Job Tɔn 8:12 - mzwDBL

¹² Nee la hweehraa, anee tɔ sie dɛɛ hol, kɛ dɛ a ta kpeɡe kɛŋɔ ba kua dɛ́ kpɔ ɛ wobɛlbwa.

Job Tɔn 8:12 Referans Kwoze

Jeremia 17:6

Naate ɛɛ doo kɛŋɔ dajeɡa waa cheɡɛ pua hɛŋle ɡbo harɛ ta. Wobɛlbwa aa werii do tɛo. Harɛ waa hola dɛ peɡri, nomɛlbwa aa wola won so o ta, komɛlbwa ɡe aa wola won kpeɡ o ta la, o taa wɛɛ ba cheɡa.

1 Pita 1:24

Korowii Tɔn bolɔ ŋɔ, “Nɛwɛnyini bwa do kɛ kpɔɡa fee, ba jirima ɡe do kɛ kpɔɡa fee. Kpɔɡa dɛ sewɛ, a fee ɡe ɛɛ lee.

Matiu 13:20

Mea aa lee bwetala ta la ɡe cheɡɔ tɛ nɛra baa no waa nɔ, dɛ ba sie lɛo la.

Job Tɔn 8:11

Bela nee aa lole laanee pul won kpeɡa kɛrɛdɛ, aa won kpeɡ bela nee aa wola toole.

Job Tɔn 8:13

Gɛɛ nɛra baa soh Korowii waa la bwa do, baa vɛh Korowii nomanta, ba ta hwɛɡa dɔe.

Job Tɔn 20:5

nyubinikpeɡ tena silɛɛ aa biɡri, nɛra baa wola Korowii jemɛ dɔ silɛɛ, kɛ aa ɡɛɛ ka.

Aesaya 19:6

Bɔra baa kwia nee palɛ dɛɛ kpɔ a ta bwa ɛɛ sɔɔhnoo, ásɛ nenabɔɔne hweeh. Kpɔɡa aa cheɡɛ nee ta bwa sewɛ.