɛɛ ba dɛ́ ba bol waa bɔ heya.

Emɔs 5:1

Emɔs ŋɔ, “Israel tena, hé no wiile maa taara dɛɛ tɛ heyaa nɔ.

Emɔs 4:1

Hé no, haahna haa lɔ Samaria dɛ do bwara kɛ nae aa lɔ Basan harɛ ta, he dɛ fiiɡi nyaara ne nɛŋɡwɛɡra, dɛɛ ŋɔ he jaranar be ŋɔ, “Hé kpɔ sen baa tɛ yaa.”

Emɔs 3:1

Korowii ŋɔ, “Israel tena, he no waa aa le n be dɛɛ ba he harɛbir nɛra maa lawɛ heyaa le Ijipt harɛ ta la nɛ.

Joel 1:14

Hé yerɛ nɛra bwa ba cheme, bá vɔwɛ nyoa. Hé yerɛ harɛ la nomonome bwa ba Korowii haa dɛ tomɔ Dea, dɛ́ ba wi noo bela.

Hosia 4:1

Korowii ŋɔ o ne Israel tena dɔɔ, dɛ ŋɔ bá no waa waa dɛ bol. O ŋɔ, “He waa ta kasinteŋ dɔe, he ta nyina ɡe dɔe, haa men jemɛ harɛ nɔ ta.

Daneɛl 12:1

Nyundua torome waa do laalapoŋa la ŋɔ, “A ɡɛ saŋ la, nyundua toroma nomoa Maekel waa dɛ daah he nɛra la ɛɛ leo ba. Gɛ saŋ ɛɛ ɛ wahala saŋee, le harɛ nɔ mumpar ba le fini a dɔŋa ta balɛ bwa. Gɛ saŋ la, he harɛ ta nɛra baa chwerɛ ba sɔna do Korowii tɔn bini la, ɛɛ dɔ lɛɛlee.

Jeremia 5:21

‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

Aesaya 34:1

Harɛre nɛra, hé suuh tel dɛ́ no! Hé cheɡ deŋne dɛ́ no! Hé ɡel harɛ ne kwaa bwa aa lɔ o ta no n wa!

Aesaya 7:17

Aesaya ŋɔ, “Saŋ bɛl dɛ ba ásɛ Korowii ɡel wekpeɡa ba he ne he nɛra, ne he koodem nɛra nɛ, dɛ́ ɡwaa ɡɛ saŋ Israel tena ne Juda tena aa peɡri dɔŋa baah la. Korowii ɛɛ kpɔ Asiiria koojen ne o laa tenaa bá yo heya.

Yela 49:1

Nómɛlbwa no waa nɔ, nɛra haa lɔ harɛ nɔ ta bobɛlbwa,

Job Tɔn 21:7

Ɛrɛɛ Korowii ɡel nyubinikpeɡ tena so biɡri, dɛ hwɛɛh dɛɛ dɔ ba te nɔɔ?

Job Tɔn 15:10

Banjeni ne nyumpompoŋa tena lɔ ya bini, banɔ la baa ɡwaa he mɛɛ kwara.

Job Tɔn 12:12

ɡɛɛ ya dɔ wejema dɛɛ le nɛra baa biɡra be.

Wepila 2:7

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, mɛɛ ɡeloo ó di mkpa daa la waa lɔ Korowii Eden bodɛɛɡe la ta nɔna.”