Job Tɔn 2:7 - mzwDBL

⁷ Anomanta, Bɔnsam le Korowii be bela dɛ ka kpɔ ŋwɛrchɔɡa ta Job nɛ, le o nyu ta ba ta o napaala ta.

Job Tɔn 2:7 Referans Kwoze

Mmarare 28:35

Korowii ɛɛ ɡeloo ŋwɛra aa dɛ we haa wola won chaah chole he nɛ, ɔɡra ɔɡre le he nyu ta ba ta he napaala ta.”

Aesaya 1:6

Le he nyu ta ba ta harɛ, he bobɛlbwa toole dɛ do kpeɡri. Ŋwɛra ne bela aa darawa ne chale ɡboo he bwa. Ba ta an jaɡrɛ, á ba ɛ kɛŋɔ baa do tɛɛɡa a taa dɛ́ vɔwa.

Job Tɔn 30:30

N bwadabii sie biro dɛɛ sɔle, n bwara bwa wɔrɔbɔ kɛŋɔ kabul aa laɡ mɛ ken.

Mmarare 28:27

Korowii ɛɛ ɡeloo ɔɡra ne ŋwɛra aa ba Ijipt tena nɛɛ la dɔŋa chole he nɛ, haa wola won chah.

Wepila 16:11

dɛɛ chɛɡre Korowii waa lɔ nyundua ba bonyɛɡa ne ŋwɛra aa lɔ ba nɛɛ la wa. Ba ta liire charɛ dɛ le ba tonchɔɡa ta.

Aesaya 3:17

Anomanta, Korowii ɛɛ ɡeloo Saayɔn haahna nyubaahna chuɡri ŋwɛra, ásɛ ba nyuune ɡba.

Job Tɔn 7:5

Dudule ne ŋwɛra su n bwadabii bwa, nee ɛɛ le n ŋwɛra ta.

1 Koranar 22:22

Asɛ Korowii chaŋe ŋɔ, ‘Ŋwɛnɛ besoo taa hɛɛ ba kpɔe neɡro wɔ?’ Asɛ doma la ŋɔ, ‘Mɛɛ ɡeloo Korowii keamere baa dɛ tomɛ Kooro Ahab neɡro.’ Asɛ Korowii ŋɔ, ‘Kaa dɛ́ ka ɛ ɡɛ.’ ”

2 Samoɛl 14:25

Dɛ Israel harɛ ta bwa nomɛlbwa toole dɛ dɔ sɔn o wedɛɛɡa ɛɛ wa kɛŋɔ Absalɔm. O ta kirihiah bɛlbwa dii, le nyundua ba ta harɛ.

Job Tɔn 2:6

Belaa Korowii ŋɔ Bɔnsam be ŋɔ, “A wer ɡa, n kpɔɔ do he nɔn ta, kɛ na kɛ haa on kpo.”

Job Tɔn 13:28

Gɛɛ a do, nɛn do kɛ daa waa pɔah, kɛŋɔ yal chao aa dɛ diu ken.”

Job Tɔn 1:11

Laa nɔn kpɔ komɛlbwa waa dɔa ta dɛ́ na, wɛɛ taahnee he na.”