Job Tɔn 24:1 - mzwDBL

¹ Job berɔ ŋɔ, “Ɛrɛɛ Korowii Waa Ɛ Kpeɡri Bwa Dɔɔ aa wola tɔpere bɛl leɛ cheɡ, dɛ́ bol nɛra waa dɛ́ pa bole ɔ? Nɛra baa dɛ tomɔ la bɛ on na kɛ o dɛ bol wechɔɡ-ɛɛra la wa.

Job Tɔn 24:1 Referans Kwoze

We-ɛɛla 1:7

Belaa Yeesu ŋɔ, “N Mɛɛ nɔn taa wobɛlbwa ne a tɔpere bwa do. He ta kpeɡri dɔe kɛŋɔ he jemɛ tɔpere la waane aa dɛ ba chiɡa.

Wejereme 3:17

N lii n nyu bini ŋɔ, “Korowii ɛɛ ba bol nɛra ba wa aa toɡra, ne nyubinikpeɡ tena bwa waa dɛ́ pa ba bole, dɛkalkɛ wobɛlbwa ɛɛ dɔ o saŋee, we-ɛɛla bɛlbwa ɡe dɔ o tɔpere.”

Matiu 24:38

Gɛ saŋ nee la aa wola sui dɛ chɔɡ harɛ mɔɔ la, dɛ nɛra dɛ di kwaa dɛɛ lɛ ba sie, dɛɛ mo haahna, dɛɛ yalɛ jaranar. Ba lɔ ɡɛ waa nɔ ta dɛɛ ɛ dɛ ka tel ɡɛ saŋ Nowa aa jo daka la bini ɡel ba.

1 Timoti 6:15

Dɛ o tɔpere baa telaa, Korowii ɛɛ ɡeloo ó berɛ ba. Korowiirii chɛ kpɛɛra. O ɡboo ɛ komɛlbwa nyu. Koranar Bwa Kooroo on, asɛ dɔɔranar bwa ɡe Dɔɔree on.

1 Timoti 4:1

Korowii Domadɛɛɡe la pili waa nɔ bini chasee ken baɡle heyaa ŋɔ, kerekere la nɛra bane ɛɛ vɛh Yeesu waa nɔɔ dɛ́ kaa yarada koŋkwaa aa dɛ neɡ ba, ásɛ dɛɛ no a be.

Tɔn Pɔɔl Aa Chwerɛ Rom Tena 2:5

He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.

We-ɛɛla 17:26

Nɛmbeŋkpoŋii o ta, asɛ a ɡɛ nɛn la lolɛ harɛ bɛlbwa nɛra, asɛ ba ya perɛ harɛ bwa. Waa ta nɛwɛnyini la, o do bɛlbwa tɔpera ne ya dobɔra.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

Jeremia 46:10

Awola tɔpere la ɛ Korowii, Koranar Bwa Kooro Tɔpere, tɔpere waa dɛ ba o dɔma kem bɔe. O tokobii nee wɛɛ ba ba kpoora, dɛ́ nyɔ ba chal sɔɔh nyɔɡre waa dɛ kpoo nyoa. Korowii, Koranar Bwa Kooro ɛɛ kpoo o dɔmaa awola tɔpere, Yufretis Moo nyoa, weekaŋle nyunduabɔr.

Aesaya 60:22

Banɔ la baa wola kanɛ la, baa warɔ dɛ do kpeɡri kɛŋɔ harɛjen nɛra. Mɛɛ ɛa waranee saŋ waa wera ta. Menee Korowii.”

Aesaya 2:12

Nemenɛ Korowii le tɔpere bɛl cheɡ, dɛ tɛ nɛra baa dɛ ɛ mbarafo ne sɔnnyin, ne nɛra baa dɛ ɡɔɔ ba te, dɛ́ ba ba ne harɛ.

Yela 36:10

Teŋɛ dɛɛ nyin nɛra baa dɛ teŋɛ he waa ta, dɛ́ɛ ɛ nɛra ba wa aa toɡra andɛɛɡa.

Yela 9:10

N Naa Korowii, nɛra baa jemɛ kɛrɛdɛ bwa ɛɛ yaradae, haa banɔ la baa dɛ nyin he bɔr la vɛh.

Mumpar 18:17

Anee Korowii ŋɔ, “Amɔ ń kpɔ waa maa dɛ ba ɛɛ nɔ sɔh Abraham kɛɛ?

Mumpar 7:4

Le fini dɛɛ kaa o yawanyoa, n dɛ ba ɡela bwaala nɛ kohona, waa ɡel bwa tɔpera fifraanaarɛ, dɛ́ chɔɡ komɛlbwa maa tao.”

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

1 Tesalonika 5:1

Yabala, a ta chɛ kɛŋɔ ń chwerɛ dɛ́ baɡle heyaa tɔpere la waa nɔ aa dɛ ba chiɡa,

Yela 31:15

Saŋ bɛlbwa, n lɔ he nɔn ta, lɛɛ mɛ le n dɔma, ne nɛra baa dɛ nyin bá chɔɡ mɛ nɔn ta.

Job Tɔn 15:20

Nyubinikpeɡ tena baa dɛ fiiɡi ba bala, bwara ɛɛ nyɛɡ baa ba soɡa bini bwaa.

Obadia 1:15

Tɔpere men Korowii aa kpɔ bol harɛre ta nɛra bwa waa dɛ́ pa bole la telo tonɛ. Gɛ haa ɛa nɔɔ mɛɛ ba kpɔa ɛ he Edom tena ɡe, he we-ɛɛla bwa ɛɛ ɡure he nyu taa.

Sefania 1:7

Bɛ́lbwa hel men Nemenɛ Korowii sie. Tɔpere maa lea cheɡ dɛ́ bol n nɛra waa dɛ́ pa bole la telo tonɛ. N dɛ ba n nɛra Juda tena kpoora ɛ saraha, dɛ́ le ba dɔma bá ba yoo ba dɛ́ pa ba laala.