Job Tɔn 24:5 - mzwDBL

⁵ Gɛ keeɡore yon do pua hɛŋle ɡbo harɛ ta dɛɛ ɡaaɡe kondikwaa la, ɡɛɛ nyaara la ɡe do, ɡɛ tentenee ba ɡaaɡe nyin kondikwaa dɛɛ tɛ ba bii.

Job Tɔn 24:5 Referans Kwoze

Yela 104:23

mɔɔ nɛra le kaa ɛ ba tomare ka tel jɔmɔra.

We-ɛɛla 23:12

Tɔ aa pera la, Juu tena la bane chemo dɛ vɔrɔwe waane. Ba ŋwɛɛ ntam ŋɔ dɛ ba ta Pɔɔl kpoe yaa, ba bɛlbwa bɛ kwaa di, o bɛ nee nyɔ. Ba ŋɔ nomɛlbwa waa to ntam la, Kórowii kpoo.

Amanesoma Jɔn Aa Chwera Tɔn 18:28

Tomun aa dɛ kpɔ la, Juu tena nomonome la kpɔ Yeesu la Kaefas be, dɛ ba o ne Rom nomoa waa dɛ nyiŋi ba harɛ ta la be koodem. Dɛ Galekaa Tɔpejen dii telo, anomanta, Juu tena nomonome la te ta dem bela joɛ, dɛkalkɛ dɛ ba jo bela aa, baa kah doŋaa baa wola won di Galekaa kondikwaa la.

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.

Maeka 2:1

Nɛra baa dɛ vɔrɔwe wechɔɡa, dɛ chɔ ba chɔɔbɔra dɛɛ vɔrɔwe wedoŋa la, bá bwɛɛlɛ. Tɔɔ perɔ chɔɔ aa, dɛ ba ɛ ba wechɔɡa la, dɛkalkɛ kpeɡri baa dɔa nomanta, bɛlbwa aa won tɔ ba ŋwɛnɛ.

Hosia 8:9

Ba joɔ kaa Asiiria harɛ ta, kɛŋɔ keeɡo kpaŋi waa pere o te dɛɛ ɡaaɡe ken, dɛ yoɡ ba te tɛ Asiiria ne harɛre tena bane bá cha ba.

Hosia 7:6

Ba we-ɛɛla do kɛŋɔ fononoo bini nii ken, sɔeh ba sɔh dɛɛ vɔrɔwe kooro vɔrɔwa. Ba bandia lɔ ba bini jwaana bwa, tɔɔ perɔ aa, dɛ a ɡwaalɔ, dɛ́ do kɛŋɔ ninlao ken.

Jeremia 2:24

He berɔ do kɛŋɔ keeɡo waa kpaŋa, dɛ man pua hɛŋle ɡbo harɛ ta. O ba dɛ chwa dɛɛ nyin jweeraa, umee dɛ́ won sɔɔh o sie ɔ? Ambala bɛ a te koh dɛ́ chwa dɛɛ tiu, o jweera saŋ telaa, aa nao.

Sɛɡla 4:16

Gɛ nɛra la aa won chɔ, dɛ ba ta wechɔɡa ɛɛ, baa won haŋre, dɛ ba ta wechɔɡa dii.

Job Tɔn 24:14

Bɔr joɔ waa, dɛ nɛn waa dɛ kpoo nɛra iro, dɛ́ kaa kpoo nɛŋɡwɛɡra ne nyaara, jwaana dɛɛ bɛɛ kɛŋɔ ŋwɛɛ.

Job Tɔn 12:6

Kɛ ŋwɛɛra ne nɛra baa wola Korowii tomɛ soɡe deŋnesɔɔhna ta, kwaa baa dɛ tomɛ la taa ba kpeɡri do.

Job Tɔn 5:5

Nɛn lɔr aa dɛ kpoo dɛ́ di ɡɛne kondikwaa waa dua, hale anɔ la aa lɔ sɔɔhne baah, asɛ nɛn waa dɛ nyin kafo siwi ɛɛ beɡre ɡɛ ɡɛne la kondɔɔh.

Mumpar 27:40

Yoi ɡboo hɛɛ ba dɛɛ yoi mɔɔ dɛ́ dɔ kwaa di, dɛɛ tomɛ he nime. Kɛ he baa tomɔ la sie tama naa, hɛɛ yoo, dɛ́ berɛ won lɛ he te.”

Mumpar 16:12

Kɛ he bibaa la ɛɛ do kɛŋɔ keeɡo kpaŋii o soɡa bini, ásɛ o ne nomɛlbwa aa somee do. Mɛɛ korɛ o soŋnibɔree dɛ́ le o lolanar bini.”

Job Tɔn 24:6

Kooni aa wola ba kwaa ɛɛ taa baa kuuh kondikwa, dɛ́ ka kuuh daa nɔna nyubinikpeɡ tena kooni ta.