Job Tɔn 16:11 - mzwDBL

¹¹ Korowii kpɔ mɛ do wechɔɡ-ɛɛra nɔn ta, o taɡ mɛ ta ba bini.

Job Tɔn 16:11 Referans Kwoze

Yela 31:8

He ta ɡelɛ n dɔma dɔɔ mɛ, he kpɔ n naa cheɡ bodɛɛɡe.

Yela 27:12

Bɛ men ɡel tɛ n dɔma, ba teŋe nyosone dawɛ n nɛ, dɛ nyin mɛ naɡra, dɛɛ aah mɛ.

2 Kɔrent 12:7

Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo.

Tɔn Pɔɔl Aa Chwerɛ Rom Tena 11:32

Nɛwɛnyina bwa taŋ deŋne Korowii be, asɛ o koh a waa dɛ pa nɛra bwa bolchɔɡe. Ŋwɛnɛ bɛlbwa toole yá che o ta dɛ́ le a ɡɛ bolchɔɡe nɔ ta. A ɛ ɡɛ ásɛ Korowii na ya bwa sum.

Amanesoma Jɔn Aa Chwera Tɔn 19:16

Ate, Paelet kpɔ Yeesu tɛɛ ba ŋɔ bá ka kpaaro pɛl daɡaɡre ta. Asɛ soojare la kpɔɔ kaa.

Yela 7:14

Na ɡɛ wechɔɡ-ɛɛra aa dɛ vɔrɔwe wechɔɡa! Ba dɛ le jina dɛɛ neɡre nɛra.

Job Tɔn 2:7

Anomanta, Bɔnsam le Korowii be bela dɛ ka kpɔ ŋwɛrchɔɡa ta Job nɛ, le o nyu ta ba ta o napaala ta.

1 Samoɛl 24:18

Kooro Sɔɔl ŋɔ, “Namee he baɡle wedɛɛɡa haa ɛɛ mɛ bwa, Korowii kpɔ mɛ do he nɔn ta, kɛ he ta men kpoe.

Job Tɔn 9:24

Harɛ bɛl baa do nɛnchɔɡa nɔn ta naa, Korowii dɛ damɛ nɛra baa dɛ di ba waa liire. Dɛ o laa aa, umee dɛ́ won ɛ ɡɛ nɔ?

Job Tɔn 10:3

A wer he be kɛŋɔ he fiɡ mɛ, dɛ́ vɛh kon he ɡbabir aa tao wa aa? Hɛɛ sɛh waa wechɔɡ-ɛɛra aa dɛ vɔrɔwe taa yaa?

Job Tɔn 16:10

Nɛra dɛ muɡli n baah ba dɛ warɛ dɛ bar mɛ cheme, dɛɛ kpaa n lwɛrɛme.

Job Tɔn 16:12

N fa soɡe deŋnesɔɔhna ta, Korowii den ba hamɛ n baŋa dɛ taɡ mɛ ta harɛ. O kpɔ mɛ dɛɛ hweli hɛm tae.

Job Tɔn 19:6

Hé jemɛ kɛŋɔ Korowiirii ɡela wenaale nɔ ba n nɛ, o harɛ bel dɛ laɡ mɛ.

Job Tɔn 19:22

Ɛrɛɛ he che n nɛɛ ɡɛ Korowii aa ɡela aa noo mɛ nɔɔ? Ɛrɛɛ hɛɛ ha mɛ ɡɛ nɔɔ?

Job Tɔn 27:2

“N ŋwɛɛ Korowii, waa lole saŋ bɛl bwa, Korowii Waa Ɛ Kpeɡri Bwa Dɔɔ waa wola men kɛrɛdɛ ɛɛ, dɛ ɡel mɛɛ na wahala,

Job Tɔn 40:8

Hɛɛ ŋɔɔ he waa wer, dɛ́ chɔɡ mɛ ŋɔ n te waa aa were kɛɛ?