Job Tɔn 12:6 - mzwDBL

⁶ Kɛ ŋwɛɛra ne nɛra baa wola Korowii tomɛ soɡe deŋnesɔɔhna ta, kwaa baa dɛ tomɛ la taa ba kpeɡri do.

Job Tɔn 12:6 Referans Kwoze

Job Tɔn 9:24

Harɛ bɛl baa do nɛnchɔɡa nɔn ta naa, Korowii dɛ damɛ nɛra baa dɛ di ba waa liire. Dɛ o laa aa, umee dɛ́ won ɛ ɡɛ nɔ?

Jeremia 5:27

Gɛ kpaah yon pa jumbii su ɡbɛr bini la, ɡɛɛ ba pa laala baa cheɡɛ ŋwɛnɛchɔɡa ta su ba deene. Anee ɡela ba dɔ suuɡa dɛɛ di kpeɡri.

Yela 37:35

N na nyubinikpeɡ te waa wola nɛn nɛɛ sune, o soɡa bini do wer kɛŋɔ, daa waa kpeɡa harɛdɛɛɡe ta ken,

Yela 37:1

He bɛ ɡel nyubinikpeɡ tena we-ɛɛla we he nɛ, he bɛ wechɔɡ-ɛɛra bwara we.

Yela 17:14

N Naa Korowii, che he kpeɡri ta, dɛ́ lɛɛ mɛ le nɛra baa dɔ harɛ nɔ ta liire, dɛɛ nyin ba soɡa bini kwaa la nɔn ta. Banɔ la haa dɛ nyin ba waa la dɔ kondikwaa kohona, ba bii dɔ ane di dɛ́ vaɡɛ, ásɛ ane ka ba naanar ɡe ba dɔ.

Job Tɔn 22:18

Kɛ Onee tɛɛ ba kondɛɛɡa a su ba deene, anomanta, n laa n te kpɔ wechɔɡ-ɛɛra liire la ta.

Job Tɔn 12:5

Nɛn waa lɔ bosɔɔhna ta dɛ mamɛ nɛn waa aa lɔ o nɛ. He nyin waa dɛɛ tɛ nɛn waa dɛ na wa.

Job Tɔn 12:7

He dɛ nyin waa dɛ hweli aa, he bɔɔ ola ne jumbii á baɡle heyaa wa,

Job Tɔn 24:23

Korowii ken ɛɛ ɡeloo ba bwara sɔɔh ba ba soɡa bini, kɛ dɛ o sie lɔ ba we-ɛɛla ta.

Yela 92:7

Nyubinikpeɡ tena ɛɛ won dɛɛ kpeɡ kɛŋɔ kpɔɡa, ásɛ wechɔɡ-ɛɛra ɡe wobɛlbwa do wer dɛɛ tɛɛ ba, kɛ ba bwa ɛɛ ba chɔɡoo kwaraa.

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Job Tɔn 15:13

he baah di Korowii nɛɛ kohona dɛ ɡel ɡɛ wobochɔɡa nɔ ɛɛ le he nyoa nɔɔ?

Yela 73:3

dɛkalkɛ n na ɡɛ nyubinikpeɡ tena, ne mbarafo tena wa aa wera dɛɛ tɛɛ ba la aa, dɛ n dɛ wee ba bwara.

Jeremia 5:28

Baa di kondɛɛɡa vaɡɛ dɛ je nomanta, ba wechɔɡa ta jaɡa dɔe. Baa bilalbii waa bolɛ dɛɛ tɛɛ ba, baa kasinteŋ bol dɛɛ cha nyaara ɡe.

Habakuk 1:11

Asɛ dɛ wur kaa kɛŋɔ peu yon ta dɛ kpɔ haahra kaa la. A ɡɛ nɛra nɔ, ba kpɔ ba te dawɛ ba bokpeɡa ta kɛŋɔ nɛn aa kpɔ sie dawɛ o voɡ ta la.”