Job Tɔn 1:1 - mzwDBL

¹ Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Job Tɔn 1:1 Referans Kwoze

Jems 5:11

Ya dɛ yerɛ nɛra baa wona lawɛ bambile, dɛ che kiŋkiŋ la nɛra baa na som. He fa no Job wa, ɡɛ waa wona lawɛ bambile dɛ che kiŋkiŋ o wahala bini ka tonɛ, asɛ a habɔɔ Korowii chao. Nɛra waa dɛ domɛ Korowii tea wɛɛ sune ba nɛ.

Ɛsekeɛl 14:14

Hale dɛ Nowa ne Danɛl dɛ Job ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.

Ɛsekeɛl 14:20

hale dɛ Nowa ne Daneɛl dɛ Job lɔ bela kwaraa naa, n ŋwɛɛrɔ kɛŋɔ men Nemenɛ Korowii taa lole nɔ, baa wona ba dɛ́ lɛ ba bibaala kɛɛ bihaahna. Ba ɡboo dɛ́ won dɔ ba nyu ba wedɛɛɡa wa.”

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Job Tɔn 2:3

Ate, Korowii ŋɔ o be ŋɔ, “Ɛrɛɛ he na n bonɔɔ Job waɔ? Nomɛlbwa toole o waa toɡre kɛ on harɛ nɔ ta, wechɔɡe bɛlbwa toole o nɛ, o dɛ tom mɛ, dɛ laa o te dɛɛ kpɔ wechɔɡa ta. He ba n be ŋɔ n tɛɛ ŋwɛnɛ he ka chɔɡo, dɛ o ta waane ɛɛ, kɛ ane a bwa, o waa ta toɡrɔ.”

Job Tɔn 1:8

Korowii ŋɔ o be ŋɔ, “Ɛrɛɛ he na n bonɔɔ Job waɔ? Nomɛlbwa toole o waa toɡre kɛ on harɛ nɔ ta, wechɔɡe bɛlbwa toole o nɛ, o dɛ tom mɛ, o laa o te dɛɛ kpɔ wechɔɡa ta.”

Mumpar 6:9

Kenii Nowa bwara waa do. Waa ira ɡɛ saŋ la, dɛ o ɡboo ɛ nomɛl o wa aa toɡra, wechɔɡa bɛlbwa aa wola toole o nɛ. Anomanta, o ne Korowii kpɔ darame.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Sɛɡla 8:13

Nomɛlbwa waa dɛ ɔmɛ Korowii kii wechɔɡa, anomanta, n kii mbarafo ne maŋkurae we-ɛɛla, ne wechɔɡa ŋwɛnɛre, dɛ nyosone.

Mumpar 22:12

Asɛ o ŋɔ, “Dɛɛ berɛ bie la wobɛlbwa ɛɛ. Namee n ta jemɛ kɛŋɔ he dɛ ɔmɛ Korowii, dɛkalkɛ he ta men he bibeŋkpoŋ nɔ kwaraa vɔmɛ.”

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Wiile 4:21

Edom ne Us tena, hé hɛɡre dɛ́ ɡel he sie lɛ. He ɡe chɔɡa dɛ ba, hɛɛ yɛɛɡoo mumɡbal ne, ásɛ sihiih kpo heya.

Sɛɡla 16:6

Nyina ne kasinteŋ taa wechɔɡa kpɔe dɛ kɛ do. Korowii ɔma ɡe taa nɛn che dɛɛ ke wechɔɡa.

2 Koranar 20:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

1 Pita 3:11

Wɛ́ɛ ke o te wechɔɡa ta, dɛɛ ɛ wedɛɛɡa. Ó swɛɛ siwi dɛɛ ɛ waa aa dɛ ba nyopɛo ne.

Jeremia 25:20

ne nɛŋhɔɔhra bwa baa lɔ bela, ne Us harɛ koranar ne Filisti koranar bwa, banɔ la baa le Askɛlɔn ne Gasa ne Ekron dɛ nɛra baa kaa dɛ do Asdɔd,

1 Webena 1:42

Asɛ Esa ɡe bibaalaa nɔ, Bilhan ne Saavan dɛ Akan. Disan ɡe ir dɛ lolɛ bibaala nɔ, Us ne Aran.

1 Webena 1:17

Sɛm bibaala waa lol ba laanee teŋa nɔ, Elam ne Assur ne Aafaksad ne Lud dɛ Aram. Aram ɡe aa ira la, o bibaala waa lol ba laanee, Us ne Hul ne Geta dɛ Mɛsɛk.

Kaala 18:21

Berɛ le ba bini wejerema, baa dɛ ɔmɛ Korowii ba wa aa dɔ kasinteŋ, ba siwi aa wola suuɡa beɡre. Dɛ́ kpɔ ba chɔ nɛra kaɡboŋa ne lafare, ne fifraanunue dɛ fifi nyoo.

Mumpar 36:28

Disan ɡe ir dɛ lolɛ, bibaalaa nɔ, Us ne Aran.

Mumpar 10:23

Aram ɡe aa ira la, o bibaala waa lol ba laanee, Us ne Hul ne Geta dɛ Mɛsɛk.

Mumpar 42:18

Tɔpetooro wee la, Josef ŋɔ o dɔɔranar la be ŋɔ, “N te, n ɛ nɛn maa dɛ ɔmɛ Korowii, dɛ mɛɛ ɡel heyaa yaa, aa che webeŋkpoŋ taa.

Mmarare 18:13

A chɛ kɛŋɔ hé waa do kaih Korowii haa dɛ tomɔ nɔ be.”

Job Tɔn 4:6

He tomɛ Korowii, wechɔɡa bɛlbwa aa wola toole he nɛ, a chɛ kɛ hɛɛ yarada dɛ dɔ hwɛɡa.

Job Tɔn 9:21

N waa toɡrɔ te, kɛ n waane laa wobɛlbwa aa ba n nɛ. N soɡa bini pe mɛ.

Sɛɡla 3:7

Bɛ he te wejereme kohona dɛɛ lii, ɔmɛ Korowii, dɛ ke he te wechɔɡa ta.

Sɛɡla 14:2

Nɛn o wa aa toɡra laanee dɛɛ ɔmɛ Korowii, kɛ nɛn waa dɛ neɡre nɛraa wola Korowii kpɔe dɛɛ ɛ wobɛlbwa.

Sɛɡla 14:16

Wejereme dɛ nyiŋi kɛrɛdɛ o soɡa bini kɛ o bɛ waa dɔ. Gɛnee dɛɛ ɛ waa saɡasaɡa, o baah ɛɛ di warawara.

Sɛɡla 16:17

Nɛn o wa aa toɡra la dɛ ke wechɔɡa o vala bini, nomɛlbwa waa dɛ nyiŋi o vala bini la, dɛ dɔ o nyu.

Sɛɡla 20:7

Nɛn o wa aa toɡra o bwara aa wola wechɔɡe bɛlbwa dɔe la, o seo habɔɔ, o bii dɛ na som.