Job Tɔn 10:21 - mzwDBL

²¹ ásɛ n berɔ kaa laa, maa wola berɛ ba kpa. N dɛ kaa bela bochaah naa wola toole, bela biro ne suna ɡbo aa lole,

Job Tɔn 10:21 Referans Kwoze

Job Tɔn 3:5

Gel biro o bini aa ɔma tɔ ɡɛ tɔpere la ta, kpɔ baama tɔ o ta o waa le, bochaah bɛ o ta ba kpa bwa.

2 Samoɛl 12:23

Kɛ taraken waa sewa nɔ, ɛrɛɛ chɛ kɛ ń berɛ vɔwɛ nyoa jaɔ? Maa won berɛ ba o ne mkpa ta kpa. Menee dɛ́ sewɛ kaa o be, o te laa dɛ́ ba n be kpa.”

Yela 23:4

Hale n dɛ valɛ biro tenten bini kwaraa naa, maa ɔmɛ, dɛkalkɛ he ja n nɛ, he daŋɡbala haa kpɔa dɛɛ teɡɛ peera laanee dɛɛ tɛ mɛ bosɔɔhna.

Job Tɔn 16:22

A ka n bene tamaa ken, n kaa bela baa wola laŋɛ dɛɛ ba kpa.”

2 Samoɛl 14:14

Ya bwa ɛɛ serewoo kɛŋɔ baa fuɡe nee ta aa palɛ harɛ, baa wola won berɛ boa a nyoa kpa la ken. Kɛ Korowii aa ɡel nɛn waa sewa berɛ ba mkpa ta, kɛ kooro fe ɛɛ won che ŋwɛnɛ bɛl ta, dɛ́ ɡel nɛn baa lawɔ laa ta kaa bojaŋ harɛfale ta berɛ ba o harɛ ta.

Jeremia 2:6

Ba ta n waa bɔɔrɛ ŋɔ, ‘Leperaa Korowii dɔɔ? Onee lawɛ yaa le Ijipt harɛ, dɛ kpɔ yaa valɛ pua hɛŋle ɡbo harɛ ta, harɛ komɛlbwa aa wola toole o ta, o dɔ bɔluŋe, biro ne hwel do bela, nomɛlbwa aa o ta kpɔ, á ba ɛ kɛŋɔ nɛra ɛɛ so belaa.’

Aesaya 38:11

N ŋɔ, “Maa Korowii na harɛ nɔ ta kpa, kɛɛ dɛ́ na nɛra ba soɡe harɛ nɔ ta.

Yela 88:6

He taɡ mɛ ta lalbɔɔ waa luŋa ne biro kohona bini.

Job Tɔn 3:13

Dɛ n fe sewɔ ɡɛ saŋ aa, n fe chɔ deŋnesɔɔhna ta, dɛɛ onɛ,

Job Tɔn 10:22

bela ɛ biro ɡbo dɛ do kɛŋɔ harambaŋa o ta mar dɔe, dɛ do saɡasaɡa.”

Job Tɔn 34:22

Bɔr bira toole, biro toole bobɛlbwa, dɛ́ tɔ wechɔɡ-ɛɛra nɛ ba kpɔ ba te sɔh Korowii.

Job Tɔn 38:17

Nomɛl baɡle bela baa kpɔa dɛɛ jo lalabwɛɛ waa ɛ biro la ta kaa?

Yela 39:13

Laa sie kpɔ n nɛ, ásɛ n sie berɛ lɛ ja, mɔɔ n sewɛ le harɛ nɔ ta.”

Job Tɔn 17:13

N hwɛɡa bwa lɔ lalabwɛ, belaa mɛɛ ba n kalaŋ pae dɛ́ chɔ biro ta.

Yela 49:20

Nɛn waa dɔ kondɔɔh waa wola waa mun no la, ɡɛ ola aa dɛ sewɛ laanee o ɡe ɛɛ ba sewa.

Yela 88:13

N Naa Korowii, n wio dɛɛ noe kɛ he cha mɛ, chɔɔ bɛlbwaa n kpɔ n wesoŋa dɛɛ bil he sie.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Wejereme 11:8

Dɛ nomɛl wono so dɛ biɡri aa, a chɛ kɛ o sie lɛ o tɔpera la bwa ta. Kɛ ó lii kɛŋɔ tɔpechɔɡa ane lole, dɛ warɛ ɡwaa anɔ la waa kpɔa so. Wedɛɛɡa ane bɛlbwa toole dɛ do a habɔɔ kpa.