Job Tɔn 2:11 - mzwDBL

¹¹ Dɛ Job dɔ daamanar batoro bane. Bɛlee Teman te Elifas, ne Bildad waa le Su harɛ ta, dɛ Sofar o ɡe aa le Naama harɛ ta. Ba no wahala waa dɛ na la, dɛ ka cheme, dɛ bwa sɛh kɛŋɔ baa lao, dɛ́ ka bwɛɛlo.

Job Tɔn 2:11 Referans Kwoze

Tɔn Pɔɔl Aa Chwerɛ Rom Tena 12:15

Nɛra lɔ silɛɛ bini naa, hé puu ba he ne ba lɛ sie. Ba dɛ wi ɡe aa, hé ne ba wi.

Job Tɔn 42:11

O dɔɔranar ne nimanar ne nimambii, dɛ nɛra ba fa aa jemɔ bwa ba o dem, ba ne o di kwaa dɛ lɛ ba sie. Ba bwɛɛlo dɛ larawe o bwara wenaale Korowii aa ɡela o na la wa, asɛ bɛlbwa tɛo suuɡa ne suuɡaswɛm noniseɡ.

Jeremia 49:7

Gɛ Koranar Bwa Kooro aa dɛ bol Edom tena wa laanee nɔ. “Wejerema toole Teman waa lɔ Edom harɛ ta kpa aa? Nɛra toole dɛ́ won ja nɛra kpa kɛɛ? Ba wejema bwa ɛ pɛɛpɛɛ aa?

Sɛɡla 17:17

Darame dɛ baɡle nyina saŋ bɛlbwa, asɛ lolanar ɡe do le tɛ dɔŋa chae waa ta.

Job Tɔn 6:14

Dɛ waa pu nɛn aa, a chɛ kɛ o daamanar ɛɛ chao, hale dɛ o vɛh Korowii Waa Ɛ Kpeɡri Bwa Dɔɔ ɔma kwaraa noo.

1 Kɔrent 12:26

Dɛ bwadabii bobɛl dɔ weela aa, dɛ bwadabii bwaa weela lawɛ la. Dɛ ba kpɛɛ bwadabii bobɛl aa, a dɛ do bwadabii la bwa som.

Mumpar 25:2

O ne on lolɛ Simran ne Joksan ne Medan ne Midian ne Esbak dɛ Suwa.

Amanesoma Jɔn Aa Chwera Tɔn 11:19

Asɛ Juu tena warɛ dɛ ba Maata ne Mɛɛre be dɛ baa bwɛɛ ba ba nimambie la seo wa.

Job Tɔn 19:21

N daamanar, hé dɔ tedoma tɛ mɛ, Korowiirii lɔ mɛ bil.

Job Tɔn 16:2

“N no waa nɔ dɔŋa bwa ka, he berɔ dɛɛ chwee n ŋwɛr kwara.

Job Tɔn 6:19

Nɛra soɡe nyoɡmare ta le Seeba ne Tema dɛ valɛ dɛɛ ɡaaɡe dɛɛ nyin ne.

1 Webena 1:32

Abraham berɔ kpɔ sɛno baa yerɔ Ketura. O ne on lolɛ Simran ne Joksan ne Medan ne Midian ne Esbak dɛ Suwa. Joksan ɡe bibaalaa, Seeba ne Dedan.

Mumpar 37:35

Asɛ o bii ne o lolanar bwa ba dɛ ba larawe o bwara. Kɛ o ta larawa la noɛ dɛ ŋɔ, “N wii nɔɔ dɛ́ kpɔ mɛ kaa n bie be lalabwɛ.” Anomanta, o wi o bie la kɛrɛdɛ.

Mumpar 36:15

Gɛ nɛra nɔ aa teŋa nɔ ɛ koranar Esɔ naanar bini. Esɔ biloɡle Elifas bibaala waa lol ba laanee, Teman ne Omar ne Sefo dɛ Kenas,

Mumpar 36:11

Elifas bibaala waa lol ba laanee, Teman ne Omar ne Sefo ne Gatam dɛ Kenas.

Hibru 13:3

Hɛ́ɛ lii nɛra baa do ba dea waa kɛŋɔ he ne banee ba do dea ken. Hɛ́ɛ lii nɛra baa dɛ ɛɛ ba hɔhɔrɔwa ɡe waa kɛŋɔ he ɡe aa dɛ na weweele la bɛl ken.

Aesaya 51:19

Wekpeɡa anɛ nɔɔ pu heya, umee dɛ́ won larawe heyaa bwara ɔ? Laa yoi ɡelɔ he harɛ chɔɡ, lɔr chole he nɛra nɛ. Nomɛlbwa toole dɛ́ bwɛɛ heya.

Sɛɡla 27:10

Bɛ he chamenate kɛɛ he mɛɛ chamenate chwa. He dam waa bɛne la ɡwaa lole waa lɔ bojaŋ, anomanta, dɛ waane pui naa, haa won la he lole be ŋɔ ó chae.

Sɛɡla 18:24

Chamene tena kpɔe kohona dɛ chɔɡe, kɛ damsom bɛl ɡwaa lole.

Job Tɔn 42:7

Korowii aa bol ɡɛ waa nɔ baɡle Job tonɛ la, o ŋɔ Elifas, Teman te la be ŋɔ, “N baah di he ne he daamanar banɛ la nɛ, dɛkalkɛ he ta n bwara wedɛɛɡe bolɛ kɛ n bonɔɔ Job.

Job Tɔn 19:19

N daamanar tenten kii mɛ, nɛra maa dɛ nyin ba berɛ habɔɔ kpo mɛ.

Job Tɔn 18:1

Anee Bildad, Su te la chaŋe Job ŋɔ,

Job Tɔn 16:20

N daamanar dɛ mam mɛ, n dɛ wi siniire ŋɔ Korowii cha mɛ.

Job Tɔn 15:1

Belaa Elifas, Teman te la chaŋe ŋɔ,

Job Tɔn 13:4

Hé kpɔ nyosone tɔ kasinteŋ ta, hé do kɛŋɔ tɛɛɡa te waa wola won chah weela!

Job Tɔn 8:1

Bildad waa le Su la chaŋe Job ŋɔ,

1 Webena 1:45

Kooro Jobab ɡe aa baa sewɛ la, Husam waa le Teman harɛ taa baa di kora.

1 Webena 7:22

Ba mɛɛ Efrem ɛ ba lwe biɡri, asɛ o lolanar ba larawe o bwara.

Job Tɔn 42:9

Asɛ Elifas ne Bildad, dɛ Sofar ɛ ɡɛ Korowii aa ŋɔ ba be la, asɛ Korowii no Job wesoŋa la.

Obadia 1:9

Bwɛjen Teman laa tena bwa ɛɛ ɔmɔɔ kohona. Baa kpoo ba bwaa Edom harɛ la taa.

Mumpar 36:34

Kooro Jobab ɡe aa baa sewɛ la, Husam waa le Teman harɛ taa baa di kora.

Josua 15:41

ne Gɛdɛrɔt ne Bɛt Daɡɔn ne Naama dɛ Makeda. A lɔ bwɛjena fi dɛ anumɛl, a ne a bwɛjeɡre bwa.

Job Tɔn 4:1

Belaa Teman te Elifas ŋɔ Job be ŋɔ,

Job Tɔn 11:1

Job bol waa tonɛ, asɛ o dam Sofar waa ɛ Naama te ɡe ŋɔ,