Job Tɔn 19:7 - mzwDBL

⁷ N wio dɛɛ nyin nomɛl ó ba lɛɛ mɛ le n wenaale nɔ ta, n do lɔŋɔ, kɛ kasinteŋ te bɛlbwa toole dɛ́ chaŋ mɛ.

Job Tɔn 19:7 Referans Kwoze

Wiile 3:8

Hale n kpɔ takpeɡ yerɛ dɛ soŋe Korowii ŋɔ ó cha mɛ kwaraa naa, waa n be no.

Job Tɔn 40:8

Hɛɛ ŋɔɔ he waa wer, dɛ́ chɔɡ mɛ ŋɔ n te waa aa were kɛɛ?

Job Tɔn 34:5

Job te ŋɔ, ‘N ta bolchɔɡe dii, kɛ Korowiirii vɔm mɛ bole pae.

Job Tɔn 30:20

N Naa Korowii, n wio dɛɛ yerɛ kɛ haa men chaŋe, n iro che, kɛ he sie pa n nɛɛ pɛɛpɛɛ.

Job Tɔn 21:27

N jemɛ waa bwa aa lɔ hé liire bini, ne liichɔɡa haa liira dɛɛ tɛ mɛ bwa wa.

Jeremia 20:8

N dɛ ba waa bola aa, lɔŋɔree mɛɛ do, dɛɛ bol yoi ne kwaa chɔɡa wa. Waa Korowii waa la aa kpɔa tɛ mɛ laanee, chɛɡa ne bammuɡla tɔpebir bwa.

Yela 22:2

N Naa Korowii, n wio dɛɛ noe chɔɔ haa men chaŋe, dɛ wi dɛɛ noe jwaana, kɛ n bwara aa men sɔɔh.

Job Tɔn 16:21

N dɛ nyin nomɛl ó che n naa ta soŋe Korowii tɛ mɛ, ɡɛ dam yon soŋe dɛɛ tɛ o dɔŋ la.

Job Tɔn 10:3

A wer he be kɛŋɔ he fiɡ mɛ, dɛ́ vɛh kon he ɡbabir aa tao wa aa? Hɛɛ sɛh waa wechɔɡ-ɛɛra aa dɛ vɔrɔwe taa yaa?

Job Tɔn 9:32

O ta nɛn ɛɛ ásɛ n ŋɔ mɛɛ chaŋoo, kɛɛ dɛ́ ŋɔ n ne wɛɛ ka che kɔɔtoo.

Job Tɔn 9:24

Harɛ bɛl baa do nɛnchɔɡa nɔn ta naa, Korowii dɛ damɛ nɛra baa dɛ di ba waa liire. Dɛ o laa aa, umee dɛ́ won ɛ ɡɛ nɔ?

Job Tɔn 30:24

Kpelaa, nɛn waa lɔ wahala ta, dɛ wi dɛɛ nyin nɛn ó chao la, baa on lɔ.

Job Tɔn 30:28

N lɔ tebinichɔɡ ta saŋ bɛlbwa, maa wɛre bwa, n iro dɛɛ che nɛra baah ta, dɛɛ soŋe kɛ ba cha mɛ.

Yela 22:3

N jemɔ kɛ he ɛ Korowii Waa Do Goroŋ dɛɛ di kora, henee Israel tena ɛɛ kpɛɛ.