Job Tɔn 42:2 - mzwDBL

² “N Naa Korowii, n jemɔ kɛŋɔ henee dɔ kpeɡri kohona. Nomɛlbwa aa won tɔe ŋwɛnɛ wobɛlbwa ta.

Job Tɔn 42:2 Referans Kwoze

Matiu 19:26

Yeesu ha sie nyiŋ ba dɛ ŋɔ, “Nɛwɛnyini bee a do kpeɡri, kɛ Korowii be te, wobɛlbwa aa kpeɡe.”

Amanesoma Mak Aa Chwera Tɔn 10:27

Belaa Yeesu pa sie nyiŋ ba dɛ ŋɔ, “Nɛwɛnyini bee a do kpeɡri, kɛ Korowii be te, wobɛlbwa aa kpeɡe. Wobɛlbwa pwɛre Korowii be.”

Mumpar 18:14

Bɔkwa waa kpeɡa men Korowii be maa wola won ɛɔ? Anee n faa bol he be la, benanyoa ne chema saŋ nɔ bɔr n berɛ ba he be la, dɛ Saara dɔ bibaa dawɛ o nakpale ta.”

Jeremia 32:17

“Nemenɛ Korowii, henee cheɡɛ he kpeɡri kohona ta dɛ ta nyundua ne harɛ. Wobɛlbwa aa kpeɡe tɛɛ.

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Ɛfesos 1:11

Ya ne Yeesu Kristo aa baa ɛ beŋkpoŋ la waa o le yaa tɛ o te. Korowii o yon dɛɛ cheɡ ɡɛ wobɛlbwa aa dɛ ba ɛɛ asɛ a yon ɛ ɡɛ waa dɛ nyin la, on fela le yaa tɛ o te

Yela 44:21

he fe nao, dɛkalkɛ, he jemɛ ya nyu bini liire aa sɔah bwa.

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Job Tɔn 23:13

Korowii te, ɡɛ waa doa o den do, nomɛlbwa aa won beɡre waa do o nyoa, anɔ la waa dɛ nyinii wɛɛ ɛ.

Aesaya 14:27

Waa Koranar Bwa Kooro aa vɔrɔwa nɔ, umee dɛ́ won bera ɔ? O ir nɔn dɛ́ tɛr nɛra deŋne, umee dɛ won ŋɔ o be ŋɔ o bɛ ɛɔ?

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Aesaya 43:13

Kpelaa, n ɡboo Korowii saŋ bɛlbwa. Nomɛlbwa aa won lɛ o te n nɔn ta. Anɔ la maa ɛ la, nomɛlbwa aa won bera.”

Wejereme 3:14

N jemɔ kɛŋɔ komɛlbwa Korowii aa ɛ la, ɛɛ do lee saŋ bɛlbwa dɛɛ la. Nɛn aa won kpɔ ane ja kɛɛ dɛ́ laa ane kpɔ a ta. Korowiirii ɛa ɡɛ, ásɛ nɛwɛnyina kpɔ duure tɛo.

Yela 139:2

He jemɛ n harɛ soɡa ne n ira dɛ che bwa bini, n ne he baah jaŋne kwaraa naa, he jemɛ n nyu bini liire bwa.

Amanesoma Luk Aa Chwera Tɔn 18:27

Anee Yeesu ŋɔ, “Waa aa kpeɡa tɛ nɛn, waa wola won ɛ la, aa kpeɡe Korowii te be. Wɛɛ wonoo ɛ.”

Amanesoma Mak Aa Chwera Tɔn 14:36

Dɛ berɛ soŋo ja ŋɔ, “N Mɛɛ, wobɛlbwa toole haa wola won ɛ. N poori, bɛ ɡel n na a ɡɛ wahala nɔ, kɛ ɛ he tetoowaa dɛ ɡel n tetoowa.”

Ɛsekeɛl 38:10

Waa men Nemenɛ Korowii aa dɛ bol nomonjen Gɔɡ be laanee nɔ, ‘Awola tɔpere la, liichɔɡa ɛɛ pa munii ba he nyu bini, ásɛ hɛɛ nyin a ŋwɛnɛre.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

Job Tɔn 25:2

“Korowiirii dɔ kpeɡri komɛlbwa ta, a chɛ kɛŋɔ bɛlbwa ɔmɔ, o ɡelɔ deŋnesɔɔhna do o be nyundua bela.

Job Tɔn 42:1

Anee Job chaŋe Korowii ŋɔ,

Yela 135:6

Gɛ waa dɛ nyin laanee wɛɛ ɛ nyundua ne harɛ, mpo ne o vile bwa ta.

Daneɛl 4:32

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.”