Job Tɔn 6:10 - mzwDBL

¹⁰ Belaa mɛɛ ba bolarawa dɔe n sie lɛ, n weweele aa wola tonɛ bwa ta, á baɡle kɛŋɔ n ta Korowii O Wa Aa Do Goroŋ la waa vɛɛh.

Job Tɔn 6:10 Referans Kwoze

Job Tɔn 23:12

N dɛ teŋɛ o Mmarare waa do mɛ ta, n kpoŋe o nyoa wobol bini, dɛ ɡwaa n wenyina.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Lewi Dea Tena 19:2

ó ŋɔ Israel tena la bwa be ŋɔ, “Hé do ɡoroŋ, dɛkalkɛ men Korowii haa dɛ tom mɛ la, n do ɡoroŋ.

Wepila 4:8

Bɛlbwa dɔ kena anumɛl, dɛ dɔ sibie a bwara bobɛlbwa ne a kena lɔɡre ɡba. A lɔ o be chɔɔ ne jwaana dɛɛ kpɛɛro aa wola ɡel bwa, dɛɛ ŋɔ, “Korowii Haa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, he do ɡoroŋ noo, he do ɡoroŋ kɛrɛdɛ.”

Wepila 3:7

Tɔn nɔ dɛ kaa nyundua torome waa cheɡa tɛ asɔre tena baa lɔ Feladɛlfea la be. “Kenii men maa do kaih, dɛ ɛ kasinteŋ te, dɛ dɔ Devid safoa, dɛ o pili komɛl nomɛlbwa aa wola won tɔɔ, dɛ o tɔ komɛl ɡe aa, nomɛlbwa aa wola won pilu la ŋɔ,

Tɔn Pɔɔl Aa Chwerɛ Rom Tena 8:32

Nɛn waa wola yaa o Bie kwaraa vɔmɛ, dɛ koh ya bwa waa kpɔɔ do nɛwɛnyina nɔn ta ba kpoo la, bɔkwaa bala waa wola tea ta dɛ́ tɛ yaa komɛlbwa dɛ ja o Bie la nɛɔ?

We-ɛɛla 20:27

dɛkalkɛŋɔ n ta waa Korowii aa dɛ nyin la wobɛlbwa kpɔe sɔh heya.

We-ɛɛla 20:20

N ta wobɛlbwa kpɔe sɔh heya. Wobɛlbwa aa le tɔnɔ tɛ heyaa la, n ta a ta tɔe. N baɡle nɛra Korowii Waa cheremibɔra, dɛ baɡle o waa he deremi.

Habakuk 3:3

N Naa Korowii, he le Teman harɛ ta ba. He ɛ Korowii Haa Do Goroŋ dɛ le Paran Bwejen ta. He jirima tɔ nyundua, asɛ nɛra bwa ɛɛ kpɛɛre harɛ nɔ ta.

Habakuk 1:12

N Naa Korowii, saŋ la bwa laa he le ɛ Korowii aa? Henee Korowii maa dɛ tomɛ, Korowii haa do ɡoroŋ la. N Naa Korowii, he le Babelɔn tena, dɛ tɛɛ ba kpeɡri ŋɔ bá ba tɛr ya deŋne, kɛ he do kɛ Bwetal dɛ kpɔ nɔn dɛɛ tɔ ya nɛ.

Hosia 11:9

Maa n bandia kohona laanee kpɔ ba tɛr he deŋne, kɛɛ dɛ́ berɛ ba chɔɡ heyaa kpa. Korowiirii men, nɛwɛnyini laa men. N ɡboo Korowii Maa Do Goroŋ dɛ do he baah ta, maa n bandia ne he bee ba.

Yela 119:13

Mɛɛ dɛɛ bol he waa haa kpɔa baɡ mɛ laanee nɛra be.

Yela 37:30

Nɛra ba wa aa toɡra nyoa wejemwaa do, ba nyoa waa aa wera ne kasinteŋ do.

Job Tɔn 22:22

No waa waa dɛ doe a ta, dɛ́ kpɔa do he nyu bini.

Job Tɔn 21:33

nɛnlaa tenten dɛ teŋɛ ba nɛɛ kaa ba huɡribɔr, ásɛ teera tɔ ba nɛ, ba chɔ jeiih ken.

Job Tɔn 9:4

Korowii dɔ wejema, dɛ do kpeɡri taeh! Umee dɛ́ won ɛ deŋnekpeɡ o nɛ, á chiɡu kɛrɛdɛ nɔ?

Job Tɔn 3:22

ba sie aa lɛ kɛrɛdɛ, kɛŋɔ ba fe aa sewa ba huɡ ba.

1 Samoɛl 2:2

Nomɛlbwa toole dɛ do ɡoroŋ kɛ hen Korowii, he habɔɔ nɛn toole, Lɛɛ bɛlbwa toole kɛ hen Korowii haa ɛ Bwetal yaa tomɛ nɔ.

Mmarare 29:20

Korowii aa kpɔ kɛ ɡɛ nɛn la. Anee dɛɛ ba ɡela o baah di naate nɛɛ kohona, ásɛ taahna waa bol a waa tɔn nɔ bini la bwa dawɛ he nɛɛ ka tel kɛŋɔ waa chɔɡo le harɛ nɔ ta kwara.

Job Tɔn 11:4

He dɛ bol ŋɔ he waa ɛ kasinteŋ, he ŋɔ he waa toɡrɔ Korowii sie.

Job Tɔn 15:11

Aa were kɛŋɔ Korowii ɡbabir dɛ larawe he bwara aa, he vɛh. Ya sɔɔh bwara dɛ che o naa ta bol waa he be.

Job Tɔn 23:11

N dɛ teŋɛ ŋwɛnɛ waa dɛ kpɔ o ta kasinteŋ ta, n dɛ teŋɛ o waa ta, maa bɛlbwa ɡel.

Yela 119:50

Bolarawa maa dɔa dɛ le n wenaale bini laanee kɛŋɔ, he nyoa haa baɡ mɛ la ɡelɔ n dɔ mkpa.