Job Tɔn 12:4 - mzwDBL

⁴ N berɛ akwekwe nɛn n daamanar be, ba dɛ mam mɛ, kɛ n waa toɡrɔ, wechɔɡa bɛlbwa toole n nɛ, Korowii fa no n wesoŋa ka.

Job Tɔn 12:4 Referans Kwoze

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Job Tɔn 30:1

Job teŋɔ ŋɔ, “Nɛra maa ɡwaa ba nomonome kwaraa dɛ mam mɛ taraken! Ba mɛɛnanar kwaraa n fe aa wola ban kpɔ, ba ne n nyootena daah n peera.

Job Tɔn 21:3

Hé tɛ mɛ ŋwɛnɛ, ásɛ n bol n wa, ásɛ n tonɔ mɔɔ naa, hé mam mɛ.

Job Tɔn 17:6

Gɛɛ nɛra kpɔ sɛɡla nɔ dɛɛ bol n wa, nɛra lawɛ n sie dɛɛ teɡɛ harɛ.

Job Tɔn 17:2

Nɛra bwa dɛ mam mɛ, n dɛ na ɡɛ ba sie aa beɡra baa muɡli n baah.

Job Tɔn 16:10

Nɛra dɛ muɡli n baah ba dɛ warɛ dɛ bar mɛ cheme, dɛɛ kpaa n lwɛrɛme.

Hibru 11:36

Ba ɛ bane ɡe bahmuɡliwaa dɛ lɔɔ ba chweremi ne, dɛ do kpɛɛ bane ɡe nɔɔra, dɛ do ba dea.

We-ɛɛla 17:32

Pɔɔl aa bol seo ta ira waa la, dɛ ba dɛ mamɔ, asɛ bane ɡe ŋɔ, “Ya dɛ nyin kɛ he bol he waa la yá no ja.”

Amanesoma Luk Aa Chwera Tɔn 16:14

Farisii tena la aa no ɡɛ la, ba chwee Yeesu, dɛkalkɛ dɛ ba dɛ nyin suuɡa taeh.

Amanesoma Mak Aa Chwera Tɔn 5:40

Waa ŋɔ ɡɛ la, ba mamɔ. Anee o doŋi ba bwa le buse, dɛ kpɔ bie la mɛɛ ne o nya, ne o habɔteŋra batoro la baa ja o nɛɛ la jo bela bie la aa chɔa la,

Matiu 27:29

dɛ kpɔ sɔɔhne sɔh kooɡbɛrɛ piu, dɛ kpɔ daa bɛl do o nɔndiɡ ta, dɛɛ ɡuŋu harɛ kɛŋɔ baa dɛ ɛ kooro la dɛɛ taramo dɛɛ si, “Woowo, Juu tena kooro!”

Maeka 7:7

Kɛ n te, n dɛ hwɛɡɛ dɛɛ nyiŋi Korowii ŋwɛnɛ. Korowii waa ɛ n Lɛɛ laanee mɛɛ kpa, wɛɛ no n bee.

Jeremia 33:3

Yer mɛ, ásɛ n chaŋe, ásɛ dɛ baɡle wejena ne waa aa sɔah haa wola an jemɛ.

Sɛɡla 14:2

Nɛn o wa aa toɡra laanee dɛɛ ɔmɛ Korowii, kɛ nɛn waa dɛ neɡre nɛraa wola Korowii kpɔe dɛɛ ɛ wobɛlbwa.

Yela 35:16

Ba do kɛ nɛra baa wola Korowii tomɛ, dɛ cheme dɛɛ mam mɛ, dɛɛ nyiŋ mɛ sichɔɡa ne.

Job Tɔn 16:20

N daamanar dɛ mam mɛ, n dɛ wi siniire ŋɔ Korowii cha mɛ.

Job Tɔn 11:3

He dɛ lii kɛŋɔ yaa won chaŋe kɛɛ? He wepuu waa nɔ ɛɛ won tɔ yaa ŋwɛnɛ, ya bɛ won bol wa aa?

Job Tɔn 6:29

Hé berɛ nyiŋi a bini, dɛ bɛ men bolchɔɡe pa, hé kwaa lii, dɛkalkɛ n waa la wer.

Matiu 9:24

o ŋɔ ba be ŋɔ, “Hé bwa le dem bonɔ! Bie la ta sewɛ, domii o chɔ.” Waa ŋɔ ɡɛ la, ba mamɔ.

Job Tɔn 9:21

N waa toɡrɔ te, kɛ n waane laa wobɛlbwa aa ba n nɛ. N soɡa bini pe mɛ.

Job Tɔn 12:5

Nɛn waa lɔ bosɔɔhna ta dɛ mamɛ nɛn waa aa lɔ o nɛ. He nyin waa dɛɛ tɛ nɛn waa dɛ na wa.

Job Tɔn 13:18

Maa dɔa lii n waa cheɡ nɔ, n jemɔ kɛ Korowii ɛɛ pa mɛ bolee.

Job Tɔn 30:9

Name, menee ba bibaala kpɔ ɡo yela dɛɛ mamɛ, menee ba kpɔ maɡɛ waa dɛ bol dɛɛ mamɛ.

Job Tɔn 34:7

Nɛn besoo Job, waa wola duure kpɔe tɛ Korowii nɔɔ?

Jeremia 20:7

N Naa Korowii, he neɡ mɛ, asɛ n teŋɛ he nɛ. He pɔ n nɛ, dɛkalkɛ he kpeɡri ɡwaa mɛ. Nɛra dɛ muɡli n baah, tɔpebir bwaa baa mam mɛ.