Amanesoma Jɔn Aa Chwera Tɔn 9:24 - mzwDBL

²⁴ Ba berɔ yerɛ baa la o fa aa nyoŋa la nɛɛtena, asɛ dɛ ŋɔ o be ŋɔ, “Nyiŋi Korowii dɛ bol kasinteŋ. Ya te jemɔ kɛ baa nɔ waa chaeh nɔ ɛ wechɔɡ-ɛɛ.”

Amanesoma Jɔn Aa Chwera Tɔn 9:24 Referans Kwoze

Amanesoma Jɔn Aa Chwera Tɔn 9:16

Asɛ Farisii tena la bane ŋɔ, “Baa nɔ ta Korowii be leɛ, dɛkalkɛ o chɔɡ Ona Tɔpere.” Bane ɡe ŋɔ, “Ɛrɛɛ wechɔɡ-ɛɛ ɛɛ ba wona ɛ nyokpowaa nɔ dɔŋa baa nɔ aa ɛa nɔɔ?” A cheɡɛ a ta ba nyoa ta pɛɛ kpa.

Josua 7:19

Anee Josua ŋɔ Akan be ŋɔ, “N bie, ɔmɛ Korowii, kpɔ duure tɛ Korowii Israel tena aa dɛ tomɔ la, dɛ́ bol he wechɔɡa haa ɛa la, dɛ bɛ nyosone teŋe. Bol wobɛlbwa haa ɛa, bɛ kpɔ sɔɔh mɛ.”

Amanesoma Jɔn Aa Chwera Tɔn 19:6

Sɔfonomonome ne nɛra baa dɛ daah Korowii Dea la aa nao la, ba kpɔ takpeɡ ŋɔ, “Gel ba kpoo! Gel ba kpaaro pɛl daɡaɡre ta!” Anee Paelet chaŋ ba ŋɔ, “Hé ɡbaɡba ba kpɔɔ ka kpaa pɛl daɡaɡre ta. N te ta wobɛlbwa o nɛɛ nae dɛ́ che a ta dɛ́ ɡel ba kpoo.”

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

Amanesoma Jɔn Aa Chwera Tɔn 18:30

Anee ba chaŋe ŋɔ, “Dɛ wechɔɡ-ɛɛ laa aa, ya fe ta o ne he be balɛ.”

Amanesoma Jɔn Aa Chwera Tɔn 16:2

Nɛra ɛɛ doŋi heyaa cheremi deene binii, ásɛ a ba saŋ bɛl kɛŋɔ bá kpoo heya, dɛɛ lii kɛŋɔ Korowii tetoowaa baa ɛ ɡɛ la.

Amanesoma Jɔn Aa Chwera Tɔn 14:30

N ne haa won bol waa kohona kpa, dɛkalkɛ harɛ nɔ ta kooro dɛ ba. O ta kpeɡri bɛlbwa dɔe n nɛ,

Amanesoma Jɔn Aa Chwera Tɔn 8:49

Anee o ŋɔ, “Kwa aa n nɛɛ ir, n Mɛɛ sɔnee mɛɛ kwaa, asɛ he te ɛɛ chɔɡ mɛ.

Amanesoma Jɔn Aa Chwera Tɔn 8:46

He bini umee dɛ́ won chaɡle kɛ n ɛ wechɔɡa kaɔ? Aah dɛ n dɛ bol kasinteŋ aa, ɛrɛɛ haa wola men yarada ɔ?

Amanesoma Jɔn Aa Chwera Tɔn 5:23

Dɛ ŋɔ nómɛlbwa tɛ o Bie la jirima ɡɛ tenten baa dɛ tɛo jirima la. Anomanta, nomɛlbwa waa wola o Bie la jirima tɛ la, dɛ ɡɛɛ waa wola o Mɛɛ la waa tomɔ la jirima tɛ.

Amanesoma Luk Aa Chwera Tɔn 19:7

Nɛra baa lɔ bela dɛ na la ŋwalɛ Yeesu ŋɔ o kaa choɡ wechɔɡ-ɛɛ dea.

Amanesoma Luk Aa Chwera Tɔn 15:2

Anee Farisii tena ne Tɔnjerema bane ŋwalɔ dɛ ŋɔ, “Gɛ baa nɔ dɛ lɛ wechɔɡ-ɛɛra o ne ba yon pɛ nɔn dɛɛ di kwa.”

Amanesoma Luk Aa Chwera Tɔn 7:39

Belaa Farisii te la waa yerɛ Yeesu ŋɔ ó ba di kwaa la aa na a ɡɛ waa nɔ la, o lii o nyu bini ŋɔ, “Baa nɔ fe ɛ Korowii keame tenten naa, o fe jemɛ haah nɔ hahsoo waa dɛ leɡo nɔ. O fe jemɛ o wechɔɡa waa lɔ a ta bwɛɛ nɔ ta.”

Amanesoma Mak Aa Chwera Tɔn 15:27

Ŋwɛɛra banɛɛ ba kpaa pɛl daɡaɡra ta ja Yeesu nɛ. Bɛl saɡɛ o diɡ ta, bɛl ɡe saɡɛ o ɡal ta.

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

Ɛsra 10:11

Taraken, hé bol he wechɔɡa baɡle Korowii he naawa aa tomɔ, dɛ́ɛ ɛ o bambile bini wa. Hé laa he te kpɔ harɛfala aa bar heyaa cheme nɔ nɛra, ne haahna baa wola he harɛ ta tena ɛɛ he mo ba la nɛ.”

Amanesoma Jɔn Aa Chwera Tɔn 9:25

Belaa o ŋɔ, “Dɛ o ɛ wechɔɡ-ɛɛ ne o ta ɛɛ yoo, n te aa jemɛ. Webeŋkpoŋ maa jema laanee kɛ, n fa nyoŋɔ asɛ taraken dɛ berɛ dɛɛ na.”

Wepila 11:13

Buɡ la ta, harɛ jiɡri kohona, asɛ bwɛjen la deene choɡli. Dɛ ba bɔne bwɛɛ la bini bɔre fi aa, deene aa choɡla la ɛɛ tel bɔr beŋkpoŋ deenee, nɛra kaɡboŋa banuanɛ serewɔ, asɛ ɔmee lawɛ banɔ la baa kaa la, asɛ ba kpɛɛ Korowii Waa Dɛ Di Kora Nyundua la.