Job Tɔn 5:8 - mzwDBL

⁸ Kɛ dɛ menee yaa, n fe ɛɛ soŋe Korowiirii, dɛ́ kpɔ n waa bil o sie.

Job Tɔn 5:8 Referans Kwoze

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Job Tɔn 22:21

Job, kpɔ he te tɛ Korowii, ásɛ he bwara sɔɔhne, he ɛ ɡɛ naa, wobɛlbwa ɛɛ do werii tɛɛ.

Yela 37:5

Hé kpɔ he waa bwa do Korowii nɔn ta, hé kpɔ he te dawɛ o nɛ, ásɛ o cha heya.

1 Pita 4:19

Anomanta, he nɛra aa ɛ Korowii tetoora kɛ he na wahala la, hɛ́ɛ ɛ wedɛɛɡa, dɛ kpɔ he te do Korowii waa ta heyaa la nɔn ta. O waa dɔ kasinteŋ.

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

Job Tɔn 22:27

Hɛɛ wiu noo ásɛ o no he be, hɛɛ baɡɔɔ nyoa dɛ́ won teŋɛ a ta.

1 Pita 2:23

Ba fa aa dɛ chɛɡro chɛɡtɔrɔ la bwa la, o ta nyoa pile chɛɡɛ nomɛlbwa. Ba fa aa dɛ ɛo hɔhɔrɔwa la bwa la, o ta nomɛlbwa aahrɛ. O kpɔ a bwa tɛ Korowii waa dɛ bol nɛra bwa waa dɛɛ pa bole kasinteŋ ne la.

Job Tɔn 8:5

Dɛ he dɛ nyin Korowii bɔr, dɛ́ ɡuŋi dɛɛ soŋe On Waa Ɛ Kpeɡri Bwa Dɔɔ la,

Job Tɔn 13:2

Waa haa jema la, n ɡe jema, he ta men ɡwaalɛ.

Job Tɔn 13:3

N ne Korowii Waa Ɛ Kpeɡri Bwa Dɔɔree dɔa, n ne he laa. N dɛ nyin kɛ n ne Korowii cheme, ásɛ n baɡle kɛ n ta bolchɔɡe dii.

Job Tɔn 11:13

Job, kpɔ he bambile bwa tɛ Korowii, dɛɛ soŋo.

Jeremia 11:20

Ate, Jeremia soŋe ŋɔ, “Koranar Bwa Kooro haa dɛ pa bole aŋwɛnɛ ta dɛɛ nyiŋi ɡɛ nɛn liire ne o bambile aa doa, tɛr ba deŋne, dɛ́ bɔ ba kem, dɛkalkɛ he nɔn taa n kpɔ n waa do.