Job Tɔn 2:4 - mzwDBL

⁴ Bɔnsam chaŋe Korowii ŋɔ, “Nɛn dɛ nyin o nyu aa, wɛɛ won kpɔ kwaa waa dɔa bwa charɛ.

Job Tɔn 2:4 Referans Kwoze

Matiu 16:26

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ? Bɔkwaa nɛwɛnyini ɛɛ ba wona kpɔ dɛ́ charɛ o nyu ɔ?

Matiu 6:25

Anomanta, n dɛ ŋɔ he be ŋɔ, he bɛ ɡel he sie beɡre he soɡa bini kwaa haa di ne nee haa nyɔ, ne yale haa tɔ ne laala haa do wa. Haa jemɛ kɛ mkpa ɡwaa kondikwa, asɛ bwadabii ɡe ɡwaa yal aa?

Jeremia 41:8

Ba bini fi soŋe Ismael ŋɔ, “Bɛ yaa kpoo! Ya dɔ mea ne ɔleve no dɛ tooh a sɔh kpɔɡ bini.” Anomanta, o ɡel ba.

Job Tɔn 2:3

Ate, Korowii ŋɔ o be ŋɔ, “Ɛrɛɛ he na n bonɔɔ Job waɔ? Nomɛlbwa toole o waa toɡre kɛ on harɛ nɔ ta, wechɔɡe bɛlbwa toole o nɛ, o dɛ tom mɛ, dɛ laa o te dɛɛ kpɔ wechɔɡa ta. He ba n be ŋɔ n tɛɛ ŋwɛnɛ he ka chɔɡo, dɛ o ta waane ɛɛ, kɛ ane a bwa, o waa ta toɡrɔ.”

Job Tɔn 2:5

Lɔɔ bil weela ta dɛ́ na, dɛ waa hen taah he na naa.”

Mumpar 47:17

Anomanta, ba kaa lawɛ ba kondɛɛra ba tɛ Josef dɛ kpɔ charɛ kondikwa. Jaɡre ne peera ne boohna ne nae, dɛ keeɡore bwa nee ba ba charɛ kondikwa a ɛ kooro la kwa.

Mumpar 47:19

Bɛ ɡel ya serewe! Bɛ ɡel ya harɛ chɔ pɛɛ. Yawɛ ya ne ya harɛre, dɛ́ tɛ yaa kondikwa. Yaa ɛ kooro bonɔɔnaa, ásɛ o kpɔ ya harɛre ɡe ja. Tɛ yaa kondikwaa ya ka di dɛ́ dɔ mkpa, dɛ́ tɛ yaa kondwee yá kpɔ ka du ya harɛ ta, ásɛ dɛ bɛ serewe.”

Josua 9:24

Asɛ Gebeɔn tena la ŋɔ Josua be ŋɔ, “Nomoa, yan yaa ɛ he bonɔɔna, ya noɔ kɛŋɔ Korowii aa do o bonɔɔ Mosis ŋɔ ó kpɔ harɛ nɔ bwa tɛ he Israel tena, ásɛ dɛ kpoo nɛra baa soɡe o ta bwa le he sie nomanta, ɔmee lawɛ yaa ɡɛ yaa ɛ dɛ́ dɔ ya nyu, a waa ya ɛ ɡɛ la.

1 Koranar 20:31

Kooro Bɛn Hadad nomonome la o be dɛ ka ŋɔ, “Ya noɔ kɛŋɔ Israel koranar dɛ na nɛra sum. Gel ya kpɔ lweyale mile chara, dɛ kpɔ ɡboɡbie vɔwɛ nyuune, dɛ la kooro la be, o ken ɛɛ lɛɛ, dɛ bɛ hen kpo.”

Sɛɡla 13:8

Dɔɔhnee ba lawɛ dɛɛ lɛ suuɡa, kɛ nyaa te, ba waane laa o wa.

Amanesoma Luk Aa Chwera Tɔn 12:23

He mkpa ɡwaa kondikwa, he bwadabii ɡe ɡwaa yal.