Job Tɔn 11:3 - mzwDBL

³ He dɛ lii kɛŋɔ yaa won chaŋe kɛɛ? He wepuu waa nɔ ɛɛ won tɔ yaa ŋwɛnɛ, ya bɛ won bol wa aa?

Job Tɔn 11:3 Referans Kwoze

Job Tɔn 17:2

Nɛra bwa dɛ mam mɛ, n dɛ na ɡɛ ba sie aa beɡra baa muɡli n baah.

Tɔn Jud Aa Chwera 1:18

Ba ŋɔ he be ŋɔ, “Tɔpera aa ka mun la ta la, nɛra ɛɛ leo dɛɛ mamɛ heya. A ɡɛ nɛra nɔ aa Korowii ɔmɛ. Wedoŋa ba sie aa dɛ lɛ a taa baa ɛ.”

Taetos 2:8

Gel a toɡre kɛrɛdɛ, nɛra bɛ a wobɛlbwa dɔ dɛ́ bol, ásɛ nɛra baa dɛ tɔŋle heyaa bɛ ya wechɔɡe bɛlbwa dɔ dɛ́ bol, ásɛ sihiih kpo ba.

2 Tesalonika 3:14

Dɛ nomɛlbwa ta sɛɛh kɛ wɛɛ teŋɛ ɡɛ yaa ŋɔa tɔn nɔ bini nɔ taa yaa, hé nyiŋu kɛrɛdɛ. He ne o bɛ pɛ dɛɛ ɛ wobɛlbwa, ásɛ sihiih kpoo.

Jeremia 15:17

N laa n te kpɔ nɛra baa soɡa dɛɛ do ɡbɔɡa, dɛɛ hɛɡre kɛŋɔ sennyɔdɛɛra bini. N ɡbo soɡo, dɛkalkɛ he ja n nɛ, asɛ bwaawee far mɛ.

Yela 83:16

N Naa Korowii, ɡel sihiih kpo ba, dɛ́ ɡel ba na he kpeɡri.

Yela 35:16

Ba do kɛ nɛra baa wola Korowii tomɛ, dɛ cheme dɛɛ mam mɛ, dɛɛ nyiŋ mɛ sichɔɡa ne.

Job Tɔn 34:7

Nɛn besoo Job, waa wola duure kpɔe tɛ Korowii nɔɔ?

Job Tɔn 24:25

Dɛ ɡɛ laa aa, umee dɛ won ŋɔ n teŋe nyosone, dɛ́ baɡle kɛ ɡɛ laa waa la doɔ?”

Job Tɔn 21:3

Hé tɛ mɛ ŋwɛnɛ, ásɛ n bol n wa, ásɛ n tonɔ mɔɔ naa, hé mam mɛ.

Job Tɔn 13:9

Korowii nyiŋi he bini naa, wɛɛ na wedɛɛɡa anee yaa? Hɛɛ won neɡro ɡɛ haa dɛ neɡre nɛra la kɛɛ?

Job Tɔn 13:4

Hé kpɔ nyosone tɔ kasinteŋ ta, hé do kɛŋɔ tɛɛɡa te waa wola won chah weela!

Job Tɔn 12:4

N berɛ akwekwe nɛn n daamanar be, ba dɛ mam mɛ, kɛ n waa toɡrɔ, wechɔɡa bɛlbwa toole n nɛ, Korowii fa no n wesoŋa ka.