Job Tɔn 17:1 - mzwDBL

¹ Job berɔ ŋɔ Korowii be ŋɔ, “Maa won hwee kɛrɛdɛ kpa, n seo tɔpere telo tonɛ, lalbɔɔ ɡbosoo kaa dɛ chɔ kpaa mɛ.

Job Tɔn 17:1 Referans Kwoze

Aesaya 57:16

Maa teŋɛ dɛ kpɔ waa dawɛ n nɛra nɛ, kɛɛ n baah di ba nɛɛ saŋ bɛlbwa. Dɛ ɡɛ laa aa, ba bwara ɛɛ hwaoh n sie. Menee ta ba, dɛ tɛɛ ba mkpa.

Job Tɔn 42:16

Anɔ habɔɔ, Job berɔ dɔ bene lafa fifraanaarɛ. O soɡo dɛ na o bii ne ba ɡe bii ka tel naanar bele banaarɛ.

Job Tɔn 19:17

N haah naa n hweera sɔɔh nyin dɛ́ no, n dɔɔranar ne n nimanar aa n jwɛɛh bala nyin.

Job Tɔn 6:11

N dɔ bokpeɡa dɛ ta dɛɛ hwɛɡɛ kɛ mɛɛ so lee yaa? Ɛrɛɛ mɛɛ ba le soɡa dɛ n ta hwɛɡa dɔe yɔ?

Job Tɔn 7:6

N tɔpera teŋo baa kaa warane kɛŋɔ yasɔɔh aa dɛ ta kokorowa la, a dɛ tonɛ kɛ dɛ n ta hwɛɡa dɔe.

Job Tɔn 16:22

A ka n bene tamaa ken, n kaa bela baa wola laŋɛ dɛɛ ba kpa.”

Job Tɔn 17:11

N soɡa bini tɔpera tonɔ, n waa maa maɡla bil ɡe chɔɡ, n hwɛɡa ɡe tonɛ.