Job Tɔn 23:7 - mzwDBL

⁷ N waa toɡra nomanta, awola mɛɛ kpɔ n waa bil o sie, ó pa mɛ bole dɛ́ lee mɛ ta kwaraa.

Job Tɔn 23:7 Referans Kwoze

Tɔn Pɔɔl Aa Chwerɛ Rom Tena 8:1

Taraken nɔ nɛra ba ne Yeesu Kristo aa pɛa la te aa bolchɔɡe dii ba ba tɛr ba deŋne.

Job Tɔn 13:3

N ne Korowii Waa Ɛ Kpeɡri Bwa Dɔɔree dɔa, n ne he laa. N dɛ nyin kɛ n ne Korowii cheme, ásɛ n baɡle kɛ n ta bolchɔɡe dii.

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Jeremia 3:5

he baah ɛɛ teŋɔ di ya nɛɛ ɡɛ naa?’ Gɛɛ he yon dɛɛ bol, kɛ dɛ ɡarɛ kaa ɛ wechɔɡa bɛlbwa haa dɛ nyin.”

Aesaya 1:18

Men Korowii ŋɔ he be ŋɔ, Hé ba ya pɛ kpɔ liire. Dɛ he wechɔɡa kan dɛ chɔɡ heyaa kɛŋɔ kombiŋere yon chɔɡ kompoŋ la aa, mɛɛ ɡeloo he to kpelkpel kɛŋɔ yabi ken. Hale dɛ a biro kpirkpir kɛŋɔ sibire kwaraa naa, mɛɛ ɡeloo he to kɛŋɔ pepoŋ pona ken.

Job Tɔn 9:15

Dɛ n waa fe toɡrɔ kwaraa naa, n fe aa won chaŋo, waa maa ɛ bwaa kɛ ń fe soŋe Korowii waa dɛ di n waa la ó sune n nɛ.

Job Tɔn 13:16

Anee dɛ́ ɡel n dɔ lɛɛ, dɛkalkɛ wechɔɡ-ɛɛ bɛlbwa aa won ba o sie.

Job Tɔn 23:10

Kɛ o jemɛ ŋwɛnɛ maa dɛ kpɔ o ta, o daah mɛɛ na naa, mɛɛ do werii, kɛŋɔ suuɡaswɛm baa doo nii ta.