Job Tɔn 1:18 - mzwDBL

¹⁸ Torome la ɡe nyoa ta chiɡe, dɛ bɛl ɡe balɔ dɛ ba ŋɔ, “Dɛ he bibaala ne bihaahna la lɔ ba dɔɔ nomoa la dem, dɛɛ di kondikonjena dɛɛ lɛ ba sie,

Job Tɔn 1:18 Referans Kwoze

Job Tɔn 1:4

O bibaala la bɛlbwa yon le o tɔpere cheɡ, dɛ́ ɡel ba daa kondikonjena o dem, dɛ́ yerɛ ba nimambihaahna batoro la, bá ka puu ba di kwaa la dɛ́ lɛ ba sie.

Job Tɔn 1:13

Awola bɛl, Job bibaala ne bihaahna la dɛ di kondikonjena la ane, dɛɛ lɛ ba sie ba dɔɔ nomoa dem,

Wiile 1:12

Jerusalam wio kɛ nɛn ken, dɛ ŋɔ nɛra baa teŋa baa kaa be ŋɔ, “Hé nyiŋ mɛ, amɔ nomɛl ɡe lole dɛɛ na n wenaale nɔ dɔŋa aa? Wenaale Korowii baah aa dia kohona o kpɔ ba ta n nɛɛ saŋ nɔ ta nɔ.

Jeremia 51:31

Nae toroma na teŋɛ dɛ kaa bol Babelɔn kooro be ŋɔ, ba kuuɡi o bwɛjen la danjwɛjen dɛ jo o bini.

Aesaya 28:19

Chɔɔ ne jwaana bwaa wɛɛ ba tae, saŋ te bɛlbwa waa ta la, wɛɛ kaa he nee.” Dɛ he no waa nɔ mun aa, ɔmee ɛɛ lawɛ heyaa kohonaa taeh.

Wejereme 9:2

Nyokala beŋkpoŋii chɔ le dɛ tɛ ba bwa, nɛra ba wa aa toɡra ne wechɔɡ-ɛɛra, nɛndɛɛɡa ne nɛnchɔɡa, banɔ la baa kah doŋa, ne banɔ la baa wola doŋa kaeh, dɛ banɔ la baa dɛ ɛ sarahare, dɛ banɔ la baa wola sarahare ɛ bwa. Waa aa chɔ le tɛ nɛndɛɛɡe la, ɡɛɛ a chɔ tɛ wechɔɡ-ɛɛ ɡe, ɡɛ aa doa dɛ tɛ nɛra baa dɛ ŋwɛɛ ntam la, ɡɛɛ a do tɛ banɔ la baa dɛ ɔmɛ ŋwɛɛra.

Yela 34:19

Nɛra ba wa aa toɡra ɛɛ won na wahala kohona, kɛ Korowii lɛɛ ba dɛɛ le a bwa ta,

Job Tɔn 27:14

Ba bii ɛɛ warɔɔ, kɛ baa kpoo ba laa taa, ba naanar aa kondikwaa dɔ di vaɡɛ.

Job Tɔn 23:2

“Hale fini n waa ta kpeɡri dɛ ɡwaa n nɛɛ ja, n pɛma habɔɔ, Korowii ta dɛ tɛr n deŋne.

Job Tɔn 16:14

O teŋɔ dɛɛ do mɛ bola, kɛŋɔ nɛn aa dɛ yo laa siswɛm ne la.

Job Tɔn 8:4

He bii ken ɛ Korowii wechɔɡa, a waa o tɛr ba deŋne ɡɛ aa chɛa.

2 Samoɛl 13:28

dɛ ŋɔ o bonɔɔna be ŋɔ, “Hé ɡel he sie do Amnɔn be ɡɛ saŋ waa nyɔ sen dɛ dɛɛ la, mɛɛ lɔ sie he bee, ásɛ he kpoo. Hé te bɛ ɔmɛ. Mɛɛ lɛ wobɛlbwaa dawɛ n nɛ. He bɛ ɔmɛ, dɛ́ che kiŋkiŋ.”

Job Tɔn 1:17

O ɡe nyoa ta chiɡe, dɛ torome bɛl ɡe balɔ dɛ ba ŋɔ, “Kaldea tena baa kpoŋe dɔmkwaa dɛɛ ŋwɛ bɔne ba bini nɛmbele batoro, dɛ ba lɔ jo ya bini, dɛ lawɛ he nyoɡmare la bwa kaa. Ba kpoo n bala la bwa. N ɡboo wona dɔ bɔr chwa, dɛ baa bol he be la!”

Job Tɔn 1:19

asɛ peukpeɡ den ta le pua hɛŋle ɡbo harɛ ta dɛ ba lɔ dem la, o bwa ku chole ba nɛɛ ba bwa serewe. N ɡboo wona le a nyoa, dɛ baa bol he be la.”