Job Tɔn 2:8 - mzwDBL

⁸ Asɛ Job ka so tɔɔ ta a baɡle kɛ o loo kuu, dɛ kpɔ kaŋli dɛɛ paa ŋwɛra la.

Job Tɔn 2:8 Referans Kwoze

Job Tɔn 42:6

Anomanta, sihiih kpo mɛ n charɛ n liire dɛ so bomboɡ ne tɔɔ ta, á baɡle kɛŋɔ n bambile chɔɡɔ.”

Jona 3:6

Hale bwɛɛ la kooro aa no o bwɛɛ la chɔɡa waa la, o fuɡro ir o kookara ta, dɛ wur o yal waa tɔɔ la ta, dɛ kpɔ lweyal tɔ dɛ ka so tɔɔ ta.

Ɛsekeɛl 27:30

Baa dooɡe lɔŋɔree dɛ́ wi kohona tɛɛ, dɛ́ kpɔ teera do ba nyuune ta dɛɛ ɡbili tɔɔ ta.

Matiu 11:21

“Korasen tena, hé bwɛɛlɛ. Hɛɛ na waa taeh! Bɛtsaeda tena, hé ɡe bwɛɛlɛ. He ɡee na waa taeh! Nyokpowaa nɔ maa ɛa he bini nɔ, dɛ Taaya ne Sidonee n fee ɛa nɔ naa, ba fe charɛ ba liire le ba wechɔɡa ta biɡri, dɛ tɔ lweyale dɛ kpɔ tɔɔ fɔɡɛ ba bwara bwa.

Jeremia 6:26

Korowii berɔ bol waa o nɛra be ŋɔ, “Hé kpɔ lweyale tɔ dɛɛ ɡbili tɔɔ ta, dɛɛ wi lokua ne kɛŋɔ haa wi he bibambeŋkpoŋ waa sewa ken. Dɛkalkɛ nɛn waa dɛ́ ba ba chɔɡ heyaa la ɛɛ piɡri heyaa.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Yela 38:7

N nyaŋ dɛ nyaa mɛ, dɛɛ wee mɛ, n bokpeɡa tonɛ.

Yela 38:5

N wechɔɡa aa ɡela n ɡɛn nomanta, n ŋwɛra pɔɔh, dɛ do sɔɔh.

2 Samoɛl 13:19

Taama ɛ tɔɔ do o nyu ta dɛ kɛɛ o batakaarejaŋ ondɛɛɡe la. Dɛ kpɔ nɔɔra dawɛ nyu dɛ wi kohona dɛɛ kaa.

Job Tɔn 2:9

Job haah ŋɔ o be ŋɔ, “He ta lɔ toɡra he wa aa toɡra la ta naa? Taah Korowii dɛ́ sewɛ!”

Ɛsta 4:1

Mɔdekae aa na waa baa ɛa la, o kɛɛ o laala dɛ kpɔ lweyal tɔ, dɛ ɛ tɔɔ do o nyu ta, a baɡle kɛŋɔ o tea bini chɔɡɔ. O valɛ bwɛjen Susa fɔɡbaahna dɛ dooɡe lɔŋɔre dɛɛ wi kohona.

Ɛsta 4:3

Harɛre la bɛlbwa ta kooro mmara la aa tela la, Juu tena baa lɔ bela la tea bini chɔɡɔ baa dooɡe lɔŋɔre dɛɛ wi kohona. Ba vɔwɛ nyoa dɛ kpɔ lweyale tɔ, dɛ ɛ tɔɔ merɛ harɛ dɛ chɔ a ta. A baɡle kɛ ba lɔ sibeɡra ta.