Job Tɔn 3:5 - mzwDBL

⁵ Gel biro o bini aa ɔma tɔ ɡɛ tɔpere la ta, kpɔ baama tɔ o ta o waa le, bochaah bɛ o ta ba kpa bwa.

Job Tɔn 3:5 Referans Kwoze

Yela 23:4

Hale n dɛ valɛ biro tenten bini kwaraa naa, maa ɔmɛ, dɛkalkɛ he ja n nɛ, he daŋɡbala haa kpɔa dɛɛ teɡɛ peera laanee dɛɛ tɛ mɛ bosɔɔhna.

Jeremia 13:16

Hé tɛ Korowii haa dɛ tomɔ nɔ jirima mɔɔ o ɡel bɔr bir, ásɛ he bɛ naa lɔ deŋɡarere dor. Hé dɛ nyin kɛ bɔr chaah he nɛ, kɛ wɛɛ berɔ ɡel bɔr chaahna la berɛ biro ta he nɛ, dɛ́ bir kpirkpir ken.

Aesaya 9:2

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.

Job Tɔn 28:3

Nɛra kpɔ kandere jo dɛɛ kaa harɛ bini biro ta, ba kwiu dɛɛ la bojaŋ, dɛɛ nyin bwea ɡɛ kwaa nɔ aa lɔ a ta biro ta bela.

Amanesoma Luk Aa Chwera Tɔn 1:79

ásɛ dɛ chaah ya banɔ la yaa lɔ biro ta dɛɛ ɔmɛ seo la, dɛ́ chaɡle yaa deŋnesɔɔhna ŋwɛnɛ.”

Matiu 4:16

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.”

Jeremia 2:6

Ba ta n waa bɔɔrɛ ŋɔ, ‘Leperaa Korowii dɔɔ? Onee lawɛ yaa le Ijipt harɛ, dɛ kpɔ yaa valɛ pua hɛŋle ɡbo harɛ ta, harɛ komɛlbwa aa wola toole o ta, o dɔ bɔluŋe, biro ne hwel do bela, nomɛlbwa aa o ta kpɔ, á ba ɛ kɛŋɔ nɛra ɛɛ so belaa.’

Job Tɔn 38:17

Nomɛl baɡle bela baa kpɔa dɛɛ jo lalabwɛɛ waa ɛ biro la ta kaa?

Job Tɔn 24:17

Bɔr biraa, o ber ba webaŋa, ɔmewaa aa lɔ biro ta la man ba.

Hibru 12:18

Haa ba Korowii be nɔ, kon haa leɡe be laa he ba, kɛŋɔ Israel tena fa aa ba Sinai Bwejen ta la. A ɡɛ bwejen nɔ fa dɛ lawɛ nii jiɡijiɡi ken. Ba fa aa ba o mun la, bɔr bwa biro kpirikpiri ken, asɛ peu ɛɛ ta vuɡuvuɡu ken.

Emɔs 8:10

Mɛɛ ɡeloo he Tɔpejena dii berɛ lwe, ásɛ he yela ɡoe berɛ wii. Mɛɛ ɡeloo he bwa tɔ lweyale dɛ́ fonɛ he nyuune. Mɛɛ ɡeloo awola do kɛŋɔ nomɛl aa dɛ wi o bibambeŋkpoŋ la, dɛ́ ɛ tɔpechɔɡe ka tonɛ.

Emɔs 5:8

Korowiirii ta Baŋɡaana ne weweela bwa so siwi, dɛ berɛ ɡel bɔr ɛɛ beɡre, dɛ ɡel bɔr bir dɛɛ chaah, bɔr chaah dɛɛ bir. Dɛ ta mpo o ba bɔle harɛ ta. O sɔne Korowii.

Joel 2:2

Bɔr dɛ ba bira a ɡɛ saŋ, ásɛ baama tɔ bobɛlbwa. Tontombɛ ɛɛ wuruu ba tɔ bwejena ta, kɛŋɔ laa tena baa kpeɡa kohona ken. A dɔŋa ta chiɡe bwa, aa chiɡ saŋ bɛlbwa ɡe bwa.

Ɛsekeɛl 34:12

Gɛ peteɡre la peera ne dibɔr, dɛ ane peɡrɔ o yon ɡaaɡe dɛɛ nyin a bɔr la, ɡɛɛ Israel tena fa peɡre kaa harɛre bwa ta awola tɔpechɔɡe bɛl wee. Mɛɛ ɡaaɡe ba bɔree name, dɛ́ berɛ ba ba ne.

Ɛsekeɛl 30:3

Tɔpere la telo tonɛ. Tɔpere Korowii aa bol Ijipt harɛ tena waa la telo tonɛ. Baama ɛɛ tɔɔ awola, ásɛ harɛre bwa chɔɡ.

Jeremia 4:28

Gɛ nomanta, harɛ la ta nɛra ɛɛ wiu ásɛ nyundua bwa bir, dɛkalkɛ menee bola maa nsana le. N dɔɔ kpɔ a liire, maa habɔɔ le.”

Yela 107:14

O laɡ ba le biro tenten ta dɛ chaa jɔɡrɔre baa kpɔa do ba.

Yela 107:10

Dɛ ba bini bane soɡe biro tenten ta, ba do ba jɔɡrɔre dɛ laɡ ba do dea, ba bwara ɛɛ nyɛɡ,

Yela 44:19

kɛ he ɡel yaa tɛ kpɔɡ bini ola, biro tenten tɔ ya nɛ.

Job Tɔn 16:16

N wio n sibie swɛɛ dɛ bwa ɔɡre.

Mmarare 4:11

Hé bol ba be ɡɛ chuu kohona ne baama aa bira kpirkpir ane aa tɔa, ninlao ɛɛ hɔ a bini dɛɛ kaa nyundua, ɡɛ saŋ he fa aa cheɡɛ bwejen la lɔɡa la wa,

Job Tɔn 3:4

Korowii, ɡel tɔpere la te waa ta kwara, bɛ o waa lii kpa bwa, bɛ ɡel wee le o ta.

Job Tɔn 3:6

Le ɡɛ tɔpere jwaana la le, o bɛ benanyoa bɛlbwa ta ba kpa, a ba ɛ kɛ baa lii o waa.

Job Tɔn 34:22

Bɔr bira toole, biro toole bobɛlbwa, dɛ́ tɔ wechɔɡ-ɛɛra nɛ ba kpɔ ba te sɔh Korowii.