Job Tɔn 5:12 - mzwDBL

¹² O dɛ chɔɡ nɛra baa dɛ lii kɛŋɔ ba jemɛ waa liire, dɛ ɡel baa won wedɛɛɡa bɛlbwa ɛ.

Job Tɔn 5:12 Referans Kwoze

Yela 21:11

A lole kɛ ba chemo dɛ yon dɛɛ vɔrɔwe kooro vɔrɔwa, baa won ɛ wobɛlbwa dɛ́ pɔ o nɛ.

Aesaya 8:10

He vɔrɔwe vɔrɔwa bɛlbwa kwaraa naa, aa ɛ pɛɛpɛɛ. He bol wobɛlbwa ɡɛ haa dɛ nyin kwaraa noo, aa ɛ wepuu, dɛkalkɛŋɔ Korowii ne ya lole.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Yela 37:17

dɛkalkɛ, Korowii ɛɛ sɔɔh nyubinikpeɡ tena nyoa, dɛ́ kpɔ nɔn tɔ nɛra ba wa aa toɡra nɛ.

We-ɛɛla 12:11

Belaa Pita ta na waa aa ɛo la, dɛ ŋɔ, “Namee n ta jemɛ kɛ N Naa Korowiirii ɡela o nyundua torome nɔ ba lɛɛ mɛ le Kooro Hɛrɔd nɔn ta, dɛ lee mɛ waa Juu tena bwa fe aa dɛ lii kɛ mɛɛ nao la ta.”

Nehemia 4:15

Ya dɔma noɔ kɛŋɔ ya jemɛ vɔrɔwa baa vɔrɔwa la, dɛ berɛ na kɛŋɔ Korowii chɔɡ ba wa. Ate, ya bwa berɛ ba danjwɛɛ toma la ta, bɛlbwa baa ɛ o toma.

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Aesaya 19:3

Ijipt tena hwɛɡa bwa ɛɛ tonɔɔ, ásɛ ba maɡla baa maɡla bil bwa ɛ pɛɛpɛɛ, bá kaa bɔɔ voɡa ne lala ne ba voɡra ne ba bebeela.

Job Tɔn 15:5

He nyoa wobol dɛ baɡle he da, neɡra lɔ he nyoa wobol ta.

Aesaya 44:25

Menee ɡela keame nyosonteŋna waa ɛ nyosone, dɛ ɡel voɡra waa ɛ ɡɛnewa, dɛ won beɡre harɛ nɔ ta wejerema wejema, a ɛ wesale.

Jeremia 8:8

Ɛrɛɛ hɛɛ ba wona ŋɔ he jemɛ wa dɛ jemɛ me Mmarare la ɡeɔ? Nɛra baa dɛ chwerɛ Mmarare la bera, dɛ́ neɡre heya.

Obadia 1:8

Korowii ŋɔ, “Awola tɔpere la, mɛɛ tɛr Edom wejerema deŋnee, nɛra baa dɛ no waa mun dɛ so bwejaŋa dor bwaa mɛɛ ba chɔɡa.

Mumpar 31:22

A tɔpetooro wee laanee ba ŋɔ Laban be ŋɔ Jekɔb chwao.

1 Samoɛl 23:13

Anomanta, Devid ne o laa tena dɛ ɛ nɛra lafraanumɛl le Keila warane dɛ kaa. Kooro Sɔɔl aa noa kɛŋɔ Devid chwao le Keila la, o ta bela laŋɛ kpa.

2 Samoɛl 11:9

Kɛ Uria ta dem kaalɛ, o ne kooro nɛra baa dɛ daahno bwa pɛo chɔ koodem doonyoa bela.

2 Samoɛl 17:14

Belaa Absalɔm ne Israel tena la bwa ŋɔ, “Husai waa ɛ Aaki te waa waa dɛ baɡle la ɡwaa anɔ la Ahetofɛl aa bola la.” Korowii ɡbabirii ɛa kɛŋɔ wedɛɛɡa Ahetofɛl aa bola la, ba bɛ a ta teŋɛ, ásɛ a ba wenaale ne ba ta Absalɔm nɛ.

2 Koranar 6:9

Asɛ Korowii keame Elaesa tomɛ ba ka ŋɔ Israel kooro be ŋɔ, ó nyiŋi kɛrɛdɛ dɛ bɛ ɡel Israel tena la kpɔ bela, dɛkalkɛ Siiria kooro ne o laa tena soɡe bela.

Nehemia 4:9

Anee ya soŋe Korowii yaa dɛ tomɔ, dɛ ɡel nɛra ɛɛ daah toma la webaŋa ne jwaana, dɛ́ tɔ ba ŋwɛnɛ.

Sɛɡla 22:12

Korowii dɛ nyiŋi nomɛlbwa waa dɔ wejema, dɛ taɡɛ nyosonteŋni waa dɛɛ ta.

Jeremia 49:7

Gɛ Koranar Bwa Kooro aa dɛ bol Edom tena wa laanee nɔ. “Wejerema toole Teman waa lɔ Edom harɛ ta kpa aa? Nɛra toole dɛ́ won ja nɛra kpa kɛɛ? Ba wejema bwa ɛ pɛɛpɛɛ aa?