Job Tɔn 8:10 - mzwDBL

¹⁰ Hé ɡel ya naawa wejema baɡle heyaa wa, dɛ́ nyiŋi waa baa bola bil la ta kɛrɛdɛ.

Job Tɔn 8:10 Referans Kwoze

Sɛɡla 18:15

Wejerema dɔ liire kɛŋɔ baa dɛɛ hweli waa, baa cheɡ deŋnee dɛɛ no wa.

Hibru 12:1

Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa.

Hibru 11:4

Yaradaa Ebel dɔ, asɛ o kwaa waa kpɔa ɛ saraha tɛ Korowii won su siwi, dɛ ɡwaa o dɔɔ Keen kwa, asɛ Korowii lɛa dɛ penao kɛŋɔ o ɛ nɛndɛɛɡe o waa su o siwi. O fe sewɔ, kɛ o yaradae waa yarada Korowii nomanta, waa waa ɛa la chɔɔ ba le fini ba ta ɛɛ bola.

Matiu 12:35

Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa aa lɔ o bambile bini.

Sɛɡla 16:23

Wejeremee lii waa mɔɔ dɛɛ bol, o wobol ɡelɔ nɛra sɛh dɛɛ ba o be.

Yela 145:4

Fini bii ɛɛ baɡle waa haa ɛa baɡle kerekere biirii, baa bol he wejena haa ɛa waa.

Job Tɔn 32:7

N liiro kɛŋɔ, ‘Nomonomee chɛ kɛ ba bol wa, ásɛ nɛra baa biɡra ɡe ɛɛ baɡle nɛra wejema.’

Mmarare 11:19

Hé bol baɡle he bii, hɛ́ɛ bola he dem soɡa ne he vala bini. He chɔe ne ira bini bwa, hɛ́ɛ bol a wa.

Mmarare 6:7

Hé kpɔa baɡle he bii. Hɛ́ɛ dalawe a ta, he dem soɡa bini ne ŋwɛnɛ bɛlbwa haa dɛ kaa, hale he chɔe ne he ira bini bwa.

Job Tɔn 8:9

Ya te aa biɡri, yaa wobɛlbwa jemɛ, ya soɡa bini do kɛŋɔ lileo ken harɛ nɔ ta.

Job Tɔn 8:11

Bela nee aa lole laanee pul won kpeɡa kɛrɛdɛ, aa won kpeɡ bela nee aa wola toole.