Job Tɔn 7:6 - mzwDBL

⁶ N tɔpera teŋo baa kaa warane kɛŋɔ yasɔɔh aa dɛ ta kokorowa la, a dɛ tonɛ kɛ dɛ n ta hwɛɡa dɔe.

Job Tɔn 7:6 Referans Kwoze

Job Tɔn 9:25

N soɡa bini tɔpera dɛ kaa warawara kɛŋɔ nɛn waa dɛ chwa, silɛɛ bɛlbwa ɡe toole a ta.

Job Tɔn 17:15

Dɛ lee n hwɛɡa dɔɔ jaɔ? Waa n sie aa dawɛ a ta la, umee dɛ́ na nɔ?

1 Pita 1:24

Korowii Tɔn bolɔ ŋɔ, “Nɛwɛnyini bwa do kɛ kpɔɡa fee, ba jirima ɡe do kɛ kpɔɡa fee. Kpɔɡa dɛ sewɛ, a fee ɡe ɛɛ lee.

Sɛɡla 14:32

Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.

Yela 144:4

Ba do kɛ nyoa peu, ba tɔpera do kɛ lileo ken, tama dɛ ba nyoɡrɔ.

Job Tɔn 17:11

N soɡa bini tɔpera tonɔ, n waa maa maɡla bil ɡe chɔɡ, n hwɛɡa ɡe tonɛ.

Jems 4:14

kɛ dɛ he ɡe aa jemɛ ɡɛ tɔɔ aa dɛ ba he pera la! Gɛ kɔɔla yon ta, kɛ aa biɡri dɛ yon kaa la, ɡɛɛ he mkpa do.

Jems 1:11

Gɛ wee yon le dɛ́ lɔ, ásɛ kpɔɡa sewɛ dɛ́ chure a fedɛɛɡa la ta, ásɛ a wer tonɛ la, ɡɛ tentenee dɔɔh ɡee ba sewa o kwaa nyina ta, ásɛ o kondɔɔh la bwa ɛ pɛɛpɛɛ.

Ɛfesos 2:12

He fa aa Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la waa jemɛ. He fa ta Juu tena Korowii aa lee ba dɛ ɡel ba ɛ o nɛra la nɛɛ jae. He fa aa nyoo Korowii aa baɡa dɛ kwaa o ne o nɛra fɔo dɔe la waa jemɛ. He fa ta hwɛɡa bɛlbwa dɔe. He fa aa Korowii jemɛ ó won cha heya.

Yela 102:11

N tɔpera dɛ ba warane kɛŋɔ wee yon le harɛ, bɔr ɛɛ bir la, n holɔ kɛŋɔ kpɔɡa ken.

Job Tɔn 16:22

A ka n bene tamaa ken, n kaa bela baa wola laŋɛ dɛɛ ba kpa.”

Job Tɔn 13:15

Hale dɛ Korowii kpo mɛ naa, n ta dɔ hwɛɡa o be dɛ́ chemo, dɛ́ baɡle kɛŋɔ n ta bolchɔɡe dii.

Job Tɔn 6:11

N dɔ bokpeɡa dɛ ta dɛɛ hwɛɡɛ kɛ mɛɛ so lee yaa? Ɛrɛɛ mɛɛ ba le soɡa dɛ n ta hwɛɡa dɔe yɔ?

Jeremia 2:25

Israel tena, he bɛ chwa dɛ́ foɡri he napaala pɛɛpɛɛ, ásɛ he lobi mune hol teŋa haa dɛ teŋɛ voɡare ane nɛɛ la wa. Kɛ he ŋɔ, ‘A ta tɔnɔ dɔe. Ya dɛ nyin harɛre ane voɡa wa, a chɛ kɛ yaa teŋɛ a nɛ.’

1 Pita 1:13

Anomanta, hé ir nyu ne dɛ́ ɡel he sie chɔ harɛ. Hé kpɔ he hwɛɡa bwa do chae Yeesu Kristo aa cha heyaa awola waa ba nɛra bwa nao la ta.

Job Tɔn 14:19

ásɛ nee palɛ dɛ́ kpɔ bwea ta dɛɛ kɛɡra, bwaalajen won teera taɡa dɛ́ kaa, ɡɛɛ he won ɡela nɛwɛnyini hwɛɡa ɛɛ ɛ pɛɛpɛɛ.

Job Tɔn 17:16

Waa maa dɛ hwɛɡɛ a ta la, n ne aa lalabwɛɛ kaa.”

Job Tɔn 19:10

O chɔɡ mɛ kɛŋɔ baa kuuɡi dea ta ken, dɛ ɡel n hwɛɡa bwa tonɛ, kɛ baa huɡri daa ta la ken.

Job Tɔn 17:1

Job berɔ ŋɔ Korowii be ŋɔ, “Maa won hwee kɛrɛdɛ kpa, n seo tɔpere telo tonɛ, lalbɔɔ ɡbosoo kaa dɛ chɔ kpaa mɛ.